1 GBP = 93.80 INR                       

BREAKING NEWS

എന്തൊക്കെ പറഞ്ഞാലും എനിക്ക് വിവാഹം കഴിച്ചാലേ പറ്റൂ എന്ന് 19കാരി; ലോക്ഡൗണില്‍ രണ്ടാം തവണയും വിവാഹം മാറ്റിവെച്ചതോടെ യുവതി 80 കിലോമീറ്റര്‍ ഒറ്റയ്ക്ക് നടന്ന് വരന്റെ വീട്ടിലെത്തി: എനിക്ക് ഈ ചെക്കനെ ഇനി പിരിഞ്ഞിരിക്കാനാവില്ലെന്ന് പെണ്‍കുട്ടി കടുംപിടിത്തം പിടിച്ചതോടെ നിലവിളക്കെടുത്ത് അമ്മായി അമ്മയും

Britishmalayali
kz´wteJI³

തൊരു പെണ്ണിന്റേയും ജീവിതത്തിലെ ഏറ്റവും വലിയ സ്വപ്നമാണ് വിവാഹം. എന്നാല്‍ ഈ ലോക്ഡൗണ്‍ കാലത്ത് നമ്മള്‍ ഏറ്റവും അധികം കേട്ടത് വിവാഹം മാറ്റിവയ്ക്കല്‍ വാര്‍ത്തകളാണ്. ലോക്ഡൗണ്‍ നീട്ടുന്നതനുസരിച്ച് രണ്ട് മൂന്നും പ്രാവശ്യമാണ് പല വിവാഹങ്ങളും നീട്ടിയത്. ഇതിനിടയില്‍ പലരും സഹികേട്ട് വരന്റെ ഒപ്പം ഒളിച്ചോടിയ വാര്‍ത്തകളും പുറത്തു വന്നു. ഇത്തരത്തില്‍ രസകരമായ ഒരു വാര്‍ത്തയാണ് ഇപ്പോള്‍ ഉത്തര്‍ പ്രദേശില്‍ നിന്നും പുറത്തു വരുന്നത്.

വിവാഹം രണ്ടാം തവണയും മാറ്റിവെച്ചതോടെ തന്റെ ചെക്കനെ പിരിഞ്ഞ് താമസിക്കാനാവില്ലെന്ന് പറഞ്ഞ യുവതി വീട്ടുകാരറിയാതെ വരന്റെ വീട്ടിലേക്ക് പോയി. അതും 80 കിലോമീറ്റര്‍ താണ്ടി ഒറ്റയ്ക്കാണ് വധു വരന്റെ വീട്ടിലെത്തിയത്. ഈ സമയമത്രയും പെണ്‍കുട്ടിക്കായുള്ള തിരച്ചിലിലായിരുന്നു പെണ്‍കുട്ടിയുടെ വീട്ടുകാര്‍. വരന്റെ വീട്ടിലെത്തിയ പെണ്‍കുട്ടിയെ കാര്യങ്ങള്‍ പറഞ്ഞ് മനസ്സിലാക്കാന്‍ വരന്റെ അച്ഛനും അമ്മയും ശ്രമിച്ചെങ്കിലും പെണ്‍കുട്ടി ഒറ്റക്കാലില്‍ നിന്നതോടെ വരനും കുടുംബവും നിലവിളക്ക് കൊടുത്ത് അകത്തേക്ക് കയറ്റി. വിവാഹവും നടത്തി.

19 വയസ്സുള്ള ഗോള്‍ഡി എന്ന നവവധുവാണ് ആരോരുമറിയാതെ ഒറ്റയ്ക്ക് വരന്റെ വീട്ടിലെത്തി താരമായത്. ആചാരങ്ങളെല്ലാം ലംഘിച്ചായിരുന്നു യുവതിയുടെ തീരുമാനം. ജന്മദേശമായ കാണ്‍പൂരില്‍ നിന്നും വരന്റെ നാടായ കനൗജിലേക്ക് 80 കിലോമിറ്റര്‍ ഒറ്റയ്ക്ക് നടന്ന് വരന്റെ വീട്ടിലെത്തുകയായിരുന്നു ഗോള്‍ഡി. മെയ് നാലിനായിരുന്നു കാണ്‍പൂര്‍ സ്വദേശിയായ ഗോള്‍ഡിയുടെയും കനൗജ് സ്വദേശിയായ വീരേന്ദ്ര കുമാര്‍ റാഥോറിന്റെയും വിവാഹം അവസാനമായി നിശ്ചയിച്ചിരുന്നത്. ലോക്ഡൗണിനെ തുടര്‍ന്ന് ഇരുവരുടെയും വിവാഹം ഒരിക്കല്‍ മാറ്റിവച്ചതാണ്. എന്നാല്‍ അവസാനം തീരുമാനിച്ച മെയ് 9ലും വിവാഹം നടന്നില്ല. ലോക്ഡൗണ്‍ വീണ്ടും നീട്ടിയതു തന്നെയായിരുന്നു കാരണം.

ഇതോടെ ഗോള്‍ഡിയുടെ ക്ഷമ നശിച്ചു. അങ്ങനെ ഈ ആഴ്ച തുടക്കത്തിലാണ് പ്രിയതമനെ തേടി ഗോള്‍ഡി തന്റെ യാത്ര തുടങ്ങിയത്. 80 കിലോമീറ്റര്‍ കാല്‍നടയായാണ് അവള്‍ കാണ്‍പൂരില്‍ നിന്നും കനൗജിലെത്തിയത്. അപ്രതീക്ഷിതമായി ഗോള്‍ഡിയെ കണ്ട വരന്റെ വീട്ടുകാര്‍ അമ്പരന്നു. സ്വന്തം വീട്ടുകാരോടു പോലും പറയാതെയാണ് ഗോള്‍ഡി വീരുവിനെ തേടിയെത്തിയത്. മകള്‍ എവിടെ പോയി എന്നറിയാതെ അവളുടെ കുടുംബം തിരച്ചില്‍ ആരംഭിച്ചിരുന്നു.

തുടര്‍ന്ന് വീരുവിന്റെ പിതാവ് ഗോള്‍ഡിയുടെ വീട്ടുകാരെ മകള്‍ വരന്റെ വീട്ടില്‍ സുരക്ഷിതയായി എത്തിയിട്ടുണ്ടെന്ന് അറിയിച്ചു. വീരുവിന്റെ മാതാപിതാക്കള്‍ ഗോള്‍ഡിയെ കാര്യങ്ങള്‍ പറഞ്ഞ് ബോധ്യപ്പെടുത്താന്‍ ശ്രമിച്ചെങ്കിലും ഇനിയും കാത്തിരിക്കാന്‍ കഴിയില്ലെന്നായിരുന്നു അവളുടെ പ്രതികരണം. ഒടുവില്‍ അവളുടെ ഇഷ്ടത്തിനു വഴങ്ങി വിവാഹം നടത്താന്‍ വീരുവിന്റെ മാതാപിതാക്കള്‍ നിര്‍ബന്ധിതരാകുകയായിരുന്നു.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category