1 GBP = 97.30 INR                       

BREAKING NEWS

ചൈനീസ് സുന്ദരിമാര്‍ ലോകം മുഴുവന്‍ കറങ്ങി നടക്കുന്നു; ബ്രിട്ടനിലെ അനേകം നേതാക്കളും ബിസിനസ്സുകാരും ഹണി ട്രാപ്പില്‍ പെട്ടു കഴിഞ്ഞു; മയക്കിയെടുത്ത് മൊബൈല്‍ ഫോണിലെ ഡാറ്റകള്‍ ചോര്‍ത്തി ചാര സുന്ദരിമാര്‍ മുന്‍പോട്ട്; ലോകത്തെ കീഴടക്കാന്‍ ചൈന സുന്ദരിമാരെ ഉപയോഗിക്കുന്നു

Britishmalayali
kz´wteJI³

ണ്ടന്‍ നിവാസിയായ ഇയാന്‍ ക്ലെമന്റ് ചൈനീസ് ഭരണകൂടത്തെ വിശ്വസിക്കരുതെന്ന് പഠിച്ചത് എങ്ങനെയാണെന്ന് നോക്കു. 2008 ലെ ബെയ്ജിംഗ് ഒളിമ്പിക്സില്‍ ലണ്ടന്‍ ഡെപ്യുട്ടി മേയര്‍ എന്ന നിലയില്‍ ഔദ്യോഗിക സന്ദര്‍ശനത്തിലായിരുന്നു ഇയാന്‍ ക്ലെമന്റ്. ഒരു പാര്‍ട്ടിക്കിടയിലാണ് അതിസുന്ദരിയായ ഒരു ചൈനീസ് യുവതി അദ്ദേഹത്തെ സമീപിക്കുന്നത്. അതൊരു തേന്‍ കെണിയായിരുന്നു എന്ന് പിന്നീട് അദ്ദേഹം പറഞ്ഞു. എന്നാല്‍ ആ സമയത്ത് വീണ്ടുവിചാരമെല്ലാം മാറ്റിവച്ച ആ യുവതിയുടെ പുറകേ പോവുകയായിരുന്നു അദ്ദേഹം ചെയ്തത്.

ഒന്നുരണ്ട് ഗ്ലാസ് വൈനിനു ശേഷം അദ്ദേഹം അവളെ തന്റെ മുറിയിലേക്ക് ക്ഷണിച്ചു. പിന്നീട് ഉറക്കമുണര്‍ന്നപ്പോള്‍ മുറിയില്‍ ആ യുവതിയില്ല, മുറിയാകെ ആരോ തെരഞ്ഞ് പരിശോധിച്ചതുപോലെ അലങ്കോലമായിക്കിടക്കുന്നു. പേഴ്സ് തുറന്നു തന്നെ ഇരിക്കുന്നുണ്ടായിരുന്നു എന്നാല്‍ പണമൊന്നും നഷ്ടപ്പെട്ടിരുന്നില്ല. അദ്ദേഹത്തിന്റെ ബ്ലാക്ക്ബെറി ഫോണിലെ ഡാറ്റ മുഴുവന്‍ ഡൗണ്‍ലോഡ് ചെയ്തിരുന്നു. ലണ്ടന്‍ ഒളിമ്പിക്സുമായി ബന്ധപ്പെട്ട കാര്യങ്ങളില്‍ സജീവമായിരുന്നു ക്ലെമന്റ്. അദ്ദേഹം ബെയ്ജിംഗില്‍ വന്നതുതന്നെ ലണ്ടന്‍ ഒളിമ്പിക്സിലേക്ക് കുറച്ച് നല്ല നിക്ഷേപകരെ തിരക്കിയായിരുന്നു.

ഒരു വര്‍ഷത്തിന് ശേഷം ഈ കഥ പുറത്തുവന്നപ്പോള്‍ അദ്ദേഹം പറഞ്ഞത് ആ യുവതി ചൈനീസ് രഹസ്യാന്വേഷണ വിഭാഗത്തിലെ ജീവനക്കാരിയായിരിക്കാം എന്നാണ്. താന്‍ ആരെയൊക്കെ കാണുന്നു, എന്തൊക്കെയാണ് ആസൂത്രണം ചെയ്യുന്നത് എന്നൊക്കെ അറിയുകയായിരുന്നിരിക്കാം അവരുടെ ലക്ഷ്യം. ഈ സംഭവം നടന്ന് ഒരു പതിറ്റാണ്ട് കഴിഞ്ഞിട്ടും ആരും ഒന്നും പഠിക്കുന്നില്ല. പാശ്ചാത്യ നാടുകളിലെ നിരവധി രാഷ്ട്രീയ നേതാക്കളും ബിസിനസ്സുകാരും ഇന്നും അവരുടെ കെണിയില്‍ വീണുകൊണ്ടേയിരിക്കുന്നു.

1990 കളുടെ ആരംഭത്തില്‍ ചൈന സന്ദര്‍ശിക്കുന്ന ബ്രിട്ടീഷുകാര്‍ക്കായി എം 15 ഒരു മാര്‍ഗ്ഗരേഖ തയ്യാറാക്കിയിരുന്നു. അധികമായ ബഹുമാനം പ്രദര്‍ശിപ്പിക്കുന്നതുമ്മ് ഉദാരമായ ആഥിതേയത്വവും സൂക്ഷിക്കണം എന്നതായിരുന്നു അതിന്റെ കാതല്‍. പാശ്ചാത്യരെ സുഹൃത്തുക്കളാക്കുന്നത് ദീര്‍ഘകാലാടിസ്ഥാനത്തിലുള്ള പരിപാടിയുടെ ഭാഗമായിട്ടാണ്. അവരോട് ഒരു കടപ്പാട് ഉണ്ടാക്കിയെടുക്കുക എന്നതാണ് ലക്ഷ്യം. പിന്നീട് അവര്‍ ചോദിക്കുന്നതെല്ലാം ചെയ്തുകൊടുക്കേണ്ടതായി വരും. ഈ നിര്‍ദ്ദേശങ്ങള്‍ അന്നത്തേക്കാള്‍ ഇന്നാണ് കൂടുതല്‍ ഉപകാരപ്രദമായിട്ടുള്ളത്. എന്നാല്‍ പലരും ഇത് അവഗണിക്കുകയാണ്.

അമേരിക്കന്‍ ഡിപ്പര്‍ട്ട്മെന്റ് ഓഫ് ജസ്റ്റിസിന്റെ കണക്കനുസരിച്ച് 2011 നും 2018 നും ഇടയില്‍ നടന്ന സാമ്പത്തിക ചാരകേസുകളില്‍ 90% കേസുകളിലും ചൈനാക്കാരാണ് ഉള്‍പ്പെട്ടിരിക്കുന്നത്. സാമ്പത്തിക രഹസ്യങ്ങള്‍ ചോര്‍ത്തുവാന്‍ വ്യവസായിക ചാരന്മാരും പ്രതിരോധ രഹസ്യങ്ങള്‍ ചോര്‍ത്തുവാന്‍ ഔദ്യോഗിക തലത്തില്‍ ചാരവൃത്തി നടത്തുന്നവരുമായി ധാരാളം ആളുകള്‍ ചൈനയ്ക്കുണ്ട്. മാത്രമല്ല , നിയമപരമായോ അല്ലാതേയോ മറ്റ് രാജ്യങ്ങളുടെ സാങ്കേതിക വിദ്യ സ്വന്തമാക്കുവാനുള്ള മോഹവും ചൈനക്കുണ്ട്. ഇത്തരം രഹസ്യങ്ങള്‍ ചോര്‍ത്തിയെടുക്കുവാന്‍ ഓരോ രാജ്യങ്ങളിലും സ്ഥിരതാമസമാക്കിയിട്ടുള്ള ചൈനീസ് വംശജരുടെ സഹായമാണ് ചൈന്‍ സ്വീകരിക്കാറുള്ളത്.

പരമ്പരാഗത ശൈലിയില്‍ അല്ലാതെയുള്ള ചാരവൃത്തിയുമായി ബന്ധപ്പെട്ട നിരവധി പരാധികള്‍ എഫ് ബി ഐ കൈകാര്യം ചെയ്യുന്നു എന്നാണ് എഫ് ബി ഐ വൃത്തങ്ങള്‍ പറയുന്നത്. പരമ്പരാഗത ശൈലിയില്‍ ഉള്ള ചാരപ്രവര്‍ത്തനത്തില്‍ പരിശീലനം ലഭിച്ച ചാരന്മാരെയാണ് ഉപയോഗിക്കുക. എന്നാല്‍ ചൈന സ്വീകരിച്ചിരിക്കുന്നത് കതിരും പതിരും കൂട്ടിക്കലര്‍ത്തിയുള്ള സമീപനമാണ്. അയിരക്കണക്കിന് വിദ്യാര്‍ത്ഥികള്‍, പ്രൊഫഷണലുകള്‍, ബിസിനസ്സുകാര്‍, ടൂറിസ്റ്റുകള്‍ എന്നിവരെ ഉപയോഗിച്ച് വിവരങ്ങള്‍ ചോര്‍ത്തുന്ന രീതിയാണ് ഇപ്പോള്‍ ചൈനയുടേത്.

ബൗദ്ധിക സ്വത്തവകാശത്തിന്റെ പരിധിയില്‍ വരുന്ന സാങ്കേതിക വിദ്യ മോഷ്ടിക്കുക എന്നത് ചൈനക്ക് പുത്തരിയൊന്നുമല്ല. ഇപ്പോള്‍ വാവായ് ഉപയോഗിക്കുന്ന ഉപകരണം അബ്ഡി അബാബയിലെ ആഫ്രിക്കന്‍ യൂണിയന്റെആസ്ഥാനത്തുനിന്ന് സാങ്കേതികവിദ്യ മോഷ്ടിച്ചുണ്ടാക്കിയതാണെന്ന ആരോപണം നേരത്തേ ഉയര്‍ന്നിരുന്നു. ഇത്തരത്തില്‍ ബൗദ്ധിക സ്വത്ത് മോഷണവുമായി ബന്ധപ്പെട്ട നിരവധി പരാതികള്‍ വാവായ്ക്കെതിരെ ഉയര്‍ന്നിട്ടുണ്ട്. ഇത്തരത്തില്‍ മോഷണത്തില്‍ ഏര്‍പ്പെടുന്ന ജീവനക്കാര്‍ക്ക് ബോണസ് നല്‍കുന്ന നയം പോലും കമ്പനിക്കുണ്ടെന്നും ആരോപണം ഉയര്‍ന്നിരുന്നു.

ഈഗോ, സെക്സ്, ആശയം, ദേശസ്നേഹം ഇങ്ങനെ പലതും ഉപയോഗിച്ചാണ് ചാരവൃത്തിക്കായി ആളുകളെ റിക്രൂട്ട് ചെയ്യുക. പ്രതിഫലം കാര്യമായിട്ടൊന്നും ഉണ്ടാകില്ല. ഒരു ഉദാഹരണത്തിന് ഒരു വ്യവസായിക രഹസ്യം ചോര്‍ത്തുന്നതിന് ഒരു എഞ്ചിനീയര്‍ക്ക് ലഭിക്കുക പൂര്‍ണ്ണമായും സൗജന്യമായ ഒരു വിദേശ യാത്രയായിരിക്കും ചിലപ്പോള്‍ ഏതെങ്കിലും ചൈനീസ് യൂണിവേഴ്സിറ്റിയില്‍ ഒരു ഗസ്റ്റ് ലക്ചര്‍ ആയി ക്ഷണിച്ച് സ്‌റ്റൈപ്പന്‍ഡും നല്‍കും. എഫ് ബി ഐ ജീവനക്കാരനായ ജോയെ ചന്‍ തന്റെ ഓഫീസുമായി ബന്ധപ്പെട്ട രഹസ്യങ്ങള്‍ ചോര്‍ത്തിക്കൊടുത്തിരുന്നത് വിദേശയാത്രയ്ക്കും പിന്നെ ലൈംഗിക തൊഴിലാളികള്‍ക്ക് നല്‍കാനുള്ള പണത്തിനും വേണ്ടിയായിരുന്നു. ഇയാള്‍ പിന്നീട് പിടിക്കപ്പെട്ടു.

ചൈനീസ് വംശജരേയാണ് പ്രധാനമായും ചാരപ്രവര്‍ത്തനത്തിന് ഉപയോഗിക്കുന്നതെങ്കിലും ചൈനീസ് കമ്മ്യുണിസ്റ്റ് പാര്‍ട്ടിയോട് ആദരവും വിധേയത്വവും പുലര്‍ത്തുന്ന ചില മറുനാട്ടുകാരേയും ഇതിനായി ഉപയോഗപ്പെടുത്തുന്നു. ലോകത്തിന്റെ വിവിധ രാജ്യങ്ങളില്‍ പഠനത്തിനായി എത്തിയിട്ടുള്ള ചൈനീസ് വിദ്യാര്‍ത്ഥികളേയാണ് പ്രധാനമായും ബൗദ്ധിക സമ്പത്ത് ചോരണത്തിന് ഉപയോഗിക്കുന്നത്. പഠനശേഷം ചൈനയില്‍ എത്തിയാല്‍ ഉയര്‍ന്ന ജോലി എന്നതുള്‍പ്പടെയുള്ള വാഗ്ദാനങ്ങള്‍ നല്‍കിയാണ് ഇത് ചെയ്യുന്നത്.

സുന്ദരികളെ ഉപയോഗിച്ചുള്ള ഹണി ട്രാപ്പും ബ്ലാക്ക് മെയിലിംഗുമാണ് പ്രധാനമായും ഉള്ളത്. തന്ത്രപ്രധാന സ്ഥാനങ്ങളില്‍ ഉള്ളവരെ സോഷ്യല്‍ മീഡിയയില്‍ ഫെയ്ക്ക് അക്കൗണ്ടുകള്‍ ഉപയോഗിച്ച് സുഹൃത്തുക്കളാക്കി വശീകരിക്കുന്നതും ഒരു പുതിയ രീതിയാണ്. വീഡിയോ ചാറ്റിലൂടെയും മറ്റും ലഭിക്കുന്ന ചിത്രങ്ങളും വീഡിയോകളും ഉപയോഗിച്ച് ഭീഷണിപ്പെടുത്തി വിവരങ്ങള്‍ ശേഖരിക്കും. ജര്‍മ്മനിയില്‍ നിന്നും ഫ്രാന്‍സില്‍ നിന്നും ഇത്തരത്തിലുള്ള നിരവധി സംഭവങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category