1 GBP = 98.80INR                       

BREAKING NEWS

തമിഴിലെ എഴുത്തുകാരന്‍ ഇന്ദിര പാര്‍ത്ഥ സാരഥിയുടെ നാടകം അടിച്ചുമാറ്റി; മൗലികമല്ലാത്ത സിനിമയ്ക്ക് കിട്ടിയത് മികച്ച തിരക്കഥക്കുള്ള അവാര്‍ഡ്; സിനിമയാക്കാന്‍ ആരും അനുവാദം തേടിയിട്ടില്ലെന്ന് ഇന്ദിര പാര്‍ത്ഥ സാരഥി; പ്രചോദനം ഉള്‍ക്കൊള്ളുക മാത്രമാണ് ചെയ്തതെന്ന് സംവിധായകര്‍; 'വാസന്തി'യിലെ കോപ്പിയടി വിവാദം പുതിയ തലത്തില്‍

Britishmalayali
kz´wteJI³

തിരുവനന്തപുരം: ഈ വര്‍ഷത്തെ മികച്ച ചിത്രത്തിനുള്ള സംസ്ഥാന അവാര്‍ഡ് നേടിയ 'വാസന്തി' തമിഴിലെ പ്രമുഖ എഴുത്തുകാരന്‍ ഇന്ദിര പാര്‍ത്ഥ സാരഥിയുടെ നാടകം അടിച്ചുമാറ്റിയതാണെന്ന് ആരോപണം. കഴിഞ്ഞ കുറച്ച് ദിവസങ്ങളായി സോഷ്യല്‍ മീഡിയില്‍ ഉയര്‍ന്ന ആരോപണത്തോട് പ്രതികരിച്ച് ഇന്ന് ഇന്ദിര പാര്‍ത്ഥ സാരഥിയും രംഗത്ത് എത്തി.

തന്റെ നാടകം സിനിമയാക്കുന്നത് ആരും അനുവാദം ചോദിച്ചിട്ടില്ലെന്നും ഇത് അന്യായമാണെന്നും വയോധികനായ എഴുത്തുകാരന്‍ ഏഷ്യാനെറ്റ് ന്യുസിനോട് പ്രതികരിച്ചു. ഇതോടെ മികച്ച തിരക്കഥക്കുള്ള അവാര്‍ഡ്വരെ കിട്ടിയ ചിത്രത്തെക്കുറിച്ച് വലിയ വിമര്‍ശനങ്ങളാണ് സോഷ്യല്‍ മീഡിയയില്‍ നിന്നും ഉയരുന്നത്. എന്നാല്‍ നാടകത്തില്‍ നിന്ന് പ്രചോദനം ഉള്‍ക്കൊള്ളുക മാത്രമാണ് ചെയ്തതെന്നും, ചിത്രം കാണുന്ന ആര്‍ക്കും ഇത് കോപ്പിയടിയല്ലെന്ന് ബോധ്യമാവുമെന്നാണ് വാസന്തിയുടെ സംവിധായകരായ റഹ്മാന്‍ ബ്രദേഴസ് പറയുന്നത്. റഹ്മാന്‍ ബ്രദേര്‍സ് എന്നറിയപ്പെടുന്ന ഷിനോസ് റഹ്മാനും സജാസ് റഹ്മാനും ചേര്‍ന്നാണ് ചിത്രം സംവിധാനം ചെയ്തിരിക്കുന്നത്.

'വാസന്തി'ക്കെതിരെ ഗുരുതര ആരോപണവുമായി മുതിര്‍ന്ന മാധ്യമപ്രവര്‍ത്തകനും എഴുത്തുകാരനുമായ പി.കെ.ശ്രീനിവാസനാണ് ആദ്യം രംഗത്ത് എത്തിയത്. ഇന്ദിര പാര്‍ത്ഥ സാരഥിയുടെ പോര്‍വേ പോര്‍ത്തിയ ഉടല്‍കള്‍ എന്ന നാടകത്തില്‍ നിന്നും മോഷ്ടിച്ചതാണ് വാസന്തി എന്ന സിനിമയെന്ന് ഫേസ്ബുക്ക് പോസ്റ്റില്‍ പി.കെ.ശ്രീനിവാസന്‍ ആരോപിക്കുന്നു.ഇന്ദിര പാര്‍ത്ഥ സാരഥിയുടെ നാടകത്തിലെ കഥാപാത്രത്തിന്റെ പേര് പോലും മാറ്റാന്‍ വാസന്തി സിനിമയുടെ അണിയറപ്രവര്‍ത്തകര്‍ക്കായില്ലെന്നും കുറിപ്പില്‍ വിമര്‍ശനമുണ്ട്. ഈ വാര്‍ത്ത ശ്രദ്ധയില്‍പ്പെട്ടപ്പോള്‍ ഐപി എന്ന് ഞങ്ങള്‍, സുഹൃത്തുക്കള്‍ വിളിക്കുന്ന ഇന്ദിര പാര്‍ത്ഥസാരഥിയെ വിളിച്ചു ചോദിച്ചുവെന്നും, 'എന്നെ ആരും വിളിച്ചില്ല. 90 വയസ്സായ ഞാന്‍ ഇപ്പോഴും ഇവിടെ ജീവിച്ചിരിപ്പുണ്ട് എന്ന് അവരോട് പറഞ്ഞേക്കു', എന്നുമാണ് അദ്ദേഹം നല്‍കിയ മറുപടി എന്നും പോസ്റ്റില്‍ പറയുന്നു.

പി.കെ.ശ്രീനിവാസന്റെ കുറിപ്പിന്റെ പൂര്‍ണരൂപം:

'വാസന്തിയെ മോഷ്ടിച്ചവര്‍

'വാസന്തി വന്ന വഴി ' എന്നൊരു ലേഖനം ഇന്നലത്തെ മനോരമയുടെ ഞായറാഴ്ചയില്‍ കണ്ടു. ലേഖകന്‍ എം കെ കുര്യാക്കോസ്. മികച്ച ചിത്രത്തിനുള്ള സംസ്ഥാന അവാര്‍ഡ് നേടിയ വാസന്തിയുടെ സംവിധായകരായ ഷിനോസ് റഹ്മാന്‍, സജാസ് റഹ്മാന്‍ എന്നിവരെ കുറിച്ചാണ് എഴുത്ത്.തമിഴിലെ പ്രമുഖ എഴുത്തുകാരന്‍ ഇന്ദിര പാര്‍ത്ഥസാരഥിയുടെ പോര്‍വേ പോര്‍ത്തിയ ഉടല്‍കള്‍ (പുതപ്പു പുതപ്പിച്ച ശരീരങ്ങള്‍) എന്ന കഥയിലെ കഥാപാത്രമാണ് വാസന്തി എന്ന് സംവിധായകര്‍ പറയുന്നു. 2010 ല്‍ വാസന്തി നാടകരൂപത്തില്‍ ആക്കിയെന്നും രംഗത്ത് അവതരിപ്പിച്ചെന്നും പറയുന്നുണ്ട്. ആ കഥാപാത്രത്തില്‍ സിനിമക്കുള്ള സാധ്യത കണ്ടെത്തി ഇപ്പോള്‍ വാസന്തി എന്ന സിനിമ വന്നിരിക്കുന്നു.

പോര്‍വേ പോര്‍ത്തിയ ഉടല്‍കള്‍ ഐപിയുടെ പ്രസിദ്ധ നാടകമാണ്. കഥയല്ല. മറ്റൊരു ഭാഷയിലെ പ്രഗത്ഭനായ ഒരു എഴുത്തുകാരന്റെ നാടകം സിനിമയാക്കുമ്പോള്‍ സാമാന്യ മര്യാദ അനുസരിച്ച് അദ്ദേഹത്തിന്റെ അനുവാദം വാങ്ങണം. ഈ വാര്‍ത്ത ശ്രദ്ധയില്‍പ്പെട്ടപ്പോള്‍ ഐപി എന്ന് ഞങ്ങള്‍, സുഹൃത്തുക്കള്‍ വിളിക്കുന്ന ഇന്ദിര പാര്‍ത്ഥസാരഥിയെ വിളിച്ചു ഞാന്‍ ചോദിച്ചു, ആരെങ്കിലും താങ്കളെ കഥക്ക് സമീപിച്ചിരുന്നോ? അനുവാദം ചോദിച്ചിരുന്നോ? മലയാളത്തില്‍ നിന്ന് ആരെങ്കിലും വിളിച്ചാല്‍ ഐപി എന്നെ വിളിക്കും. കാരണം കേന്ദ്ര അക്കാദമി അവാര്‍ഡ് ലഭിച്ച കുരുതിപ്പുനല്‍ ഉള്‍പ്പെടെ മൂന്നു നോവലുകളും കുറെ കഥകളും ഞാനാണ് മലയാളത്തിലേക്ക് മൊഴിമാറ്റം നടത്തിയത്. അദ്ദേഹം, പറഞ്ഞു, 'എന്നെ ആരും വിളിച്ചില്ല. 90 വയസ്സായ ഞാന്‍ ഇപ്പോഴും ഇവിടെ ജീവിച്ചിരിപ്പുണ്ട് എന്ന് അവരോട് പറഞ്ഞേക്കു.' (വര്ഷങ്ങള്‍ക്കു മുന്‍പ് 'കുരുതിപ്പുനല്‍' ഐപിയുടെ അനുവാദമില്ലാതെ ദേശാഭിമാനി ഓണപ്പതിപ്പില്‍ പ്രസിദ്ധീകരിച്ചു. കൂടാതെ ചിന്ത അത് അനുവാദമില്ലാതെ തന്നെ പുസ്തകമാക്കുകയും ചെയ്തു. ഡല്‍ഹി യൂണിവേഴ്സിറ്റിയില്‍ പഠിപ്പിക്കുന്ന കാലത്തു നേരില്‍ കണ്ടപ്പോള്‍ ഇ എം എസ് നമ്പൂതിരിപ്പാടിനോട് അക്കാര്യം പറഞ്ഞപ്പോള്‍ അദ്ദേഹം തമാശരൂപത്തിലാണ് അതെടുത്ത്. അത് തന്നെ വേദനിപ്പിച്ചെന്നു അദ്ദേഹം പറയുമായിരുന്നു.)

ഐപിക്ക് പ്രതിഫലം വേണ്ട. പക്ഷേ മര്യാദക്ക് വിവരം അറിയിക്കാമല്ലോ. ഇതിനെയാണ് മോഷണം എന്ന് നാം സാധാരണ പറയാറ്. വാസന്തിയുടെ കാര്യത്തിലും അതാണ് സംഭവിച്ചത്. തികഞ്ഞ മോഷണം. അദ്ദേഹം സര്‍ക്കാരിനെ ഇക്കാര്യം അറിയിച്ചാല്‍ മികച്ച ചിത്രത്തിനുള്ള അവാര്‍ഡ് സ്വീകരിക്കാനാവുമോ? കഥയും കാലവും സന്ദര്‍ഭവും മാറ്റി വാസന്തി പിറന്നു എന്നാണ് ഉളുപ്പില്ലാതെ അവര്‍ പറയുന്നത്. കഥാപാത്രത്തിന്റെ പേര് പോലും മാറ്റാന്‍ വാസന്തിക്കാര്‍ക്കു ആയില്ല. (ഐപിയുടെ ഉച്ചിവയില്‍ എന്ന കഥയാണ് കെ എസ് സേതുമാധവന്‍ മറുപക്കം എന്ന പേരില്‍ 1992 ല്‍ സിനിമയാക്കിയത്. തമിഴ് സിനിമാലോകത്തെ ആദ്യത്തെ സ്വര്‍ണ കമല്‍ ആ ചിത്രത്തിനായിരുന്നു.) ഇത്തരത്തിലുള്ള മോഷണങ്ങള്‍ മലയാള സിനിമയുടെ യശ്ശസ്സിനു അപമാനകരമല്ലേ?'

വാസന്തി സ്വതന്ത്ര സിനിമ തന്നെയെന്ന് സംവിധായകര്‍
എന്നാല്‍ വാസന്തി സ്വതന്ത്ര സിനിമ തന്നെയെന്ന് ചിത്രത്തിന്റെ സംവിധായകരില്‍ ഒരാളാ സജാസ് റഹ്മാന്‍ പ്രതികരിച്ചു. 'ഞാന്‍ 2010 ല്‍ സ്‌കൂള്‍ ഓഫ് ഡ്രാമയില്‍ പ്രൊഡക്ഷന്‍ന്റെ ഭാഗമായി ചെയ്ത ഈ നാടകത്തില്‍ നിന്നാണ് എന്ന് ഞങ്ങള്‍ പല മാധ്യമങ്ങളോടും പറഞ്ഞിരുന്നു. ഈ വാചകത്തെ പല രീതിയില്‍ വ്യാഖ്യാനിച്ച് ആ പ്ലേയുടെ അഡാപ്റ്റേഷന്‍ ആണ് വാസന്തി എന്ന രീതിയില്‍ രണ്ട് മൂന്ന് പത്ര വാര്‍ത്തകള്‍ വരികയുണ്ടായി.പക്ഷേ ഏറ്റവും വിഷമം തോന്നിയ കാര്യം ആ പത്ര വാര്‍ത്ത കണ്ട് പി.കെ.ശ്രീനിവാസന്‍ മാഷ് ല വാസന്തി സിനിമയിലെ മോഷണത്തെ കുറിച്ച് ശക്തമായ ഭാഷയില്‍ എഴുതുക ഉണ്ടായി. ആ എഴുത്തു ഒരുപാട് പേരിലേക്ക് എത്തുകയും ചെയ്തു.(ശ്രീനിവാസന്‍ മാഷ് സിനിമ കണ്ടിട്ടുണ്ടോ എന്നറിയില്ല.)

പോര്‍വേ പോര്‍ത്തിയ ഉടല്‍കള്‍ എന്ന നാടകത്തിലെ പ്രധാന കഥാപാത്രത്തിന്റെ പേര് വാസന്തി എന്നാണ്. ആ നാടകം ചെയ്യുമ്പോള്‍ ആ കഥാപാത്രത്തോട് തോന്നിയ അടുപ്പം തന്നെയാണ് ആ പേര് സിനിമയ്ക്ക് നല്‍കാനും സിനിമയിലെ കഥാപാത്രത്തിനു നല്‍കാനും പ്രേരിപ്പിച്ചത്. അതിനപ്പുറം ഈ സിനിമയുടെ തിരക്കഥ പൂര്‍ത്തിയാകുന്നത് പല കാലങ്ങളില്‍ ആയി (നാല് വര്‍ഷത്തോളം എടുത്തു സിനിമ പൂര്‍ത്തിയാവാന്‍) പലപ്പോഴായി, വന്നു കൂടിയ പല ചിന്തകളുടെയും, അതിനിടയില്‍ ഞാന്‍ ചെയ്ത പല നാടകങ്ങളുടെ ചിന്തകളെയും അടിസ്ഥാനപ്പെടുത്തിയാണ്.

ഏറ്റവും സ്വതന്ത്രമായ വാസന്തിയുടെ യാത്ര, ആ യാത്രയ്ക്കുള്ള ആദ്യചിന്തകളെ നല്‍കിയത് പോര്‍വേ പോര്‍ത്തിയ ഉടല്‍കള്‍ എന്ന നാടകം തന്നെയാണ്. ഞാന്‍ ഏറ്റവും ബഹുമാനിക്കുന്ന നാടക അദ്ധ്യാപകരില്‍ ഒരാളാണ് ഈ നാടകത്തിന്റെ രചയിതാവ് ഇന്ദിരാ പാര്‍ത്ഥസാരഥി. അതുകൊണ്ട് തന്നെയാണ് ഞങ്ങള്‍ ആ പേരും, ആ നാടകത്തിന്റെ പേരും വീണ്ടും പലപ്പോഴായി ഞങ്ങള്‍ ആവര്‍ത്തിക്കുന്നത്.'- സജാസ് റഹ്മാന്‍ വ്യക്തമാക്കി.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category