ചെന്നൈ: സജീവ രാഷ്ട്രീയത്തിലേക്ക് പ്രവേശിക്കണമെന്ന ആരാധകരുടെ ആവശ്യം ഉള്‍ക്കൊണ്ട് തമിഴ് സൂപ്പര്‍ സ്റ്റാര്‍ രജനീകാന്ത്. ഉടന്‍ സജീവ രാഷ്ട്രീയത്തില്‍ പ്രേവേശിക്കുമെന്ന് രജനീകാന്ത് വ്യക്തമാക്കി.ചെന്നൈയില്‍ താരത്തിന്റ ആരാധകരുടെ സംഘടനയായ രജനി മക്കള്‍ മന്‍ട്രം ജില്ല നേതാക്കളുമായി രണ്ടു മണിക്കൂര്‍ നീണ്ട കൂടിക്കാഴ്ചക്ക് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
'താന്‍ എന്തു തീരുമാനമെടുത്താലും ജില്ല സെക്രട്ടറിമാര്‍ തനിക്കൊപ്പം നില്‍ക്കുമെന്ന് അറിയിച്ചിട്ടുണ്ട്. അതുകൊണ്ട് തന്നെ കഴിയുന്നത്രയും വേഗത്തില്‍ പ്രവേശനം സംബന്ധിച്ച പ്രഖ്യാപനം നടത്തും.തിരഞ്ഞെടുപ്പില്‍ മത്സരിക്കുമോ എന്ന കാര്യത്തില്‍ ഉടന്‍ തന്നെ തീരുമാനം അറിയിക്കുമെന്നും രജനീകാന്ത് പറഞ്ഞു.
സ്വന്തം പാര്‍ട്ടി രൂപീകരിക്കുമെന്നും ആത്മീയ രാഷ്ട്രീയമാണു ലക്ഷ്യമെന്നും താരം പ്രഖ്യാപിച്ചിട്ടു 2 വര്‍ഷം പിന്നിട്ടു. ആരാധക സംഘടനയായ രജനി മക്കള്‍ മന്‍ട്രം രാഷ്ട്രീയ സംഘടനാ സംവിധാനത്തിലേക്ക് പരിവര്‍ത്തനം തുടങ്ങിയെങ്കിലും അന്തിമ തീരുമാനം പ്രഖ്യാപിച്ചില്ല. സംസ്ഥാന പര്യടനത്തിനു തയ്യാറെടുക്കുകയാണെന്ന അഭ്യൂഹം പുറത്തു വന്നതിനു പിന്നാലെ, ആരോഗ്യ പ്രശ്‌നങ്ങള്‍ ഉള്ളതിനാല്‍ കോവിഡ് സാഹചര്യത്തില്‍ സജീവ രാഷ്ട്രീയത്തിലേക്കില്ലെന്ന സൂചന താരം നല്‍കിയിരുന്നു. ഈ കാത്തിരിപ്പിനാണ് തിങ്കളാഴ്ച്ചത്തെ യോഗത്തോടെ വിരാമമായിരിക്കുന്നത്.
രജനിയെ മുന്നില്‍ നിര്‍ത്തി തമിഴ്നാട്ടില്‍ ചലനമുണ്ടാക്കാനുള്ള ശ്രമം ബിജെപി നേരത്തേ ആരംഭിച്ചിരുന്നു.പക്ഷെ കേന്ദ്ര ആഭ്യന്തര മന്ത്രി അമിത് ഷാ ചെന്നൈയില്‍ എത്തിയപ്പോഴും ആരോഗ്യ പ്രശ്‌നങ്ങള്‍ മുന്‍നിര്‍ത്തി കൂടിക്കാഴ്ച ഒഴിവാക്കിയിരുന്നു. അന്തിമ തീരുമാനം ഇനിയും നീട്ടിക്കൊണ്ടുപോകാന്‍ കഴിയില്ലെന്ന നിലപാടിലാണു മന്‍ട്രം ഭാരവാഹികള്‍.അതേസമയം രജനീകാന്ത് ബിജെപിയില്‍ ചേരുമെന്നും ചിലപ്പോള്‍ പുതിയ പാര്‍ട്ടി രൂപീകരിച്ച് എന്‍.ഡി.എയുടെ ഘടകകക്ഷിയാകുമെന്നും അഭ്യൂഹങ്ങളുണ്ട്.
ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ
Click here to type in malayalam
