1 GBP = 102.00 INR                       

BREAKING NEWS

കൊട്ടിയൂരിന്റെ സ്വന്തം ഓടപ്പൂവിന് പേറ്റന്റ്; നടപടി ക്രമങ്ങള്‍ പൂര്‍ത്തിയാക്കിയത് കേന്ദ്രസര്‍ക്കാറിന്റെ ഓഫീസ് മുഖേന മാസങ്ങളെടുത്ത്; കൊട്ടിയൂരിന്റെ തനതുപാരമ്പര്യം മറ്റുള്ളവരുടെ കൈകളില്‍ എത്താതിരിക്കാനാണ് പേറ്റന്റ് എടുത്തതെന്ന് ദേവസ്വം

Britishmalayali
kz´wteJI³

കണ്ണൂര്‍: കൊട്ടിയൂര്‍ ശിവക്ഷേത്രത്തിന്റെ തനതുപാരമ്പര്യമായ ഓടപ്പൂ, അപ്പട, ആലിംഗന പുഷ്പാഞ്ജലി എന്നിവയ്ക്ക് പേറ്റന്റ് ലഭിച്ചു. കേന്ദ്രസര്‍ക്കാരിന്റെ ചെന്നൈയിലെ പേറ്റന്റ് ഓഫീസ് മുഖേന മാസങ്ങളെടുത്താണ് ഇതിന്റെ നടപടികള്‍ പൂര്‍ത്തിയാക്കിയത്.മറ്റ് ക്ഷേത്രങ്ങളില്‍ ഇനി ആലിംഗനപുഷ്പാഞ്ജലി നടത്തണമെങ്കിലോ ഓടപ്പൂവോ അപ്പടയോ ഉപയോഗിക്കണമെങ്കിലോ കൊട്ടിയൂര്‍ ദേവസ്വത്തിന്റെ അനുമതി വേണം. കൊട്ടിയൂരിന്റെ തനതുപാരമ്പര്യം മറ്റുള്ളവരുടെ കൈകളില്‍ എത്താതിരിക്കാനാണ് പേറ്റന്റ് എടുത്തതെന്ന് കൊട്ടിയൂര്‍ ദേവസ്വം ചെയര്‍മാന്‍ കെ.സി.സുബ്രഹ്മണ്യന്‍ നായര്‍ വിശദീകരിച്ചു.

രണ്ടുവര്‍ഷംമുമ്പ് പേറ്റന്റ് കിട്ടിയെങ്കിലും കോവിഡ് കാരണം ഉത്സവം ചടങ്ങ് മാത്രമായി ചുരുക്കിയതുകൊണ്ട് ഇത് പ്രചാരത്തിലേക്ക് വന്നില്ലെന്ന് എക്സിക്യൂട്ടീവ് ഓഫീസറുടെ ചുമതല വഹിക്കുന്ന മാനേജര്‍ കെ.നാരായണന്‍ പറഞ്ഞു. രേഖകള്‍ ക്ഷേത്രത്തില്‍ സൂക്ഷിച്ചിട്ടുണ്ട്.

കൊട്ടിയൂര്‍ ഉത്സവത്തിന് പോകുന്നവരെല്ലാം തന്നെ വാങ്ങി സൂക്ഷിക്കുന്നതാണ് ഓട ചീകിയെടുത്തുണ്ടാക്കുന്ന ഓടപ്പൂ. ദക്ഷയാഗവേദിയില്‍ അപമാനിതയായ സതീദേവി യാഗവേദിയില്‍ ജീവത്യാഗംചെയ്ത സ്ഥലത്താണ് ശിവന്‍ സ്വയംഭൂവായതെന്നാണ് വിശ്വാസം. യാഗവേദിയില്‍ ശിവനെയും അധിക്ഷേപിച്ച് സംസാരിച്ചിരുന്നു. ഇതിനെ താടി തടവി ചിരിച്ച് പ്രോത്സാഹിപ്പിച്ച ഭൃഗു മഹര്‍ഷിയുടെ താടി പറിച്ചെറിഞ്ഞുവെന്നും ആ ഒരു സങ്കല്പത്തില്‍ തിന്മയെ അഥവാ അഹന്തയെ ഇല്ലാതാക്കിയതിന്റെ പ്രതീകമായാണ് ഓടപ്പൂവിനെ കാണേണ്ടതെന്നും കൊട്ടിയൂര്‍ ക്ഷേത്ര ഐതിഹ്യങ്ങളില്‍ പാണ്ഡിത്യമുള്ള പി.എസ്.മോഹനന്‍ പറയുന്നു.

സതീദേവിയുടെ വിരഹവേദനയില്‍ കഴിയുന്ന ശിവനെ ആശ്വസിപ്പിക്കാന്‍ ഗരുഡാരൂഢനായി മഹാവിഷ്ണുവെത്തിയെന്നും ആലിംഗനം ചെയ്ത് ആശ്വസിപ്പിച്ചെന്നുമാണ് വിശ്വാസം. അതിന്റെ പ്രതീകമായി നടത്തുന്ന സവിശേഷ ചടങ്ങാണ് ആലിംഗന പുഷ്പാഞ്ജലി. വൈശാഖോത്സവകാലത്ത് രോഹിണി നാളില്‍ കുറുമാത്തൂര്‍ ഇല്ലത്തെ നമ്പൂതിരിപ്പാടാണ് ഇത് നടത്തുക. അദ്ദേഹം തലേന്ന് വന്ന് മണത്തണയില്‍താമസിച്ച് പിറ്റേന്ന് ക്ഷേത്രത്തിലെത്തി പുഷ്പാഞ്ജലി അര്‍പ്പിക്കും. ചടങ്ങിന്റെ പാരമ്യതയില്‍ സ്വയംഭൂശിലയെ ആലിംഗനംചെയ്ത് പ്രാര്‍ത്ഥിക്കും. ഈ ആചാരം മറ്റൊരു ക്ഷേത്രത്തിലുമില്ല.

അപ്പട അഥവാ മഞ്ഞള്‍ അപ്പം അക്കരെ കൊട്ടിയൂര്‍ ഉത്സവത്തിനുമുമ്പ് ഇക്കരെ ആയില്യാര്‍ കാവില്‍ നടക്കുന്ന പൂജയുടെ നിവേദ്യമാണ്. മഞ്ഞളാണ് ഇതില്‍ കൂടുതല്‍. മറ്റ് ഘടകങ്ങളുമുണ്ട്. പ്രത്യേക രീതിയിലാണ് ഇതുണ്ടാക്കുക.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category