ഭൂമിയില്‍ ജീവന്റെ അവസാന തുടിപ്പും നിലയ്ക്കുന്നതിനെ കുറിച്ച് നിരവധി ആശങ്കകള്‍ പല കാലങ്ങളിലായി ഉയര്ന്നു വന്നിട്ടുണ്ട്. മനുഷ്യന് അണുബോംബ് കണ്ടുപിടിച്ചപ്പോഴും, കാലാവസ്ഥാ വ്യതിയാനം വര്‍ദ്ധിക്കുവാന്‍ തുടങ്ങിയപ്പോഴുമൊക്കെ ഇത്തരത്തിലുള്ള ആശങ്കകള്‍ ഉയര്ന്നു വന്നിട്ടുള്ളതാണ്. മാത്രമല്ല, ലോകാവസാന കഥകള്‍ കടുംനിറക്കൂട്ടുകളില്‍ വരച്ചുകാട്ടി ഭക്തിയുടെ ഭ്രാന്തേറ്റി മനുഷ്യരെ കൊലക്ക് കൊടുത്ത നിരവധി കള്‍ട്ടുകളേയും നാം കഴിഞ്ഞകാലങ്ങളില്‍ കണ്ടു. ഇതെല്ലാം സൂചിപ്പിക്കുന്നത് മനുഷ്യരില്‍ സഹജമായി ഉള്ള മരണംഭയത്തെയാണ്. എന്നെങ്കിലും ഒരിക്കല്‍ വരും എന്നുറപ്പുള്ളപ്പോള്‍ പോലും എല്ലാവരുംഭയക്കുന്നു മരണമെന്ന കോമാളിയെ.
മരണഭയം എന്നതിനുപരി അതിനെ ജീവിക്കുവാനുള്ള ആവേശം എന്നു വിളിക്കുന്നതായിരിക്കും നല്ലത്. ഭൂമിയെ സ്വന്തമാക്കി ഇവിടെ വാഴാന്‍ തുടങ്ങിയ കാലം മുതല്‍ മനുഷ്യന് ഭൂമിയേയും ഇവിടെയുള്ള മറ്റെല്ലാത്തിനേയും തന്റെ സുഖസൗകര്യങ്ങള്‍ക്കായി ഉപയോഗിക്കുകയായിരുന്നു. ഭാവനകള്‍ നിറം പിടിപ്പിച്ച കൊച്ചുകൊച്ചു കഥകളിലൂടെ നമ്മുടെ പ്രപിതാക്കന്മാര്‍ നമ്മളേ പറഞ്ഞു മനസ്സിലാക്കിയ പ്രകൃതിയുടെ സന്തുലനത്തിന്റെ പ്രാധാന്യത്തെയൊക്കെ നാം അന്ധവിശ്വാസങ്ങളായി ചിരിച്ചു തള്ളി. ആധുനിക ശാസ്ത്രത്തിന്റെ ചിറകേറി അനന്തതയിലേക്ക് പറക്കുമ്പോള്‍ നാം ഓര്‍ത്തില്ല, അനാവശ്യമായി ആസ്വദിക്കുന്ന സ്വാതന്ത്ര്യം നമ്മുടെ നാശത്തിലെ കലാശിക്കൂ എന്ന്.
ആധുനിക ശാസ്ത്രം കൈവരിച്ചു എന്ന് നാം അവകാശപ്പെടുന്ന നേട്ടങ്ങള്‍ തന്നെയായിരിക്കും ഭൂമിയില്‍ മനുഷ്യകുലത്തിന്റെ അന്ത്യം കുറിക്കുക എന്ന് അസന്നിഗ്ദമായി പറയുകയാണ് പ്രമുഖ പാരിസ്ഥിതി പ്രവര്‍ത്തകനും മാധ്യമപ്രവര്‍ത്തകനുമായ ജോണ്‍ വിഡല്‍. എന്നാല്‍, അത് സംഭവിക്കുക ആണവായുധങ്ങളിലൂടെയോ കാലാവസ്ഥാ വ്യതിയാനത്തിലൂടെയോ ആയിരിക്കില്ല എന്നും അദ്ദേഹം പറയുന്നു. മറിച്ച് അത് സംഭവിക്കുക മൃഗജന്യ രോഗങ്ങളിലൂടെയായിരിക്കും.
എന്താണ് മൃഗജന്യ രോഗങ്ങള്‍ അഥവാ സൂണോട്ടിക�� ഡിസീസസ്
ബാക്ടീരിയ, വൈറസ് തുടങ്ങിയ സൂക്ഷ്മ ജീവികള്‍ കാരണമുണ്ടാകുന്ന രോഗങ്ങള്‍ തന്നെയാണ് മൃഗജന്യ രോഗങ്ങള്‍ എന്നു പറയുന്നത്. എന്നാല്‍ ഇവ മനുഷ്യരിലേക്ക് പടരുക ജലം വഴിയോ വായു വഴിയോ ആയിരിക്കില്ല മറിച്ച്, മൃഗങ്ങള്‍ വഴി ആയിരിക്കും. അതും, പ്രധാനമായും ഒരു കശേരുമൃഗ (നട്ടെല്ലുള്ള മൃഗം)ത്തില്‍ നിന്നായിരിക്കും. രോഗകാരിളായ സൂക്ഷ്മാണുക്കളുടെ സാന്നിദ്ധ്യം ഭൂമിയില്‍ നിഷേധിക്കാന്‍ കഴിയാത്ത ഒരു വസ്തുത തന്നെയാണ്. ഇവയില്‍ മിക്കവാറും അണുക്കള്‍ സുഖസുഷുപ്തിയില്‍ ആണ്ടിരിക്കുന്നത് വന്യജീവികളുടെ ശരീരത്തിനുള്ളിലാണ്.
പ്രകൃതി നല്‍കിയ സ്വാഭാവിക ആവസസ്ഥാനമായ വന്യജീവികളുടെ ശരീര്‍ത്തിനുള്ളില്‍ ഇവ പ്രശ്നങ്ങള്‍ ഉണ്ടാക്കുന്നില്ല. എന്നാല്‍, അവിടെ നിന്നും മാറി, അതേ സാഹചര്യത്തില്‍ ജീവിക്കാത്ത, അതേ ശരീരഘടനയില്ലാത്ത മനുഷ്യര്‍ ഉള്‍പ്പടെയുള്ള മറ്റു ജീവിവര്‍ഗങ്ങളില്‍ എത്തുമ്പോള്‍ ഈ സൂക്ഷ്മാണുക്കള്‍ മാരകങ്ങളായി മാറുന്നു. ഇത്തരത്തില്‍ മൃഗങ്ങളിലേക്ക് കുടികയറിയ വൈറസുകള്‍ മൂലമുണ്ടായ മൃഗജന്യ രോഗങ്ങളാണ് എബോളയും എയ്ഡ്സുമെല്ലാം. ഇപ്പോള്‍ ലോകത്തെ മൊത്തം അഴികള്‍ക്കുള്‍ലിലടച്ച കോവിഡും ഇത്തരത്തിലുള്ള ഒരു രോഗമാണ്.
മൃഗജന്യ രോഗങ്ങള്‍ ആരംഭിക്കുന്നതെങ്ങനെ ?
കോവിഡിന് ,മുന്‍പായി, ലോകവ്യാപകമായി ലക്ഷക്കണക്കിന് പേരെ കൊന്നൊടുക്കിയ മഹാമാരിയായിരുന്നു എയ്ഡ്സ്. ആഫ്രിക്കന്‍ വനാന്തരങ്ങളില്‍ നിന്നും ഈ വൈറസിനെ മനുഷ്യ സമൂഹത്തില്‍ എത്തിച്ചത് ചിലരുടെ ഒടുങ്ങാത്ത ലൈംഗികാസക്തിയായിരുന്നു എന്നാണ് കരുതപ്പെടുന്നത്. ഇതില്‍ നിന്നും തികച്ചും വ്യത്യസ്തമാണ് ഇപ്പോള്‍ ലോകം ഭയക്കുന്ന കൊറോണ എന്ന ഇത്തിരിക്കുഞ്ഞന്‍ വൈറസ്. മാംസഭക്ഷണത്തിലൂടെയാകാം ഇത് മനുഷ്യരിലെത്തിയത് എന്നാണ് വിശ്വസിക്കപ്പെടുന്നത്. ഈ രണ്ടു രോഗങ്ങളുടെയും വ്യാപന രീതിയും, ലക്ഷണങ്ങളും എല്ലാം തികച്ചും വ്യത്യസ്തമാണെങ്കിലും ഇവ രണ്ടും ആത്യന്തികമായികലാശിക്കുക മനുഷ്യന്റെ മരണത്തിലായിരിക്കും.
എന്നാല്‍, ഈ രണ്ട് വൈറസുകള്‍ മാത്രമല്ല, വന്യജീവികള്‍ക്കുള്ളില്‍ മനുഷ്യരേയും കാത്തിരിക്കുന്നത്. ഡിനോസറുകളുടെ കാലം മുതല്‍ക്കുള്ള പല വൈറസുകളും ഇപ്പോഴും സുഖസുഷുപ്തിയി ഉറങ്ങുന്നുണ്ടെന്നാണ് ആധുനിക ശാസ്ത്രം പറയുന്നത്. ആര്‍ട്ടിക്ക് മേഖകലകളിലെ മഞ്ഞുപാളികള്‍ക്കിടയില്‍ പോലും ഇത്തരത്തിലുള്ള മാരക വൈറസുകളെ കണ്ടെത്തിയിട്ടുണ്ട്. ആയുസ്സ് ഏറെയുള്ള വവ്വാല്‍ പോലുള്ള പല വന്യജീവികളിലും ഇത്തരത്തിലുള്ള വൈറസുകളുണ്ട്. ഇവിടെ നിന്നാണ് ഇവ മനുഷ്യ ശരീരത്തില്‍ പ്രവേശിക്കുന്നത്.
മനുഷ്യനും പ്രകൃതിയുമായുള്ള ബന്ധത്തിന്റെ സ്വഭാവം മാറിയത് അപകടകരമായി
പ്രകൃതി കൃത്യമായ നിര്‍വ്വചനത്തോടെയാണ് ഓരോ ജീവികളുടെയും ജീവിത ചക്രം നിശ്ചയിച്ചിട്ടുള്ളത്. ഓരോ ആവാസ വ്യവസ്ഥകളും അവര്‍ക്കായി കണ്ടെത്തിയിട്ടുണ്ട്. ഇതേ പ്രകൃതി നിയമം തന്നെയാണ് കൊടുങ്കാട്ടിലെ വേട്ടയാടല്‍ ഉപേക്ഷിച്ച് മനുഷ്യരെ നദീതീരത്തെ സമതലങ്ങളില്‍ എത്തിച്ചതും കൃഷിക്കാരാക്കിയതും. സ്വന്തം ജീവിതം കൂടുതല്‍ സുഖപ്രദമാക്കുവാനുള്ള മനുഷ്യന്റെ ത്വര അവന് നിരവധി ശാസ്ത്രീയ നേട്ടങ്ങള്‍ നേടിക്കൊടുത്തു. എന്നാല്‍, അപ്പോള്‍ അവന് മറന്നത് പ്രകൃതിയുടെ നിയമങ്ങളും ചട്ടക്കൂടുകളുമായിരുന്നു.
കാര്‍ഷിക ആവശ്യങ്ങള്‍ക്കും പുതിയ ആവാസമേഖലകള്‍ തേടിയുമൊക്കെ മനുഷ്യന് വനനശീകരണത്തില്‍ ഏര്‍പ്പെട്ടപ്പോള്‍ അവന് വന്യജീവികളുമായി കൂടുതല്‍ അടുത്തു വരികയായിരുന്നു. ഇത് ഇത്തരം മാരക വൈറസുകള്‍ മനുഷ്യരിലേക്ക് പ്രവേശിക്കുന്നത് കൂടുതല്‍ എളുപ്പമാക്കി. ഒപ്പം, മാറിവന്ന മനുഷ്യന്റെ ജീവിത ശൈലി ഈ രോഗകാരികളുടെ വ്യാപനത്തിന് ആക്കം കൂട്ടി. ഇതിന് ഉത്തമ ഉദാഹരണമാണ് എയ്ഡ്സ് എന്ന മാരക രോഗത്തിന് കാരണമായ എച്ച് ഐ വി വൈറസിന്റെ വ്യാപനം.
എയ്ഡ്സില്‍ നിന്നും നാം പഠിക്കാത്തത്
എഴുപതുകളിലും എണ്‍പതുകളിലും ലോകമാകെ കത്തിപ്പടര്‍ന്ന ഒരു മഹാമാരിയായിരുന്നു എയ്ഡ്സ്. അന്നും ഇന്ന് കോവിഡിന്റെ കാര്യത്തിലെന്നപോലെ നിരവധി ഗൂഢാലോചനാ സിദ്ധാന്തങ്ങള്‍ അതിന്റെ ആവിര്‍ഭാവത്തെ സംബന്ധിച്ച് ഉയര്ന്നുവന്നു. ഇന്ന് ചൈനയാണ് പ്രതിക്കൂട്ടിലെങ്കില്‍ അന്ന് അമേരിക്കയായിരുന്നു. സി അീ അമേരിക്കന്‍ ലബോറട്ടറികളില്‍ ഉദ്പാദിപ്പിച്ച് ലോകത്ത് പരത്തിയതാണ് ഈ മാരകവൈറസ് എന്നായിരുന്നു അന്ന് ഏറെ പ്രചാരത്തിലുണ്ടായിരുന്ന സിദ്ധാന്തം.
എന്നാല്‍, പതിറ്റാണ്ടുകള്‍ നീണ്ട പഠനം തെളിയിച്ചത് ആഫ്രിക്കന്‍ കാടുകളിലെ ഒരു പാവം ചിംബാന്‍സിയില്‍ നിന്നാണ് ഈ രോഗം പൊട്ടിപ്പുറപ്പെട്ടത് എന്നാണ്. അജ്ഞാതനായ ഏതോ ഒരു വേട്ടക്കാരന്റെ കൂരമ്പുകൊണ്ട് ജീവന്‍ വെടിഞ്ഞ ഈ ചിംബാന്‍സി പിന്നീട് അവന്റെ ഭക്ഷണമായി. പൂര്‍ണ്ണമായും പാകംചെയ്യാതെ കഴിച്ച ഈ ചിംബാന്‍സിയുടെ മാംസത്തിലൂടെയോ രക്തത്തിലൂടെയോ ഈ വൈറസ് ഈ വേട്ടക്കാരന്റെ ശരീരത്തിലെത്തി മ്യുട്ടേഷന് വിധേയമാകുകയായിരുന്നു. പിന്നീട് ശരീര സ്രവങ്ങളിലൂടെ ഇത് മറ്റ് മനുഷ്യരിലേക്ക് പകര്‍ന്നു.
ആഫ്രിക്കയിലെ ഉള്‍നാടന്‍ ഗ്രാമങ്ങളിലൂടെ പടര്‍ന്ന ഈ വൈറസ് പിന്നീട് കോംഗോയുടെ തലസ്ഥാനമായ കിന്‍ഷാസയില്‍ എത്തിച്ചേര്ന്നു. അവിടന്ന്, 1960 കളുടെ ആദ്യം തന്നെ ഇവ ആഫ്രിക്കയില്‍ വ്യാപകമാകാന്‍ തുടങ്ങി. അന്ന് ആഫ്രിക്ക വികസനത്തിന്റെ ആരംഭത്തിലായിരുന്നു. അവിടെനിന്നും വിമാനമാര്‍ഗവും കപ്പല്‍ മാര്‍ഗവുമൊക്കെയായാണ്‍' ഇത് പാശ്ചാത്യ നാടുകളില്‍ എത്തിച്ചേരുന്നത്. 1970 കളില്‍ മനുഷ്യരുടെ ആഗോളയാത്രകള്‍ വര്‍ദ്ധിച്ചതും പിന്നെ അന്ന് ഉയര്ന്നു വന്ന ലൈംഗിക അരാജകത്വ വാദവുമെല്ലാം പാശ്ചാത്യ നാടുകളില്‍ ഇത് വ്യാപകമാകുന്നതിന് വഴിയൊരുക്കി.
ലോകമാകമാനമായി 32 ദശലക്ഷം പേരുടെ മരണത്തിന് വഴിയൊരുക്കുകയും 75 ദശലക്ഷം പേരെ ബാധിക്കുകയും ചെയ്ത ഈ മഹാമാരി ഒരു നോര്‍വീജിയന്‍ നാവികനിലൂടെയും ഒരു കനേഡിയന്‍ വിമാനത്തീലെ ഫ്ലൈറ്റ് അറ്റന്‍ഡന്റിലൂടെയുമാണ് ആദ്യമായി പാശ്ചാത്യനാടുകളില്‍ എത്തിയതെന്നും സ്ഥിരീകരിക്കപ്പെട്ടു. ഇതുന് സമാനമായതായിരുന്നു എബോളയുടെ വ്യാപനവും. പട്ടികളേയും ചിംബാന്‍സികളേയും വേട്ടയാടി തിന്നിരുന്ന ഒരു കൂട്ടം ആഫ്രിക്കന്‍ യുവാക്കളിലൂടെയാണ് എബോള വൈറസ് ലോകത്ത് വ്യാപിച്ചത്. ഇന്ന്, ഈ വൈറസ് ആദ്യമായി ബാധിച്ച ഗ്രാമത്തിലെ ജനങ്ങള്‍ വനങ്ങളില്‍ നിന്ന് എന്തെങ്കിലും ഭക്ഷിക്കാന്‍ കൂടി ഭയപ്പെടുകയാണ്.
അതുപോലെ മറ്റൊരു മഹാമാരിയായ നിപ്പ ആരംഭിക്കുന്നത് എണ്ണപ്പനകൃഷിക്കായി ഇന്തോനേഷ്യന്‍ കാടുകള്‍ നശിപ്പിച്ചതില്‍ നിന്നാണ്. ഇവിടം ആവാസകേന്ദ്രങ്ങളാക്കിയ വവ്വാലുകള്‍ വനം നശിപ്പിക്കപ്പെട്ടതോടെ നഗരങ്ങളിലേക്കും ഗ്രാമങ്ങളിലേക്കും പറന്നണഞ്ഞത് മാരകമായ വൈറസുകളേയും പേറിയായിരുന്നു. ചില മനുഷ്യരുടെ ഭക്ഷണ വൈകൃതത്തിന് ഇരയായപ്പോള്‍ ഇവ ഈ വൈറസുകളെ മനുഷ്യന് ദാനം നല്‍കുകയും ചെയ്തു.
നമ്മുടെ പശ്ചിമഘട്ടത്തില്‍ പോലും ഇത്തരം മാരക വൈറസുകളെ ശരീരത്തിലൊളിപ്പിച്ച് ജീവിക്കുന്ന നിരവധി വന്യജീവികള്‍ ഉണ്ടെന്നാണ് കണക്കാക്കപ്പെടുന്നത്. അവിടങ്ങളില്‍ നടക്കുന്ന വനനശീകരണം നമ്മളേ അവയോട് കൂടുതല്‍ അടുപ്പിക്കുകയാണ്. ഈയിടെ വിവാദമായ പുള്ളിപ്പുലിയെ കൊന്നു തിന്നതുപോലുള്ള ഭക്ഷണ വൈകൃതങ്ങള്‍ ഒരു നിമിഷനേരത്തെ സന്തോഷവും ആവേശവും നല്‍കുമെങ്കിലും ഭാവിയില്‍ മരണവുമായെത്തുന്ന നിരവധി അപകടകാരികളായ ജീവികളേയും അവ നമുക്ക് നല്‍കുമെന്ന് ഓര്‍ക്കുക.
ആധുനിക ശാസ്ത്രത്തിന്റെ നേട്ടങ്ങളില്‍ അഭിരമിക്കുമ്പോഴും പ്രകൃതിയുടെ നിയമങ്ങള്‍ മറക്കാതിരിക്കുക എന്നതുമാത്രമാണ് മനുഷ്യകുലത്തിന്റെ സര്‍വ്വ നാശം ഒഴിവാക്കുവാനുള്ള ഒരേയൊരു വഴി. എബോളയും, നിപ്പയും, എയ്ഡ്സും, ഇപ്പോള്‍ കോവിഡുമൊക്കെപോലെയുള്ള നിരവധി രോഗങ്ങള്‍ ലോകത്തിന്റെ പലഭാഗത്തായി ഇപ്പോള്‍ തന്നെ നിലനില്‍ക്കുന്നു. ഇവയില്‍ ചിലതിനൊക്കെ പ്രതിരോധമരുന്നുകള്‍ കണ്ടെത്തിയെങ്കിലും പലതിനും അതില്ല. മാത്രമല്ല, ഇപ്പോള്‍ പുറത്തുവന്നതിലും അപകടകാരികളായ വൈറസുകളാണ് ഇപ്പോഴും വന്യജീവികളില്‍ സുഖ സുഷുപ്തിയില്‍ ആണ്ടിരിക്കുന്നത്. അവയെ ഉണര്‍ത്താന്‍ ശ്രമിക്കുന്നത് മനുഷ്യന്റെ നാശത്തിന് കാരണമാകുമെന്ന ബോധത്തോടെ ജീവിക്കുക എന്നതുമാത്രമാണ് ഇന്ന് നമുക്ക് മുന്‍പിലുള്ള ഏക പോം വഴി.
ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ
Click here to type in malayalam
