1 GBP = 90.60 INR                       

BREAKING NEWS

ഇതു താനെടാ ശരിയാക്കല്‍

Britishmalayali
പോള്‍ മണ്ഡലം

താണോ സഖാവേ ശിയാക്കല്‍ എന്ന ശീര്‍ഷകത്തോടു കൂടി മറുനാടനില്‍ നാളുകള്‍ക്ക് മുന്‍പ് ഒരു ലേഖനം പ്രസിദ്ധീകരിക്കപ്പെട്ടിരുന്നു. അതിന്റെ ഉത്തരം ഇതു താനെടാ ശരിയാക്കല്‍ എന്നാണ്.


മനുഷ്യന്റെ കൈയും കാലും വെട്ടിമാറ്റി തെരുവില്‍ പിടയുന്ന ആ കബന്ധങ്ങളെ നോക്കി ആര്‍ത്തട്ടഹസിക്കുകയും ഇങ്കുലാബ് വിളിക്കകുയും ചെയ്യുന്ന പാര്‍ട്ടി സഖാക്കള്‍ കാണാമറയത്തെവിടെയോ ഇരുന്ന് കൊലച്ചിരി ചിരിക്കുന്ന മുഖ്യമന്ത്രി. അറുത്തെടുത്ത ഇരുപത്തി രണ്ടു ശിരസ്സുകളുമായി ഇലക്ഷനിലേക്ക് കടന്നു കയറുമ്പോള്‍ വളരെ തന്റേടത്തോടെ കേരള ജനതയോടു മുഖ്യ മന്ത്രി പറയുന്ന ഇതു താനെടാ ശരിയാക്കല്‍ എന്ന്.

സുന്ദരക്കുട്ടന്മാരായ രണ്ടു യുവാക്കളെ പച്ചയോടെ വെട്ടി നുറുക്കിയപ്പോള്‍ അവര്‍ അനുഭവിച്ച വേദന അവരുടെ അമ്മമാരുടെ കണ്ണുനീര്‍. എന്തു ചെയ്യാം. ഈ ഭീകരന്മാരെ വോട്ടു ചെയ്തു വിജയിപ്പിക്കുവാന്‍ ഇവിടെ ജനമുണ്ട്. അതാണീ കൂട്ടരുടെ തന്റേടത്തിനു കാരണം.

ഐഎസ്എസിനേക്കാള്‍ ഭീകരന്മാര്‍
മനുഷ്യന്റെ കൈകളും കാലുകളും ജീവനോടെ വെട്ടിനുറുക്കുന്ന കിരാതന വാഴ്ച ഐഎസ്എസ് ക്യാമ്പുകളില്‍ മാത്രമേ കാണുകയുള്ളൂ. ഇടതു ഭരണം തുടങ്ങിയതില്‍ പിന്നെ ഇരുപത്തി രണ്ടു രാഷ്ട്രീയ കൊല പാതകങ്ങള്‍ കേരളത്തില്‍ നടന്നു. മനുഷ്യന്റെ കരചരണങ്ങള്‍ വെട്ടിമാറ്റി കശാപ്പു ചെയ്യുന്ന പൈശാശിക കൃത്യം ഈ കേരള നാട്ടിലാണ് അരങ്ങേറുന്നത്. സത്യത്തില്‍ ഐഎസ്എസിനേക്കാള്‍ ഭീകരമായ ഭരണകൂട ഭീകരതയാണ് കേരളത്തില്‍ താണ്ഡവമാടുന്നത്. അരിയില്‍ ഷുക്കൂറിനെ പരസ്യ വിചാരണ ചെയ്ത് ഇരുനൂറോളം പേരുടെ കണ്‍മുമ്പില്‍ വച്ച് വെട്ടി കൊലപ്പെടുത്തയതും ഈ കേരള നാട്ടില്‍ തന്നെ.

പിണറായി വിജയന്‍ നിശബ്ദമായ കൊലയാളി
മുഖ്യ മന്ത്രി പിണറായി വിജയന്റെ മനസ്സറിവില്ലാതെ ഒരു രാഷ്ട്രീയ കൊലപാതകവും കേരളത്തില്‍ നടക്കില്ല. ഓരോ ശിരസ്സും വെട്ടി മാറ്റുമ്പോഴും ചോരക്കൊതി പുരണ്ട ഒരു രാക്ഷസനെപ്പോലെ കാണാമറയത്തിരുന്നു കൊലച്ചിരിച്ചിരിക്കുന്ന മുഖ്യ മന്ത്രി അതാണ് കേരളാ മുഖ്യമന്ത്രി ശ്രീ. പിണറായി വിജയന്‍. എന്തു ചെയ്യാം മൂന്നു കോടി റഷ്യാക്കാരെ കശാപ്പു ചെയ്തും സ്റ്റാലിന്റെ അനുയായികളില്‍ നിന്നും ഇതൊക്കെ പ്രതീക്ഷിക്കു തന്നെ ചെയ്യാം.

കൊലയാളികള്‍ക്ക് സുഖവാസം
ടി. പി. ചന്ദ്രശേഖരനെ 51 വെട്ടുവെട്ടി കൊന്ന സ്ത്രീകള്‍ക്ക് ജയിലില്‍ സുഖവാസം കൊടി സുനിക്ക് 4000 രൂപാ ശമ്പളം പ്രത്യേകം പാകം ചെയ്ത ഇറച്ചി, മീന്‍, മദ്യം എന്നു വേണ്ട മൊബൈല്‍ ഫോണുകളും മറ്റെല്ലാ ആധുനിക സൗകര്യങ്ങളും പഞ്ചനക്ഷത്ര ഹോട്ടലിലെ സൗകര്യം ജയിലില്‍ ഒരുക്കിയിരിക്കുന്നു. എന്തു ചെയ്യാം ഇതെല്ലാം ചോദ്യം ചെയ്യുവാന്‍ ചങ്കൂറ്റമുള്ള പ്രതിപക്ഷം കേരളത്തില്‍ ഇല്ലാതെ പോയി.

നാണം കെട്ടവന്റെ ത്തില്‍ ആലു മുളച്ചാല്‍
ബിജെപിയെ എത്തിക്കുവാന്‍ സിപിഎമ്മിനോടു കൂട്ടുകൂടുവാന്‍ അപേക്ഷയുമായി ചെന്ന കെപിസിസി പ്രസിഡന്റിനു കിട്ടിയ അടിയാണിത്. എത്രയോ കോണ്‍ഗ്രസ്സ് പ്രവര്‍ത്തകരെയും സിപിഎം അരിഞ്ഞു തള്ളി. അതെല്ലാം മറന്നു അവരുടെ പിന്നാലെ അപേക്ഷയുമായി ചെന്ന കോണ്‍ഗ്രസ് നേതാക്കളുടെ തൊലക്കട്ടി അപാരം തന്നെ. എന്തിന് സിപിഎം ഇപ്പോള്‍ വിളിച്ചാലും അവരുടെ പിന്നാലെ വാലാട്ടി ചെല്ലും എന്നതിനു സംശയമില്ല. അത്രയ്ക്കു നാണം കെട്ടവരാണി കോണ്‍ഗ്രസ്സ് നേതാക്കന്മാര്‍. സിപിഎമ്മിന്റെ ഒരു നേതാവ് പ്രതിപക്ഷത്തെപ്പറ്റി സംസാരിച്ചപ്പോള്‍ ചിരിച്ചു കൊണ്ട് ഈ ലേഖകനോടു പറഞ്ഞ കാര്യ ഓര്‍ത്തു പോകുകയാണ്. ഇവന്മാരെപ്പോലെ ഇത്രയും പൊട്ടന്മാരുണ്ടോ എന്നാണദ്ദേഹം പറഞ്ഞത്.

പ്രതികരണമില്ലാത്ത പ്രതിപക്ഷം നാടിനാപത്ത്
സ്‌കൂള്‍ കുട്ടികളുടെ മുമ്പിലേക്ക് അദ്ധ്യാപകനെ വെട്ടുനുറുക്കിയ സംഭവം ലോകചരിത്രത്തില്‍ ഒരിടത്തും സംഭവിച്ചിട്ടില്ല. അതും ഈ കേരള നാട്ടില്‍ സംഭവിച്ചു. ഇതുപോലുള്ള കൊടും ഭീകര താണ്ഡവമാടുമ്പോള്‍ അത് ബിജെപിക്കാരനെന്നോ ആര്‍എസ്എസ്‌കാരനെന്നോ നോക്കാതെ ഈ നാട്ടിലെ ഒരു പൗരനാണ് എന്ന ചിന്താഗതിയോടെ പ്രതികരിക്കുന്നതിനു പകരം അക്ഷരം മിണ്ടാതിരിക്കുന്ന പ്രതിപക്ഷ നേതാക്കള്‍ ആണ് ഇവിടുള്ളത്. ബംഗാളിലും ത്രിപുരയിലും സിപിഎമ്മിന്റെ അടിവേരറുത്തതിനു കാരണം അവിടെ തന്റേടമുള്ള പ്രതിപക്ഷ നേതാക്കന്മാരുണ്ടായിരുന്നു എന്നതാണ്.

ഇരുപതോളം ബിജെപിക്കാരുടെ ശിരസ്സുകള്‍ അറുത്തു മാറ്റിയപ്പോള്‍ അക്ഷരം മിണ്ടാതിരുന്ന കോണ്‍ഗ്രസ്സ് നേതാക്കള്‍ക്ക് കിട്ടിയ ഈ ഭരണ കൂട ഭീകരതയും കൊലപാതകങ്ങളും ഇലക്ഷനില്‍ ഇഷ്യു ആകുവാനും ശക്തമായ പൊതുജനവികാരം ഉയര്‍ത്തുവാനും ഒന്നും ഇവരെ കൊണ്ടു കൊള്ളില്ല. എന്തിന് തിരിച്ച് അധികാരം കിട്ടി കഴിയുമ്പോള്‍ നിയമത്തിന്റെ എല്ലാ പഴുതുകളും അടച്ച് ഈ രാക്ഷസന്മാര്‍ക്ക് ശിക്ഷ വാങ്ങി കൊടുക്കുന്നതിനു പകരം നിയമം നിയമത്തിന്റെ വഴിക്ക് പോകട്ടെ എന്നും പറഞ്ഞ് നപുംസകങ്ങളെ പ്പോലെ കുത്തിയിരിക്കുന്ന കോണ്‍ഗ്രസ്സ് നേതാക്കന്മാര്‍ അപ്പോഴും കൊടി സുനിയും എല്ലാം ജയിലില്‍ സസുഖം വാഴും.

അവര്‍ പാര്‍ട്ടിക്കാര്‍ പാലൂട്ടി വളര്‍ത്തിയ പാലുണ്ണികള്‍
ഇത്രയേറെ തലകള്‍ കൊയ്തിട്ടും മനുഷ്യനെ ജീവനോടെ വെട്ടിനുറിക്കിയിട്ടും കമാന്നൊരക്ഷരം മിണ്ടാത്ത സാംസ്‌കാരിര നായകന്മാര്‍. എവിടെ നമ്മുടെ മഹാ നടന്മാര്‍ ഇവക്കൊന്നും പറയുവാനില്ല. എവിടെ  ഇക്കൂട്ടരുടെ നീതിബോധം? എവിടെ ഇവരുടെ വല്ല ധാര്‍മ്മികത? വല്ല പുരോഹിതരോ കന്യാസ്ത്രീകളോ വല്ല ചെറിയ തെറ്റും ചെയ്താല്‍ ഇവര്‍ ഓടിയെത്തും. പ്രതികരിക്കും കാരണം പ്രതികരണമുണ്ടാകില്ലെന്നറിയാം. തൊടുപുഴ ന്യൂമാന്‍സ് കോളേജ് അദ്ധ്യാപകന്റെ കൈകള്‍ തീവ്രവാദികള്‍ വെട്ടിയപ്പോള്‍ ഇക്കൂട്ടര്‍ മാളത്തിലൊളിച്ചു എന്നാല്‍ പിന്നീട് അദ്ദേഹത്തെ കോളേജില്‍ നിന്ന് സസ്പെന്റ് ചെയ്തപ്പോള്‍ ഇവറ്റകളുടെ ശൗര്യവും വീര്യവും കേരളം കണ്ടതാണ്. ഇരുപത്തിരണ്ടോളം അരും കൊലകള്‍ സിപിഎം നടത്തിയിട്ടും ഇവറ്റകളുടെ അനക്കം പോലും കേള്‍ക്കാനില്ല എന്തു ചെയ്യാം പാര്‍ട്ടിക്കാര്‍ പാലൂട്ടി വളര്‍ത്തിയ പാലുണ്ണുകളാണവര്‍.

ഏതായാലും ഒരു കാര്യം തന്റേടത്തോടെ പറയുകയാണ്. ഇതു താനെടാ ശരിയാക്കല്‍. എത്ര ശരിയാക്കിയാലും ഇവര്‍ക്ക് തന്റേടമുണ്ട്. കേരളത്തിലെ പൊതുജനം ഇവരെ തോളിലേറ്റും. നിര്‍വീര്യമായ പ്രതിപക്ഷവും നീതിബോധവും ധാര്‍മ്മിക ബോധവും നഷ്ടപ്പെട്ട പൊതുജനവും ഉള്ളടുത്തോളം കാലം ഈ ശരിയാക്കല്‍ തുടര്‍ന്നു കൊണ്ടേയിരിക്കും.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category