1 GBP = 87.20 INR                       

BREAKING NEWS

സീറോ മലബാര്‍ വാല്‍സിങ്ങാം തീര്‍ത്ഥാടനം ശനിയാഴ്ച; വിശ്വാസികള്‍ക്കു നല്‍കുന്ന നിര്‍ദ്ദേശങ്ങള്‍

Britishmalayali
അപ്പച്ചന്‍ കണ്ണഞ്ചിറ

വാല്‍ത്സിങ്ങാം: വാല്‍ത്സിങ്ങാമില്‍ സീറോ മലബാര്‍ സഭ നടത്തുന്ന മൂന്നാമത് തീര്‍ത്ഥാടനം ശനിയാഴ്ച നടക്കും. വന്‍ ജനാവലിയെയാണ് പ്രതീക്ഷിക്കുന്നത്. അതിനാലെ തന്നെ ഗതാഗത അസൗകര്യങ്ങള്‍ ഒഴിവാക്കുന്നതിനായി തീര്‍ത്ഥാടനത്തിന് എത്തുന്നവര്‍ സുരക്ഷാ ക്രമീകരണങ്ങളും വോളണ്ടിയേഴ്സ് നല്‍കുന്ന നിര്‍ദ്ദേശങ്ങളും പാലിക്കണമെന്ന് കോള്‍ചെസ്റ്ററിലെ തീര്‍ത്ഥാടന സംഘാടക സമിതി പ്രത്യേകം അഭ്യര്‍ത്ഥിച്ചു. തീര്‍ത്ഥാടനത്തില്‍ പങ്കു ചേരുവാന്‍ എത്തുന്നവര്‍ക്ക് വാഹനങ്ങള്‍ പാര്‍ക്ക് ചെയ്യുവാന്‍ സ്ലിപ്പര്‍ ചാപ്പലിന്റെ തൊട്ടടുത്ത സ്ഥലത്തായി (ആറേക്കര്‍) വിസ്തൃതമായ സൗജന്യ പാര്‍ക്കിംഗ് സൗകര്യങ്ങള്‍ ഒരുക്കിയിട്ടുണ്ട്.


സംഘാടകര്‍ തയ്യാറാക്കിയിട്ടുള്ള കോച്ച് പാര്‍ക്കിങ്ങിലേക്കുള്ള റൂട്ട് മാപ്പ് കോച്ചില്‍ വരുന്നവര്‍ പാലിക്കണം. ഗതാഗത നിര്‍ദ്ദേശങ്ങളുമായി റോഡരികില്‍ ബോര്‍ഡുകള്‍ സ്ഥാപിച്ചിട്ടുണ്ട്. കൂടാതെ സഹായവും നിര്‍ദ്ദേശവുമായി വോളണ്ടിയേഴ്‌സും വഴിയില്‍ ഉണ്ടായിരിക്കും. പരിസരം മലീമസമാക്കാതെ ഓരോ തീര്‍ത്ഥാടകരും ശ്രദ്ധിക്കേണ്ടതാണ്. തങ്ങളുടെ വേസ്റ്റ് ബിന്നുകളില്‍ നിക്ഷേപിക്കുക. മരുന്നുകള്‍ അവരവരുടെ കൈവശം കരുതുവാന്‍ മറക്കരുത്. തീര്‍ത്ഥാടകര്‍ക്കായി പ്രാഥമിക ചികിത്സക്കുള്ള സംവിധാനം സജ്ജീകരിച്ചിട്ടുണ്ട് എന്ന് സംഘാടക സമിതി അറിയിച്ചു.

തീര്‍ത്ഥാടന പ്രദക്ഷിണത്തില്‍ മരിയ പുണ്യ ഗീതങ്ങള്‍ ആലപിച്ചും, പരിശുദ്ധ ജപമാല സമര്‍പ്പിച്ചും, ഭയ ഭക്തി ബഹുമാനത്തോടെ മറ്റുള്ള തീര്‍ത്ഥാടകര്‍ക്ക് മാതൃകയും, പ്രോത്സാഹനവുമായി താന്താങ്ങളുടെ ഗ്രൂപ്പുകളില്‍ ചിട്ടയോടെ നടന്നു നീങ്ങേണ്ടതാണ്. നിരകള്‍ വിഘടിക്കാതെയും, വേറിട്ട കൂട്ടമായി മാറാതിരിക്കുവാനും അതാതു കമ്മ്യൂണിറ്റികള്‍ തന്നെ പ്രത്യേകം ശ്രദ്ധിക്കണമെന്നും അഭ്യര്‍ത്ഥിക്കുന്നു. മുത്തുക്കുടകള്‍ ഉള്ളവര്‍ കൊണ്ടുവന്നാല്‍ തീര്‍ത്ഥാടനം കൂടുതല്‍ വര്‍ണ്ണാഭമാക്കാവുന്നതാണ്.

സ്വാദിഷ്ടമായ ചൂടന്‍ ഭക്ഷണങ്ങള്‍ ചാപ്പല്‍ പരിസരത്തു തയ്യാറാക്കിയിരിക്കുന്ന ഫുഡ് സ്റ്റാളുകളില്‍ മിതമായ നിരക്കില്‍ ലഭ്യക്കുവാനുള്ള സജ്ജീകരണങ്ങള്‍ ഒരുക്കിയിട്ടുണ്ട്. ഏവര്‍ക്കും താമസം അധികം വരുത്താതെ ഭക്ഷണം നല്‍കുവാനുള്ള ക്രമീകരണങ്ങള്‍ ഒരുക്കിക്കഴിഞ്ഞു. ഈമാസം 20 നു ശനിയാഴ്ച രാവിലെ ഒന്‍പതു മണി മുതല്‍ 11 മണി വരെ ആരാധനയും സ്തുതിപ്പും തുടര്‍ന്ന് 11 മുതല്‍ 12 മണി വരെ പ്രമുഖ ധ്യാന ഗുരു ഫാ: ജോര്‍ജ്ജ് പനക്കല്‍ മരിയന്‍ പ്രഘോഷണവും നടത്തും. ഉച്ചയ്ക്ക് 12 മുതല്‍ 12. 45 വരെ കുട്ടികളെ അടിമ വെക്കുന്നതിനും, ഭക്ഷണത്തിനായുള്ള ഇടവേളയുമാണ്. കുട്ടികളെ അടിമ വെക്കുവാന്‍ ആഗ്രഹിക്കുന്നവര്‍ വോളണ്ടിയേഴ്സില്‍ നിന്നും കൂപ്പണ്‍ മുന്‍ കൂട്ടി വാങ്ങിയ ശേഷം നിര്‍ദ്ദേശങ്ങള്‍ക്ക് അനുസൃതമായി ക്യു പാലിച്ചു മുന്നോട്ടു വരേണ്ടതാണ്.

തുടര്‍ന്ന് 12. 45 ന് ആമുഖ പ്രാര്‍ത്ഥനയും തുടര്‍ന്ന് മരിയ ഭക്തി ഗീതങ്ങളാല്‍ മുഖരിതമായ അന്തരീക്ഷത്തില്‍ പരിശുദ്ധ ജപമാലയും സമര്‍പ്പിച്ചുകൊണ്ട്, മരിയ ഭക്തര്‍ തീര്‍ത്ഥാടനം ആരംഭിക്കും. ഉച്ച കഴിഞ്ഞു 2. 45ന് ആഘോഷമായ തീര്‍ത്ഥാടന തിരുന്നാള്‍ സമൂഹ ബലിയില്‍ മുഖ്യ കാര്‍മികനായി മാര്‍ സ്രാമ്പിക്കല്‍ പിതാവ് നേതൃത്വം വഹിക്കും. വികാരി ജനറാളുമാരോടൊപ്പം യുകെയുടെ നാനാ ഭാഗത്ത് നിന്നും എത്തുന്ന മറ്റു വൈദികരും സഹ കാര്‍മ്മികരായിരിക്കും. യുകെയിലെ മുഴുവന്‍ മാതൃ ഭക്തരും ശനിയാഴ്ച തീര്‍ത്ഥാടനത്തില്‍ അണി നിരക്കുമ്പോള്‍ വാല്‍ത്സിങ്ങാം മലയാള മാതൃ സ്തോത്രങ്ങളാല്‍ മുഖരിതമാവും.

തീര്‍ത്ഥാടനത്തില്‍ പങ്കു ചേരുന്നവര്‍ ഈ തീര്‍ത്ഥാടന ദൗത്യം അനുഗ്രഹ പൂരിതമാകുവാന്‍ മാനസ്സികമായും, ആത്മീയമായും ഒരുങ്ങി വരുവാന്‍ തോമസ് പാറക്കണ്ടത്തില്‍, ഫാ: ജോസ് അന്ത്യാംകുളം എന്നിവര്‍ പ്രത്യേകം നിഷ്‌കര്‍ഷിച്ചു. സീറോ മലബാര്‍ സഭയുടെ നേതൃത്വത്തില്‍ നടത്തിപ്പോരുന്ന യുകെയിലെ ഏറ്റവും വലിയ മരിയോത്സവത്തിനു അവസാനവട്ട ഒരുക്കങ്ങളും പൂര്‍ത്തിയായതായി തീര്‍ത്ഥാടനത്തിനു നേതൃത്വം നല്‍കുന്ന ആതിഥേയരായ ഈസ്റ്റ് ആംഗ്ലിയായിലെ കോള്‍ചെസ്റ്റര്‍ സീറോ മലബാര്‍ കമ്മ്യൂണിറ്റി അറിയിച്ചു.
തീര്‍ത്ഥാടനവുമായി ബന്ധപ്പെട്ട കൂടുതല്‍ വിവരങ്ങള്‍ക്ക് ബന്ധപ്പെടുക
ട്രസ്റ്റിമാരായ ടോമി പാറക്കല്‍ - 07883010329, നിതാ ഷാജി - 07443042946
ദേവാലയത്തിന്റെ വിലാസം
The Basilica of Our Lady of Walsingham, Houghton St Giles, Norfolk, Little Walsingham, NR22 6AL

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category