1 GBP = 100.80 INR                       

BREAKING NEWS

ചിന്തകള്‍- കവിത

Britishmalayali
അനില്‍ മതിര സറെ

നെറ്റിയില്‍ ഒരു പൊട്ടും 
വാലിട്ടെഴുതിയ കണ്ണും 
പിന്നിയിട്ട മുടിയും 
ഒരു കവിളില്‍ ചുഴിയും 
കണ്‍ നിറയെ നാണവും 
വട്ടം വരയ്ക്കുന്ന കാല്‍വിരലും 
പിന്നെ പട്ടുപാവാടയും- അവള്‍ 

സൈഡിലേക്ക് ചീകിയ മുടിയും
പൊടിമീശയും 
വിരിഞ്ഞ നെഞ്ചും 
കണ്ണില്‍ കള്ളനോട്ടവും
കയ്യില്‍ ചുരുട്ടി വച്ച നോട്ട്ബുക്കും
പിന്നെ ഒരു കുടുക്കിടാത്ത കുപ്പായവും - അവന്‍  

ഈറനണിഞ്ഞ മുടിയും
തലയില്‍ തുളസ്സിക്കതിരും
നെറ്റിയില്‍ ചന്ദനക്കുറിയും
മാരില്‍ വാത്സല്യ പാലാഴിയും 
പിന്നെ പുളിയിലക്കര മുണ്ടും - 'അമ്മ 

കട്ടമീശയും കുറ്റിത്താടിയും 
മുകളിലേക്ക് ചീകിവച്ച മുടിയും 
വിരിഞ്ഞ നെഞ്ചിലെ രോമങ്ങളും 
ബലിഷ്ഠമായ കരങ്ങളും 
വലിയൊരു കുടവയറും 
മടക്കിപ്പിടിച്ച കുടയും 
പിന്നെ തേച്ചു വെടിപ്പാക്കിയ മുണ്ടും ഷര്‍ട്ടും - അച്ഛന്‍ 

തലയില്‍ അല്‍പ്പം കഷണ്ടിയും 
നരയുള്ള മീശയും
നീട്ടിയ വെള്ളത്താടിയും 
നട്ടെല്ലിലൊട്ടിയ വയറും 
കയ്യിലൊരു നീളന്‍ ടോച്ചും 
പിന്നെ മറുമറയ്ക്കാത്തൊരു 
തോര്‍ത്ത് മുണ്ടും - അപ്പൂപ്പന്‍ 

ഒട്ടിയ കവിളും 
പല്ലില്ലാത്ത വായും 
നെറ്റിയില്‍ ഭസ്മക്കുറിയും 
മോണകാട്ടുന്ന ചിരിയും 
വലിയ തുളയുള്ള കാതും 
ഞൊറിയുള്ള വയറും
പൊക്കിള്‌ക്കൊടിയൊരടുത്തൊരമ്മിഞ്ഞയും 
പിന്നെ സ്വര്‍ണക്കരയുള്ള നേര്യതും - അമ്മൂമ്മ 

പ്രാസമില്ലാത്ത കവിതയും 
കഥയില്ലാത്ത കഥയും 
സ്വരമില്ലാത്ത പാട്ടും 
ഭ്രാന്തന്റെ താടിയും 
നീട്ടിവളര്‍ത്തിയ മുടിയും 
പിന്നെ ഉറക്കമില്ലാത്ത രാത്രികളും - ഞാന്‍

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam