1 GBP = 92.70 INR                       

BREAKING NEWS

കൊറോണ ബാധിച്ച പല ചെറുപ്പക്കാരിലും ഹൃദയാഘാതം ഉണ്ടാകുന്നു; മറ്റുവിധത്തില്‍ പൂര്‍ണ്ണ ആരോഗ്യവാന്മാരായവര്‍ വരെ ഹൃദ്രോഗത്താല്‍ മരണമടയുന്നു; ശ്വാസകോശത്തെ വിട്ട് കൊറോണ ഹൃദയത്തില്‍ പിടിമുറുക്കാന്‍ തുടങ്ങിയോ? ചില പുതിയ വെളിപ്പെടുത്തലുകള്‍

Britishmalayali
kz´wteJI³

നിയും പൂര്‍ണ്ണമായും ഉത്തരം കിട്ടാത്ത ഒരു പ്രഹേളികയാണ് കൊറോണയെന്ന ഇത്തിരിക്കുഞ്ഞന്‍. ദിവസം പ്രതി ഞെട്ടിക്കുന്ന പുതിയ വെളിപ്പെടുത്തലുകളാണ് ഈ കൊലയാളി വൈറസിനെ കുറിച്ച് പുറത്തുവരുന്നത്. ഈയിടെയായി ലോകത്തെമ്പാടുമുള്ള ആരോഗ്യപ്രവര്‍ത്തകരുടെ, പ്രത്യേകിച്ച് ഡോക്ടര്‍മാരുടെ ശ്രദ്ധയില്‍ പെട്ട ഒരു കാര്യമാണ് ഇപ്പോള്‍ പുറത്തുവന്നിരിക്കുന്നത്. കൊറോണ ബാധിച്ച, ചെറുപ്പക്കാരായ രോഗികളില്‍ ഹൃദയാഘാതത്തിന്റെ തോത് വര്‍ദ്ധിക്കുന്നു. കൊറോണ ബാധമൂലം തലച്ചോറില്‍ രക്തം കട്ടപിടിക്കാന്‍ ഇടയുണ്ടാകുമെന്നാണ് ഇതുസംബന്ധിച്ച പ്രാഥമിക വിലയിരുത്തല്‍.

ന്യുയോര്‍ക്കിലേയും ഫിലാഡല്‍ഫിയയിലേയും ഡോക്ടര്‍മാരാണ് ഈ ഞെട്ടിക്കുന്ന വെളിപ്പെടുത്തലുമായി വന്നിരിക്കുന്നത്. ഇത്രയധികം യുവജനങ്ങളില്‍, ഇതുപോലുള്ള മാരകമായ ഹൃദ്യാഘാതം ഇതിനു മുന്‍പ് കണ്ടിട്ടില്ല എന്നാണ് അവര്‍ പറയുന്നത്.കഴിഞ്ഞ മൂന്ന് ആഴ്ച്ചകളായി 15 മെഡിക്കല്‍ സെന്ററുകളില്‍ നടത്തിയ പഠനത്തില്‍ തെളിഞ്ഞത്, കടുത്ത ഹൃദയാഘാതം മൂലം ചികിത്സ തേടിയെത്തിയ രോഗികളില്‍ 40% പേര്‍ കൊറോണ ബാധിതരായ, 50 വയസ്സിന് താഴെയുള്ളവര്‍ ആയിരുന്നു എന്നാണ്. ഇത്തരത്തിലുള്ള ഹൃദയാഘാതം സംഭവിക്കാവുന്ന ശരാശരി പ്രായം 74 ആണെന്നത് ഓര്‍ക്കണം.

ചൈനയിലെ വുഹാനില്‍ നടന്ന മറ്റൊരു പഠനത്തില്‍ വെളിപ്പെട്ടത് ഏകദേശം 36% കോവിഡ് ബാധിതര്‍ക്ക് ബോധക്ഷയം, തലച്ചോറില്‍ രക്തം കട്ടപിടിക്കല്‍ തുടങ്ങിയവ ഉണ്ടായിരുന്നു എന്നാണ്. ശ്വാസകോശത്തെ ബാധിക്കുന്ന രോഗം എന്ന നിലയില്‍ നിന്നും മാറി കോവിഡ് കൂടുതല്‍ കൂടുതല്‍ സങ്കീര്‍ണ്ണതകള്‍ സൃഷ്ടിക്കുകയാണെന്നാണ് ഏറ്റവും പുതിയ വെളിപ്പെടുത്തലുകള്‍ സൂചിപ്പിക്കുന്നത്. ഇത്, ഈ രോഗത്തിന്റെ തീവ്രത വര്‍ദ്ധിപ്പിക്കും എന്നു മാത്രമല്ല, ഇതിനെ കൂടുതല്‍ അപകടകാരിയാക്കുകയും ചെയ്യും.

വൈറസ് ബാധമൂലം ഇത്തരത്തില്‍ രക്തം കട്ടപിടിക്കുന്നതിനുള്ള കാരണമെന്താണെന്ന് ഇതുവരെ വ്യക്തമായിട്ടില്ല. ചിലര്‍ പറയുന്നത് വൈറസിനെതിരെ പ്രതിരോധം തീര്‍ക്കുന്നതിനുള്ള അമിതശ്രമത്തിന്റെ പേരില്‍ ഉദ്പ്പാദിപ്പിക്കപ്പെടുന്ന അധിക സൈറ്റോക്കിനുകളാകാം എന്നാണ്. മറ്റൊരു വിഭാഗം പറയുന്നത്, കൊറോണയുടെ ആകൃതിയുടെ പ്രത്യേകതമൂലം,ഇത് ശരീരത്തെ ബാധിക്കുമ്പോള്‍ രക്തക്കുഴലുകള്‍ക്ക് ക്ഷതം സംഭവിപ്പിക്കും എന്നു അതുവഴി രക്തം ചോര്‍ന്ന് കുഴലുകള്‍ക്ക് പുറത്തെത്തി കട്ടപിടിക്കുന്നു എന്നുമാണ്.

ശരീരത്തിന്റെ പ്രതിരോധ പ്രവര്‍ത്തനങ്ങളില്‍ സ്വാധീനം ചെലുത്തുന്ന രാസ തന്മാത്രകളാണ് സൈറ്റൊകിന്‍. ശരീരത്തിലെ പ്രതിരോധ കോശങ്ങള്‍ക്ക്, പുറത്ത് നിന്നെത്തിയ ആക്രമകാരിയെ ആക്രമിക്കാനുള്ള നിര്‍ദ്ദേശം നല്‍കുന്നത് സൈറ്റൊകിനുകളാണ്. ചിലപ്പോള്‍ ഇവ അമിതമായി പ്രവര്‍ത്തിക്കുകയും തത്ഫലമായി പ്രതിരോധ കോശങ്ങള്‍, ശരീരത്തിലെ കോശങ്ങളെ തന്നെ ആക്രമിച്ച് ക്ഷതം വരുത്തുകയും ചെയ്യും. ഇത്തരത്തില്‍ അവ രക്തക്കുഴലുകളെ ആക്രമിച്ച് ക്ഷതം വരുത്തുകയും തത്ഫലമായി രക്തം പുറത്തോട്ടൊഴുകി കട്ടപിടിക്കുകയും ചെയ്യുന്നു എന്നാണ് അദ്യവിഭാഗം ഗവേഷകര്‍ നല്‍കുന്ന വിശദീകരണം.

ഏതായലും ഈ പുതിയ വെളിപ്പെടുത്തല്‍ കോവിഡ് 19 എന്ന മഹാമാരിയെ കൂടുതല്‍ ഭയാനകമാക്കിയിരിക്കുകയാണ്. ഇനിയും ഇതിനെ കൂടുതല്‍ ഗൗരവത്തോടെ സമീപിക്കണമെന്ന സന്ദേശം നല്കുന്ന ഒരു കണ്ടുപിടുത്തം കൂടിയാണിത്.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category