1 GBP = 98.30INR                       

BREAKING NEWS

ജമ്മു കാശ്മീരിന്റെ പ്രത്യേക പദവി നേടിയെടുക്കുക രാഷ്ട്രീയലക്ഷ്യം; ഞങ്ങള്‍ ദേശവരുദ്ധരല്ല, ബിജെപി വിരുദ്ധരെന്ന് പ്രഖ്യാപനവും; ആര്‍ട്ടിക്കിള്‍ 370 റദ്ദാക്കിയ നടപടിക്കെതിരെ കാശ്മീരിലെ രാഷ്ട്രീയ കക്ഷികളുടെ കൂട്ടായ്മ; പീപ്പിള്‍സ് അലയന്‍സ് ഫോര്‍ ഗുപ്കര്‍ ഡിക്ലറേഷന് നേതൃത്വം നല്‍കുന്നത് മുഖ്യമന്ത്രി ഫാറൂഖ് അബ്ദുള്ള; കാശ്മീരിന്റെ പതാക ഉപയോഗിക്കുമെന്നും പ്രഖ്യാപനം

Britishmalayali
kz´wteJI³

ശ്രീനഗര്‍: ആര്‍ട്ടിക്കിള്‍ 370 റദ്ദ് ചെയ്ത് കാശ്മീരിന്റെ പ്രത്യേക പദവി എടുത്ത് കളഞ്ഞതിന് പിന്നാലെ കാശ്മീരിന്റെ സ്വാതന്ത്യം വീണ്ടെടുക്കാന്‍ മുഖ്യധാരാ പാര്‍ട്ടികളുടെ കൂട്ടായ്മ. ജമ്മു കശ്മീരിന്റെ പ്രത്യേക പദവി പുനഃസ്ഥാപിക്കുന്നതിനു വേണ്ടിയുടെ പോരാട്ടത്തിനായി രൂപവത്കരിച്ച മുഖ്യധാരാ പാര്‍ട്ടികളുടെ കൂട്ടായ്മയായ പീപ്പിള്‍സ് അലയന്‍സ് ഫോര്‍ ഗുപ്കര്‍ ഡിക്ലറേഷ (പി.എ.ജി.ഡി) ന് മുന്‍ മുഖ്യമന്ത്രി ഫാറൂഖ് അബ്ദുള്ള നേതൃത്വം നല്‍കും. മെഹ്ബൂബ മുഫ്തിയാവും വൈസ് ചെയര്‍മാന്‍.

ജമ്മു കശ്മീരീരിന്റെ മുന്‍ പതാക തുടര്‍ന്നും ഉപയോഗിക്കാനും സഖ്യം തീരുമാനിച്ചു. മുന്‍ മുഖ്യമന്ത്രി മെഹ്ബൂബ മുഫ്തിയുടെ വസതിയില്‍ ചേര്‍ന്ന യോഗത്തിലാണ് മുന്‍കാലങ്ങളിലെ ശത്രുത വെടിഞ്ഞ് വിവിധ പാര്‍ട്ടികള്‍ തീരുമാനങ്ങള്‍ എതിരില്ലാതെ കൈക്കൊണ്ടത്. ഇടത് നേതാവ് മുഹമ്മദ് യൂസഫ് തരിഗാമിയെ കണ്‍വീനറായും പീപ്പിള്‍സ് കോണ്‍ഫറന്‍സ് നേതാവ് സജാദ് ലോണിനെ വക്താവായും കൂട്ടായ്മ തിരഞ്ഞെടുത്തു.

ദേശവിരുദ്ധ കൂട്ടായ്മയാണ് തങ്ങളുടേത് എന്നത് ബിജെപിയുടെ വ്യാജ പ്രചാരണമാണെന്ന് ഫാറൂഖ് അബ്ദുള്ള യോഗത്തിനുശേഷം മാധ്യമങ്ങളോട് പറഞ്ഞു. കൂട്ടായ്മ ബിജെപി വിരുദ്ധമാണ് എന്നകാര്യത്തില്‍ സംശയമില്ല. എന്നാല്‍ ദേശവിരുദ്ധം അല്ലെന്ന് അദ്ദേഹം വ്യക്തമാക്കി. രാജ്യത്തിന്റെ ഭരണ ഘടനയെ നശിപ്പിക്കാനുള്ള ശ്രമമാണ് അവര്‍ നടത്തിയത്. രാജ്യത്തെ ഭിന്നിപ്പിക്കാനും ഫെഡറല്‍ ഘടന തകര്‍ക്കാനും ശ്രമിച്ചു. അതാണ് കഴിഞ്ഞ വര്‍ഷം ഓഗസ്റ്റ് അഞ്ചിന് നാം കണ്ടതെന്നും ഫാറൂഖ് അബ്ദുള്ള കുറ്റപ്പെടുത്തി.

ആര്‍ട്ടിക്കിള്‍ 370 റദ്ദാക്കിയതിനു ശേഷമുള്ള കശ്മീരിലെ ഭരണം സംബന്ധിച്ച ധവളപത്രം ഒരു മാസത്തിനകം പുറത്തിറക്കുമെന്ന് സജാദ് ലോണ്‍ പറഞ്ഞു. ബിജെപി നടത്തുന്ന പ്രചാരണത്തിലെ പൊള്ളത്തരങ്ങള്‍ തുറന്നുകാട്ടുമെന്നും അദ്ദേഹം പറഞ്ഞു. ധവളപത്രത്തില്‍ ആലങ്കാരിക പ്രയോഗങ്ങളല്ല വസ്തുനിഷ്ഠമായ കാര്യങ്ങളാവും ഉണ്ടാവുകയെന്നും അദ്ദേഹം പറഞ്ഞു.കാശ്മീരിന്റെ പ്രത്യേക പദവി കളഞ്ഞതിന് പിന്നാലെ മുഖ്യധാര പാര്‍ട്ടിയായ പിഡിപി അടക്കം രംഗത്തെത്തിയിരുന്നു.ആര്‍ട്ടിക്കിള്‍ 370,35 എ എന്നീ വകുപ്പുകള്‍ റദ്ദാക്കിയായിരുന്നു നടപടി അരങ്ങേറിയത്.

രാജ്യസഭയിലും ഇരുസഭകളിലും പാസാക്കിയ ബില്ല് രാഷ്ട്രപതിയുടെ പ്രത്യേക അധികാരം കൂടി ഉപയോഗിച്ചാണ് പാസാക്കിയത്. ഇതോടെ കാശ്മീര്‍ വിവാദം കത്തി. ബില്ലിനെതിരെ കടുത്ത പ്രതിഷേധമായിരുന്നു ഉയര്‍ന്നത്. സൈന്യത്തിന് നേരെ കല്ലേറും ആക്രമണങ്ങളുമായിട്ടാണ് കാശ്മീര് ജനത പ്രതിഷേധിച്ചത്. എന്നാല്‍ രാഷ്ട്രപതി ഭരണം ഏര്‍പ്പെടുത്തിയതോടെ കാശ്മീരിലെ ഫാറൂഖ് അബ്ദുള്ള, മെഹബൂബ മുഫ്തി ഉള്‍പ്പടെയുള്ളവര്‍ രംഗത്തെത്തിയിരുന്നു. പിന്നാലെ കാശ്മീരില്‍ നിരോധനാജ്ഞ പ്രഖ്യാപിക്കുകയായിരുന്നു. ഇന്റര്‍നെറ്റ് സംവിധാനം ഉള്‍പ്പടെ നിരോധിച്ചാണ് നടപടി സ്വീകരിച്ചത്.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category