1 GBP = 91.50 INR                       

BREAKING NEWS

ഭഗവാനേ നിന്ദിച്ചിട്ടും നിന്ദിച്ചിട്ടും എന്തേ സഖാക്കള്‍ക്ക് മതിയാവാത്തത്? മതിയായില്ലേ സഖാക്കളേ നിങ്ങള്‍ക്ക് ഇതുവരെ... ചോരയൊലിക്കുന്ന സ്ത്രീയുടെ നഗ്നതക്കുള്ളില്‍ ഭഗവാനെ ഒളിപ്പിച്ച് പക തീര്‍ക്കാന്‍ മാത്രം ഹിന്ദുവിരോധം എങ്ങനെയാണ് സഖാക്കളേ നിങ്ങള്‍ക്കുണ്ടായത്? എന്തുകൊണ്ടാണ് ഇത്രയൊക്കെ സംഭവിച്ചിട്ടും ഒന്നും പഠിക്കാത്തത്? ഫ്രാങ്കോയുടെ അടിവസ്ത്രത്തിന്റെ പേരില്‍ പൊട്ടിക്കരഞ്ഞ നേതാക്കന്മാരൊക്കെ എന്തുകൊണ്ടാണ് ഇപ്പോള്‍ വാ അടച്ചിരിക്കുന്നത്?

Britishmalayali
kz´wteJI³

കുറേ നാളുകളായി ഹിന്ദു വിശ്വാസികളുടെ വികാരം വ്രണപ്പെടുത്തുക എന്ന ക്വട്ടേഷന്‍ സിപിഎം ഏറ്റെടുത്തിട്ട്. അതിനുള്ള തിരിച്ചടിയായിരുന്നു ഈ തെരഞ്ഞെടുപ്പ്. ഈ തെരഞ്ഞെടുപ്പിന് ശേഷം പാര്‍ട്ടി ഔദ്യോഗികമായി ഒരു വിശ്വായിയുടെയും വികാരത്തെ വ്രണപ്പെടുത്തേണ്ട എന്ന് തീരുമാനിച്ചിട്ടുണ്ട് എന്ന് മാധ്യമറിപ്പോര്‍ട്ടുകള്‍ സൂചിപ്പിക്കുന്നു. ശബരിമല ശ്രീ അയ്യപ്പനെ അപമാനിച്ചതിനുള്ള ശിക്ഷയാണ് തങ്ങള്‍ക്ക് ലഭിച്ചത് എന്ന് പാര്‍ട്ടിയുട അണികള്‍ തുറന്നു സമ്മതിക്കുകയും ഹിന്ദുവികാരത്തെ വ്രണപ്പെടുത്തുന്നതിന് ഇനി ഒരുതരത്തിലുള്ള സൂചനകളും ഒരു പാര്‍ട്ടിക്കാരന്റെയും മുഖത്തുനിന്നും വരരുത് എന്ന് പാര്‍ട്ടി നേതാക്കന്മാര്‍ തന്നെ നിര്‍ദ്ദേശം കൊടുക്കുകയും ചെയ്തിട്ടുണ്ട് എന്നുമാണ് മാധ്യമ റിപ്പോര്‍ട്ടുകള്‍. പക്ഷേ അറിഞ്ഞോ അറിയാതെയോ ഓരോ ദിവസം ചെല്ലുംതോറും ഹിന്ദുവിന്റെ വികാരത്തെ വ്രണപ്പെടുത്തുകയും തല്ലി മുറിവേല്‍പ്പിക്കുകയും ചെയ്യുന്നത് ഒരുപറ്റം സിപിഎമ്മുകാര്‍ക്ക് ഇപ്പോഴും ഹരമായി തുടരുന്നു എന്നു വേണം മനസ്സിലാക്കാന്‍.

ഏറ്റവും ഒടുവില്‍ തൃശ്ശൂര്‍ കേരളവര്‍മ്മ കോളജിലെ എസ്എഫ്ഐ വിദ്യാര്‍ത്ഥികള്‍ സ്ഥാപിച്ച ഒരു ഫ്ളക്സ് ബോര്‍ഡാണ് അയ്യപ്പ വിശ്വാസികളുടെ വികാരത്തെ വ്രണപ്പെടുത്തുന്നത്. ഒരു സ്ത്രീയുടെ നഗ്‌നഭാഗത്തുനിന്നും പ്രത്യക്ഷപ്പെടുന്ന ഭഗവാനെയാണ് അവര്‍ ആര്‍ത്തവവിരുദ്ധതക്കെതിരെയുള്ള, സ്ത്രീവിരുദ്ധതക്കെതിരെയുള്ള പ്രതീകമായി ചിത്രീകരിക്കുന്നത്. ക്യൂട്ടക്സ ഇട്ട ഒരു സ്ത്രീയുടെ നഖവും ഒലിച്ചിറങ്ങുന്ന ചോരയും ഫ്ളക്സ് ബോര്‍ഡിലെ വാചകങ്ങളും ഒക്കെ നവോദ്ധാനത്തിന്റെ ഗാനം പാടുമ്പോള്‍ വ്രണപ്പെടുന്നത് അയ്യപ്പഭക്തരുടെ വികാരമാണ് എന്ന് ആരെങ്കിലും പറഞ്ഞാല്‍ അവരെ എങ്ങനെ കുറ്റപ്പെടുത്താന്‍ കഴിയും? എന്തായാലും ബിജെപി നേതാവ് കെ സുരേന്ദ്രന്‍ അടക്കം ഹിന്ദു സംഘടനകളുടെ ഒക്കെ നേതാക്കന്മാര്‍ ഈ മതനിന്ദയ്ക്കെതിരെ രംഗത്ത് വന്നുകഴിഞ്ഞു.

ഏറ്റവും ശ്രദ്ധേയമായ കാര്യം, ഈ ഫ്ളക്സ് ബോര്‍ഡ് വിവാദമായിട്ടും സിപിഎമ്മിന്റെ നേതാക്കന്മാര്‍ ഒന്നും പ്രതികരിച്ചിട്ടില്ല എന്നതാണ്. അതായത് ഇത് സിപിഎമ്മിനെ പ്രതിരോധത്തിലാഴ്ത്തുന്ന ഒരു വിവാദമായി പടരുന്നെങ്കില്‍ മാത്രം എന്തെങ്കിലും അഭിപ്രായം പറഞ്ഞാല്‍ മതി എന്നാണ് ഇപ്പോള്‍ സിപിഎം നേതാക്കന്മാരുടെ തീരുമാനം. ഇനി, അതൊരു വിവാദമായി ഉയര്‍ന്നു വന്നാല്‍ പോലും ആവിഷ്‌കാര സ്വാതന്ത്ര്യത്തിന്റെ പേരു പറഞ്ഞ്, നവോദ്ധാനത്തിന്റെയും പുരോഗമനത്തിന്റെയും പേര് പറഞ്ഞ് അതിനെ ന്യായീകരിക്കാന്‍ അവര്‍ രംഗത്തുണ്ടാകും. ഇതാണ് മുമ്പ് കേട്ടതും കണ്ടതുമായ പാഠങ്ങള്‍ എല്ലാം. ശബരിമലയിലെ യുവതീ പ്രവേശന വിഷയത്തില്‍ ഭരണഘടനയെ ചൂണ്ടിക്കാണിച്ചുകൊണ്ട് മത അവഹേളനം നടന്നപ്പോള്‍, വിശ്വാസികളുടെ വികാരം വ്രണപ്പെടുത്തിയപ്പോള്‍ നാടുനീളെ നവോദ്ധാന സമ്മേളനങ്ങള്‍ വിളിച്ചുകൂട്ടി പുരോഗമനത്തിന്റെ പ്രധാന്യം കൂടി ഊന്നിപ്പറഞ്ഞുകൊണ്ട് വിശ്വാസികളേയും ആചാരങ്ങളേയും അധിക്ഷേപിക്കുന്നതിന് മുഖ്യമന്ത്രി പിണറായി വിജയന്‍ തന്നെ നേതൃത്വം കൊടുത്തത് ഇത്തരുണത്തില്‍ അനുസ്മരിക്കേണ്ടതാണ്. ഈ വിഷയമാണ് ഇന്ന് ഇന്‍സ്റ്റന്റ് റെസ്പോണ്‍സ് ചര്‍ച്ച ചെയ്യുന്നത്. പൂര്‍ണരൂപം വീഡിയോയില്‍ കാണുക..

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category