1 GBP = 91.50 INR                       

BREAKING NEWS

ഇനിയും ശരിയാക്കും

Britishmalayali
പോള്‍ മണ്ഡലം

നിര്‍ജ്ജീവവും നട്ടെല്ലില്ലാത്തതുമായ ഒരു പ്രതിപക്ഷവും എത്ര ഭീകര ഭരണം നടത്തിയാലും വേട്ടു നല്‍കി അധികാരത്തിലേറ്റാന്‍ മനസാക്ഷി മരവിച്ച ഒരു ജനതയും ഉള്ളതു കൊണ്ട് കേരളാ മുഖ്യ മന്ത്രി ആത്മ ധൈര്യത്തോടെ പ്രഖ്യാപിക്കുന്നു. ''ഇനിയും ശരിയാക്കും'' പോള്‍ മണ്ഡലം എഴുതുന്നു. ഇനിയും ശരിയാക്കുക തന്നെ ചെയ്യും'' എന്ന ലേഖനത്തിന്റെ രണ്ടാം ഭാഗം.


ഹിറ്റ്ലറുടെ കോണ്‍സന്‍ട്രേഷന്‍ ക്യാമ്പുകളിലും സ്റ്റാലിന്റെ തടവറകളിലും പോലും സംഭവിച്ചിട്ടില്ലാത്ത കൊടുംക്രൂരതയാണത്രെ പിണറായി വിജയന്റെ തടവറകളില്‍ താണ്ഡവമാടുന്നത്. മനുഷ്യനെ പച്ചയ്ക്ക് പിടിച്ചു പിഴിഞ്ഞ് രക്തം ഛര്‍ദ്ദിപ്പിക്കുന്ന തടവറകള്‍! കണ്ണുകളില്‍ കരണം പൊട്ടി അരച്ചു തേക്കുന്നു സ്ത്രീകളുടെ ഗുഹ്യഭാഗങ്ങളില്‍ കാന്താരി പിഴിഞ്ഞൊഴിക്കുന്നു. തുടയിലെ മാംസം വേര്‍പെട്ടു പോകുന്ന ഉരുട്ടലുകള്‍. ഇടികൊണ്ട് വാരിയെല്ലു പോലും ഒടിഞ്ഞു നുറുങ്ങുന്നു. ഇത്തരം തടവറകള്‍ ഈ നൂറ്റാണ്ടില്‍ ഉത്തരകൊറിയായിലും കേരളത്തിലും മാത്രമേ കാണുകയുള്ളൂ. എന്തു ചെയ്യാം ഇവിടെ ചോദിക്കാവാനും പറയുവാനും നട്ടെല്ലുള്ള ഒരു പ്രതിപക്ഷം ഇല്ലാതെ പോയി.

ഉരുട്ടിക്കൊലകള്‍, ചവിട്ടുക്കൊലകള്‍, വെട്ടിക്കൊലകള്‍

നെടുംങ്കണ്ടം ഉരുട്ടിക്കൊലയുടെ ലക്ഷ്യം എന്ത്?
എഴുത്തും വായനയും പോലും അറിവില്ലാത്ത ഈ രാജ്കുമാര്‍ എപ്രകാരം കോടികളുടെ തട്ടിപ്പു നടത്തുന്ന ഒരു സ്ഥാപനത്തിന്റെ അധിപനായി? ആരാണിതിന്റെ പിന്നിലെ ഉന്നതന്‍? സിപിഎമ്മിന്റെ ഒരു ഉന്നതന്‍ ഇതിന്റെ പിന്നിലുണ്ടന്നുള്ളത് നാടില്‍ പാട്ടാണ് തട്ടിപ്പു വിവരം പുറത്തായി രാജ് കുമാര്‍ പിടിക്കപ്പെട്ടപ്പോള്‍ അവനെ എങ്ങനെയെങ്കിലും ഇല്ലാതാക്കണം. അല്ലെങ്കില്‍ ഇതിന്റെ പിന്നിലുള്ള സിപിഎം നേതാക്കളുടെ പേരുകള്‍ പുറത്തു വരും. അതു വരാതിരിക്കുവാന്‍ സിപിഎം നിര്‍ദ്ദേശമനുസരിച്ച് രാജ്കുമാറിനെ ഇല്ലാതാക്കി എന്ന് പൊതുജനം വിശ്വസിക്കുന്നതില്‍ തെറ്റുണ്ടോ? സിപിഎം നേതൃത്വത്തിലുള്ള സാമ്പത്തിക തട്ടിപ്പാണ് ഇതിന്റെ പിന്നിലുള്ളതെന്ന് ബിജെപി വക്താവ് ബി. ഗോപാലകൃഷ്ണന്റെ വാക്കുകള്‍ ഇവിടെ ശ്രദ്ധേയമാണ്. സിപിഎമ്മിന്റെ പ്രിയങ്കരനും കിങ്കരനുമായ ഇടുക്കി എസ്പിയുടെ നിര്‍ദ്ദേശമനുസരിച്ചു തന്നെയാണ് ഈ അരും കൊല നടത്തിയെന്നതും ശ്രദ്ധേയമാണ്. ഉരുട്ടല്‍ മൂലം അസ്ഥിയില്‍ നിന്നും മാംസം അടര്‍ന്നു മാറി. മരണസമയത്ത് ഒരു തുള്ളി വെള്ളം ചോദിച്ചിട്ടു പോലും കൊടുക്കാത്ത നരാധമന്മാര്‍ ലോകത്തില്‍ തന്നെ വിരളമാണ്. കാലുകളിലെ അസ്ഥികള്‍ പോലും തകര്‍ന്നു ഉരുട്ടല്‍ എത്ര ഭായാനകമായിരുന്നു എന്നു ചിന്തിക്കേണ്ടിയിരിക്കുന്നു. കണ്ണുകളില്‍ കരണം പൊട്ടി മുളക് അരച്ചു തേക്കുകയും സ്ത്രീകളുടെ ഗുഹ്യഭാഗങ്ങളില്‍ കാന്താരി അരച്ചൊഴിക്കുകയും ചെയ്യുന്ന കൊടും ക്രൂരത വരെ ഈ കേരളത്തില്‍ താണ്ഡവമാടിക്കഴിഞ്ഞു. അതെ. അതാണ് പിണറായിയുടെ തടവറകള്‍.

2005 സെപ്റ്റംബറില്‍ ഉദയകുമാറിനെ ഉരുട്ടിക്കൊന്നതിന് കേരളം ഇളക്കിമറിച്ച സിപിഎംകാര്‍ ഇപ്പോള്‍ ഈ ഉരുട്ടിക്കൊലകളെ ന്യായീകരിക്കുന്നു.

ചവിട്ടിക്കൊലകള്‍
വാരാപ്പുഴയില്‍ ശ്രീജിത്ത് എന്ന ചെറുപ്പക്കാരന്‍ ബിജെപിയിലേക്ക് കൂറുമാറി എന്ന ഒറ്റ കാരണം കൊണ്ട് രാത്രിയില്‍ വീട്ടില്‍ നിന്നും പിടിച്ചിറക്കി ചവിട്ടിക്കൊന്നതും പിണറായിയുടെ പോലീസ് തന്നെ. കുടല്‍മാല പുറത്തു വരുന്ന വിധത്തില്‍ അവനെ ചവിട്ടികൊലപ്പെടുത്തി. ഇത്തരത്തിലുള്ള ഭീകര പീഡനങ്ങള്‍ നാസികളുടെ ക്യാമ്പുകളിലും സ്റ്റാലിന്റെ തടവറകളിലും മാത്രമേ നടന്നിട്ടുള്ളൂ. അത് ഇന്നും ഈ കേരളത്തില്‍ നടന്നു കൊണ്ടിരിക്കുന്നു. ഇതിന്റെയൊക്കെ പിന്നില്‍ ഭരണ കക്ഷി നേതാക്കരുടെ രക്ഷാ കവചമില്ലെങ്കില്‍ ഒരു പോലീസും ഇത്ര തന്റേടത്തോടെ ഈ കൊടു ക്രൂരതകള്‍ ജനത്തിനുമേല്‍ അടിച്ചേല്‍പ്പിക്കില്ല.

വെട്ടിക്കൊലകള്‍
എത്രയെത്ര ചെറുപ്പക്കാരുടെ ശിരസ്സുകള്‍ കൊയ്തെടുത്തു. മനുഷ്യന്റെ കൈകാലുകള്‍ വെട്ടിമാറ്റി വേദനകൊണ്ടു പിടയുന്ന ആ ശരീരത്തെ നോക്കി ആര്‍ത്തട്ടഹസിക്കുന്ന പാര്‍ട്ടി സഖാക്കള്‍ പത്തും അമ്പതും തുണ്ടങ്ങലാക്കി മനുഷ്യ ശരീരം കണ്ടിച്ചു മാറ്റുന്നു. അങ്ങനെ വെട്ടിയെടുത്ത ഇരുപത്തി രണ്ടു ശിരസുകളുമായി ഇവര്‍ മൂന്നാം വാര്‍ഷികം ആഘോഷിക്കുന്നു.

അന്വേഷണ പ്രഹസനങ്ങള്‍
നെടുങ്കണ്ടം ഉരുട്ടിക്കൊലക്കേസില്‍ എസ്പിയെ സ്ഥലം മാറ്റി. അദ്ദേഹത്തിന്റെ വീടിനടുത്തേക്കാണ് സ്ഥലം മാറ്റി ശിക്ഷിച്ചത്. കേരളത്തിലെ ജനങ്ങളുടെ മുഖത്തു നോക്കി പല്ലിളിച്ചു കാണിക്കുന്ന ശിക്ഷാവിധിയല്ലെ ഇവിടെ നടപ്പാക്കിയത്. പോലീസുകാരെ സ്ഥലം മാറ്റുകയും സസ്പെന്‍സ് ചെയ്യുകയും ചെയ്തു എന്നാല്‍ ആറു മാസം കഴിയുമ്പോള്‍ സസ്പെന്‍ഷന്‍ പിന്‍വലിക്കപ്പെട്ട് ആറു മാസത്തെ ശമ്പള കുടിശികയും തിരികെ ഇവരെ ജോലിയില്‍ പ്രവേശിപ്പിക്കും. വാരാപ്പുഴ കസ്റ്റടി മരണക്കേസില്‍ പോലീസിനെ സംരക്ഷിക്കില്ലെന്നു പറഞ്ഞ മുഖ്യമന്ത്രി സിഐയേയും എസ്ഐയേയും തിരിച്ചെടുക്കുകയും ആലുവാ റൂറല്‍ എസ്പി ആയിരുന്ന എ. വി. ജോര്‍ജിനെ പ്രൊമോഷന്‍ നല്‍കി ആദരിക്കുകയും ചെയ്തത് കേരളം കണ്ടതാണ്. ഇവിടെയും സംഭവിക്കുവാന്‍ പോകുന്നത് അതു തന്നെ.

പ്രവാസി ആത്മഹത്യകള്‍, കര്‍ഷക ആത്മഹത്യകള്‍
വര്‍ഷങ്ങള്‍ക്ക് മുമ്പ് യുഡിഎഫ് ഭരണ കാലത്ത് രജനി എന്ന വിദ്യാര്‍ത്ഥിനി ആത്മഹത്യ ചെയ്തതിന് കേരളം കത്തിച്ച പാര്‍ട്ടി സഖാക്കള്‍ ഇന്നെവിടെ? മറുനാടുകളില്‍ പോയി ജീവിതം ഹോമിച്ച് രക്തം വെന്തുമുക്കി പണിയെടുത്ത സമ്പാദ്യം കൊണ്ട് നാട്ടില്‍ എന്തെങ്കിലും വ്യവസായ സംരംഭം ആരംഭിക്കുന്ന പ്രവാസി മലയാളികള്‍ക്ക് അവസാനം ആത്മഹത്യയില്‍ അഭയം തേടേണ്ടിയ ഗതികേടാണ് കേരളത്തില്‍ സംജാതമായിരിക്കുന്നത്. മാത്രമല്ല എത്രയെത്ര കര്‍ഷ ആത്മഹത്യകള്‍ ഇവിടെ അനുദിനം സംഭവിക്കുന്നു. വടക്കേ ഇന്ത്യയില്‍ കര്‍ഷകര്‍ ആത്മഹത്യ ചെയ്തതിനു പ്രതികരിക്കാന്‍ പോയ സിപിഎം നേതാക്കള്‍ സ്വന്തം മൂക്കിനു താഴെ നടക്കുന്ന കര്‍ഷക ആത്മഹത്യകള്‍ കണ്ടില്ലത്രെ.

ആദ്യം ആട്ടിയിറക്കേണ്ടിയത് ഈ പ്രതിപക്ഷത്തെ
എത്രയെത്ര വെട്ടിക്കൊലുകള്‍ ഉരുട്ടിക്കൊലകള്‍ ചവിട്ടിക്കൊലകള്‍ ഇവയെല്ലാം അരങ്ങേറിയിട്ടും യാതൊരു പ്രതികരണവുമില്ലാതിരിക്കുന്ന പ്രതിപക്ഷം ജനാധിപത്യ ലോത്തിന്റ ചരിത്രത്തില്‍ പോലും കാണുകയില്ല. ഉരുട്ടിക്കൊലക്കേസില്‍ ഭരണകക്ഷിയായ സിപിഐയുടെ ഭാഗത്തു നിന്നുണ്ടായത്ര പോലും പ്രതികരണം പ്രതിപക്ഷത്തു നിന്നുണ്ടായില്ലത്ര! എവിടെ മുസ്ലീം ലീഗുകാര്‍? എവിടെ കേരളാ കോണ്‍ഗ്രസ്? എവിടെ മുന്‍ മുഖ്യ മന്ത്രി? സഖാക്കളുടെ കൊലക്കത്തികളില്‍ പെട്ട് ജനം പിടയുമ്പോള്‍ പിണറായിയുടെ തടവറകളില്‍ കൊടിയ പീഡനങ്ങള്‍ അരങ്ങേറുമ്പോള്‍ ഇവിടിരുന്നു മോദിയെ കുറ്റും പറയുന്ന പ്രതിപക്ഷ നേതാക്കളെയാണിവിടെ കാണുന്നത്. ഇവിടുത്തെ സാംസ്‌കാരിക നായകന്മാര്‍ എവിടെ? ഇവര്‍ ജീവിച്ചിരിപ്പുണ്ടോ എന്നു പോലും സംശയിക്കേണ്ടിയിരിക്കുന്നു. വല്ല പുരോഹിതന്മാരോ കന്യാസ്ത്രീകളോ വല്ല ചെറിയ തെറ്റുകളും ചെയ്യുമ്പോഴാണ് ഇവറ്റകളുടെ ശൗര്യവും വീര്യവും സടകുടഞ്ഞെഴുന്നേല്‍ക്കുന്നത്. ഇവര്‍ക്ക് സെന്‍കുമാര്‍ നല്‍കിയ ഓമനപ്പേര്‍ വളരെ അര്‍ത്ഥവത്താണ്. സാംസ്‌കാരിക നായ്ക്കള്‍! ഒരു കാര്യം പ്രതിപക്ഷ നേതാക്കന്മാര്‍ ഓര്‍ക്കുന്നത് കൊള്ളാം. കഴിഞ്ഞ ഇലക്ഷനില്‍ സീറ്റുകള്‍ മുഴുവന്‍ തൂത്തു വാരി എന്നു കരുതി നിത്യ മയക്കത്തിലാണ്ടിരിക്കരുത് ഇതുപോലെ നട്ടെല്ലില്ലാത്തതും നാണെ കെട്ടതുമായ ഈ പ്രതിപക്ഷത്തെ അധികാരത്തിലേറ്റണമോ എന്ന ജനം ചിന്തിച്ചെന്നിരിക്കും.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category