1 GBP = 92.50 INR                       

BREAKING NEWS

മറ്റുള്ളവരുടെ ബാങ്ക് അക്കൗണ്ടില്‍ കിടക്കുന്ന കാശ് അടിച്ച് മാറ്റാന്‍ വിദഗ്ധരായ രണ്ട് ഇന്ത്യക്കാര്‍ അകത്ത്; ക്രോയ്ഡോണ്‍ കോടതി ശിക്ഷിച്ചത് പണം തട്ടിച്ച് കോടികള്‍ മാറ്റിയ കേസില്‍

Britishmalayali
kz´wteJI³

യുകെയില്‍ വന്‍തോതില്‍ പണത്തട്ടിപ്പ് നടത്തിയ രണ്ട് ഇന്ത്യക്കാര്‍ക്ക് ഇനി 12 വര്‍ഷവും ഒമ്പത് മാസവും  അകത്ത് കിടക്കാം.മറ്റുള്ളവരുടെ ബാങ്ക് അക്കൗണ്ടില്‍ കിടക്കുന്ന കാശ് അടിച്ച് മാറ്റാന്‍ വിദഗ്ധരായ  വിജയകുമാര്‍ കൃഷ്ണസ്വാമി(32), ചന്ദ്രശേഖര്‍ നല്ലായന്‍ (44) എന്നിവരെയാണ്  ക്രോയ്ഡോണ്‍ ക്രൗണ്‍ കോടതി വെള്ളിയാഴ്ച ശിക്ഷിച്ചിരിക്കുന്നത്.  വിവിധ തട്ടിപ്പുകളിലൂടെ 2.4 മില്യണ്‍ പൗണ്ടണ് ഇവര്‍ മറ്റുള്ളവരില്‍ നിന്നും കവര്‍ന്നെടുത്തിരിക്കുന്നത്.ഇതിന് പുറമെ 1.6 മില്യണ്‍ പൗണ്ടിന്റെ കള്ളപ്പണം വെളിപ്പിക്കാനും ഇവര്‍ ശ്രമിച്ചുവെന്നാണ് ശനിയാഴ്ച സ്‌കോട്ട്ലന്‍ഡ് യാര്‍ഡ് വെളിപ്പെടുത്തിയിരിക്കുന്നത്.

ലോകത്തിലെ വിവിധ ഇടങ്ങളിലുള്ളവരെ ഇവര്‍ തങ്ങളുടെ തട്ടിപ്പുകള്‍ക്ക് വിധേയരാക്കി വന്‍ തോതിലാണ് പണം തട്ടിയെടുത്തിരിക്കുന്നത്. 2018ല്‍ ബാര്‍ക്ലേ ബാങ്കില്‍ നിന്നായിരുന്ന ഇത് സംബന്ധിച്ച സൂചനകള്‍ തങ്ങള്‍ക്ക് ലഭിച്ചിരുന്നതെന്നാണ് പോലീസ് പറയുന്നത്. അതായത് നിരവധി ഐപി അഡ്രസുകള്‍ നിരവധി ബിസിനസ് അക്കൗണ്ടുകള്‍ ആവര്‍ത്തിച്ച് ആക്സസ് ചെയ്യുന്നുവന്നും ഇത് മണി ലോന്‍ഡറിംഗ് ആണെന്നുമുള്ള സംശയമായിരുന്നു ബാങ്ക് അന്ന് ഉയര്‍ത്തിയിരുന്നത്.  ഈ ഐപി അഡ്രസുകള്‍  ക്രോയ്ഡോണ്‍ ഏരിയകളിലെ  പ്രോപ്പര്‍ട്ടികളുമായി ബന്ധമുള്ളതാണെന്നും പോലീസ് കണ്ടെത്തിയിരുന്നു.

തുടര്‍ന്ന് നടത്തിയ വിശദമായ അന്വേഷണത്തിലൂടെയാണ് ഈ ഇന്ത്യന്‍ വംശജരാണ് ഈ തട്ടിപ്പുകള്‍ക്ക് പുറകിലുള്ളതെന്ന് കണ്ടെത്തിയത്. 2019 മേയ് രണ്ടിന് ഈ വിലാസങ്ങളിലൊന്നില്‍ സെര്‍ച്ച് വാറന്റ് നടപ്പിലാക്കിയിരുന്നു. തുടര്‍ന്ന് വിജയകുമാര്‍ കൃഷ്ണസ്വാമി അറസ്റ്റിലാവുകയും ചെയ്തിരുന്നു.  സംശയകരമായ ബിസിനസുകളുമായി ബന്ധപ്പെട്ട നൂറ് കണക്കിന് പേജുകള്‍ വരുന്ന രേഖകളും നൂറ് കണക്കിന് ബാങ്ക് അക്കൗണ്ടുകളും ഈ സെര്‍ച്ചിലൂടെ കണ്ടെടുക്കാന്‍ പോലീസിന് സാധിച്ചിരുന്നു. സംശയകരമായ വിവിധ അക്കൗണ്ടുകള്‍ ഓണ്‍ലൈനില്‍ വിജയകുമാര്‍ ആക്സസ് ചെയ്തതിന്റെയും വിവിധ എടിഎമ്മുകളില്‍ നിന്നും അയാള്‍ പണം പിന്‍വലിക്കുന്നതിന്റെയും ചിത്രങ്ങള്‍ ഇയാളുടെ മൊബൈലില്‍ നിന്നും കണ്ടെടുക്കുകയും ചെയ്തിരുന്നു.തുടര്‍ന്ന് നടന്ന അന്വേഷണത്തില്‍ ചന്ദ്രശേഖര്‍ നല്ലായനും പ്രതിയാണെന്ന് കണ്ടെത്തുകയായിരുന്നു.

ചന്ദ്രശേഖറാണ് വിജയകുമാറിനെ ഇത്തരം തട്ടിപ്പുകള്‍ നടത്താന്‍ മാര്‍ഗനിര്‍ദേശങ്ങള്‍ നല്‍കിയിരുന്നതെന്ന് കോടതിക്ക് മുന്നില്‍ തെളിഞ്ഞിട്ടുണ്ട്.  ഇത്തരത്തില്‍ തട്ടിപ്പിലൂടെ നേടുന്ന പണം എവിടേക്കെല്ലാമാണ് ട്രാന്‍സ്ഫര്‍ ചെയ്യേണ്ടതെന്ന നിര്‍ദേശവും ചന്ദ്രശേഖറാണ് നല്‍കിയിരുന്നത്. നിയന്ത്രിതമായ മ്യൂള്‍ അക്കൗണ്ടുകള്‍ ഇയാള്‍ക്കുണ്ടെന്നും ഡിറ്റെക്ടീവുകള്‍ കണ്ടെത്തിയിരുന്നു. മറ്റുളളവരുടെ പേരില്‍ കുറ്റവാളികള്‍ കൈകാര്യം ചെയ്യുന്ന അക്കൊണ്ടുകളാണിവ. ഒരു ഫീസ് വാങ്ങി തങ്ങളുടെ സ്വന്തം അക്കൗണ്ടുകളുടെ നിയന്ത്രണം ഇത്തരം കുറ്റവാളികള്‍ക്ക് കൈമാറുന്നവരേറെയുളളത് വിജയകുമാറിന്റെയും ചന്ദ്രശേഖറിന്റെയും തട്ടിപ്പുകള്‍ക്ക് മുതല്‍ക്കൂട്ടായി മാറുകയായിരുന്നു.ഇവരുടെ തട്ടിപ്പുകള്‍ക്ക് ലോകമെമ്പാടുമുള്ള മൊത്തം 24 കമ്പനികളാണ് ഇരകളായിട്ടുള്ളത്.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category