1 GBP = 91.50 INR                       

BREAKING NEWS

നീയൊരു കുഴപ്പക്കാരിയാണ് മത്സരിച്ചതു പോലും തെറ്റ്; പാട്ടുപാടരുത്... കാറില്‍ യാത്ര ചെയ്യരുത്... ഇങ്ങനെ നീ ചിരിച്ചുകൊണ്ട് നടന്നാല്‍ അതെങ്ങനെ ശരിയാവും? നവോത്ഥാനവും സ്ത്രീ ശക്തീകരണവും ഞങ്ങള്‍ക്കുള്ളതല്ലേ? നിന്നെപ്പോലെ കുറച്ചെണ്ണം കളത്തിലിറങ്ങിയാല്‍ ഞങ്ങളെങ്ങനെ സീറ്റ് കച്ചവടത്തിന്റെ പേരില്‍ ഗ്രൂപ്പു കളിക്കും? രമ്യ ഹരിദാസിനെ തീര്‍ക്കാന്‍ സഖാക്കളും കോണ്‍ഗ്രസ്സ് നേതാക്കളും ഒരുമിക്കുമ്പോള്‍

Britishmalayali
kz´wteJI³

ല്ലെങ്കിലും രമ്യ ഹരിദാസ് ഒരു വലിയ പ്രശ്നക്കാരിയാണ്. അവര്‍ മത്സരിച്ചത് തന്നെ വലിയ തെറ്റ്. എന്തിനാണ് സിപിഎമ്മിന്റഎ കുത്തക മണ്ഡലമായ ആലത്തൂരില്‍ പോയി സിപിഎം യുവാക്കളുടെ മാതൃകയും ഹരവുമായ പികെ ബിജുവിന് എതിരെ മത്സരിച്ചത്. ബിജുവിന്റെ വിദ്യാഭ്യാസ യോഗ്യത രമ്യയുടേതുമായി താരതമ്യം ചെയ്യാന്‍ എങ്കിലും കഴിയുമായിരുന്നോ? പിഎച്ച്ഡിക്കാരനാണ് ബിജു. രണ്ട് വട്ടം എംപിയായ വ്യക്തി. ദാരിദ്ര്യത്തിന്റേയും പട്ടിണിയുടേയും ഒക്കെ കഥ പഴയത് ആയിരുന്നെങ്കിലും ഇപ്പോള്‍ അങ്ങനെ അല്ല. ലണ്ടന്‍വരെയാണ് ആഡംബരത്തിന്റെ സൗഹൃദം നീട്ടിയിട്ടിരിക്കുന്നത്. എന്നാല്‍ രമ്യയോ ആരാണ് അവള്‍? അവള്‍ക്ക് ചൂണ്ടിക്കാണിക്കാന്‍ ഒരു ഡിഗ്രിയെങ്കിലുമുണ്ടോ? ഒരു അംഗനവാടി ടീച്ചറിന്റെ മാത്രം നിലവാരം. പാട്ട് പാടും എന്നത് മാത്രമാണ് ആകെയുള്ള ഒരു ഗുണം.

അതുകൊണ്ടാണ് അന്ന് സഖാത്തികളുടെ തമ്പുരാട്ടി ദീപ ടീച്ചര്‍ പറഞ്ഞത് അമ്പലപ്പറമ്പിലെ പാട്ടുകാരി പാര്‍ലമെന്റിലേക്ക് പോയിട്ട് എന്ത് കാര്യമെന്ന്. അതുകൊണ്ടാണ് പികെ കുഞ്ഞാലിക്കുട്ടിയെ കാണാന്‍ പോയപ്പോള്‍ സഖാക്കള്‍ ആകെ ഒന്ന് കുലുങ്ങി ചിരിച്ചത്. എന്തെങ്കിലും പെങ്ങളൂട്ടിക്ക് സംഭവിച്ചാല്‍ ആലത്തൂര്കാര്‍ക്കല്ലേ നാണക്കേട്.ഒടുവില്‍ സഖാക്കള്‍ അവളുടെ ഒരു പടം പുറത്ത് വിട്ടു. ആകെ വിയര്‍ത്ത് ക്ഷീണിച്ച് മുടിയൊക്കെ പാറി കിടക്കുന്ന ഒരു ചിത്രം. ഒപ്പം അവര്‍ മറ്റൊരു ചിത്രം കൂടി വെച്ചു. ഒരു നാടോടി സ്ത്രീയുടെ ചിത്രം കൂടെ. എങ്ങനെ ഉണ്ട് താരതമ്യം. ഒരു നാടോടി സ്ത്രീ വേണമോ നമ്മള്‍ ആലത്തൂരുകാരുടെ പ്രതിനിധിയായി. ഉഗ്രന്‍ നവോത്ഥാന ചോദ്യം.

പാട്ട് പാടുന്നത് പോലും ഉചിതമല്ല എന്ന് സഖാക്കള്‍ പറയുമ്പോള്‍ തമ്പാക്കന്മാരും തമ്പാട്ടിമാരും മാത്രമാണ് പാട്ട് പാടേണ്ടത് എന്ന്. തെരുവ് നാടകം എന്നൊക്കെ പറഞ്ഞ് നമ്മള്‍ തന്നെ ആശയപ്രചാരണം നടത്തും. അത് കീഴാളി വര്‍ഗത്തിന്റെ ഉന്നമനത്തിനായി ആണ് എന്ന് തെറ്റിദ്ധരിക്കരുത്. അതുകൊണ്ടാണ് ദീപ നിശാന്തിനെ പോലെയുള്ള കുലസ്ത്രീകളെ ഇറക്കി നമ്മള്‍ നവോത്ഥാനത്തിന്റൈ സ്ഫടികപാത്രം നിര്‍മ്മിച്ച്കൊണ്ടിരുന്നത്. അവിടേക്കാണ് കീഴാള വര്‍ഗത്തിന്റഎ പ്രതിനിധി, ഒരു ബിരുദം പോലും ഇല്ലാത്ത യുവത്വം തുടങ്ങിയിട്ട് മാത്രം ഉള്ള ഉന്നതമായ രാഷ്ട്രീയ പാരമ്പര്യമില്ലാത്ത അമ്മ ഒരു തൊഴിലുറപ്പ് കാരി മാത്രമായിരുന്ന ഒരു ദളിത് സ്ത്രീ എങ്ങനെയാണ് മത്സരിക്കുക .

എന്നിട്ടും അവള്‍ക്കൊപ്പം കേരളം ഒരുമിച്ച് നിന്നു. വിജയമായിരുന്നില്ല മറിച്ച് വിജയത്തിന്റെ ഏറ്റവും വലിയ കിരീടധാരണമായിരുന്നു നാട്ടുകാര്‍ രമ്യ ഹരിദാസന് നല്‍കിയത്. എന്നിട്ട് തീര്‍ന്നോ അവളുടെ അഹങ്കാരം. അങ്ങ് ഡല്‍ഹി ലോക്സഭയിലെത്തി സ്പീക്കറെ പോലും അവള്‍ ചിരിപ്പിച്ചില്ലേ? നല്ലത് പറയിപ്പിച്ചില്ലേ, നാട്ടുകാരുടെ പ്രശ്നങ്ങളൊക്കെ ഉയര്‍ത്തിക്കൊണ്ട് വരാന്‍ തുടങ്ങിയില്ലേ? ഇങ്ങനെ പോയാല്‍ പാര്‍ട്ടിക്കാര്‍ സ്വന്തമാക്കി വെച്ചിരുന്ന ഏഴ് നിയമസഭ മണ്ഡലങ്ങളിലാണ് പേടി തട്ടുന്നത്. അതും എല്ലാം സിപിഎമ്മിന്റെ സ്വന്തം മണ്ഡലങ്ങള്‍. യൂത്തുകൊണ്‍ഗ്രസുകാര്‍ എനിക്ക് ഒരു കാര്‍ വാങ്ങി തരാം എന്ന് പറഞ്ഞപ്പോള്‍ അയ്യേ നെിക്ക് വേണ്ട. ഞാന്‍ കൈക്കൂലി വാങ്ങി കമ്മീഷന്‍ വാങ്ങി അത് വാങ്ങിക്കോളാം എന്ന് പറയേണ്ടിയിരുന്നില്ലേ? അത് ചെയ്തതും മത്സരിച്ചത്പൊലെ തന്നെ തെറ്റായിപ്പോയില്ലേ?

അന്ന് തെരഞ്ഞെടുപ്പ് സമയത്ത് എന്തിനായിരുന്നു ക്രൗഡ് ഫണ്ടിങ് എന്നൊക്കെ പറഞ്ഞ് രമ്യ തെരുവിലിറങ്ങിയത്? ബക്കറ്റ് നീട്ടി പിരിച്ചാല്‍ കാശ് കിട്ടും എന്ന് എത്ര തവണ സഖാക്കള്‍ തെളിയിച്ചതാണ്. അതുമല്ലെങ്കില്‍ എത്രയോ കളങ്കിതരായ മുതലാളിമാര്‍ ഒരു രസീതുമില്ലാതെ പണം തരുമായിരുന്നു. ചാക്ക് രാധാകൃഷ്ണന്‍, സാന്റിയാഗോ മാര്‍ട്ടിന്‍, ഫാരിസ് അബുബക്കര്‍ എന്നിങ്ങനെ എത്ര മുതലാളിമാര്‍. അങ്ങനെയൊക്കെ ഉള്ളപ്പോള്‍ എന്തിനാണ് കൊച്ചേ നീ രസീത് അടിച്ച് 14 ലക്ഷം രൂപ ശേഖരിക്കാന്‍ ഇറങ്ങിയത്.

ഏഴ് നിയമസഭ സീറ്റുകളുമായി അങ്ങ് മുങ്ങിയ ഞങ്ങള് പിന്നാ എന്ന് ചെയ്യും. നാട്ടുകാരോട് പൈസ പിരിച്ച് കാറു വാങ്ങുന്നോ നിനക്ക് ബസില്‍ കയറി നടന്നാല്‍ എന്താ കുഴപ്പം സൈക്കിളില്‍ കയറി നടന്നാല്‍ എന്താ കുഴപ്പം. ഞങ്ങളുടെയോക്കെ നേതാക്കന്മാര്‍ പണ്ടു ചെയ്തിരുന്നല്ലോ. ഇപ്പോഴും ഉണ്ട് അങ്ങ് വയനാട്ടില്‍ ഒരു ശശീന്ദ്രന്‍. അതുകൊണ്ടാണ് അദ്ദേഹത്തിന് മന്ത്രി സ്ഥാനം കൊടുക്കാതിരുന്നത്. പാര്‍ട്ടിയില്‍ ഒരു പദവിയും കൊടുക്കാതിരുന്നത്. വീരേന്ദ്രകുമാറിന്റെ മകനോട് മത്സരിക്കുമ്പോള്‍ ജയിക്കുമെന്ന് കരുതിയില്ല.

അങ്ങനെയെങ്കില്‍ സീറ്റും കൊടുക്കുമായിരുന്നില്ല. ഞങ്ങള്‍ക്ക് ഇന്നോവ ക്രിസറ്റോവില്‍ സഞ്ചരിക്കുന്നവരെ മാത്രം മതി. ഇടുക്കിയില്‍ പ്രളയം കൊണ്ടു കണ്ണീരൊപ്പാന്‍ ആര്‍ക്കും വയ്യാതിരുന്നപ്പോള്‍ പാര്‍ട്ടി സെക്രട്ടറിക്ക് ക്രിസ്റ്റോ വാങ്ങി കൊടുത്തു. വടകരയില്‍ തോറ്റ ജയരാജേട്ടനും വാങ്ങി നല്‍കി ക്രിസ്റ്റോ. ഞങ്ങളുടെ ദേശാഭിമാനിക്ക് കേരളം മുഴുവന്‍ യൂണിറ്റുകള്‍ ഉണ്ട്. അവിടെയോക്കെ അനേകം ഇന്നോവ ക്രിസ്റ്റോ കാറുകളുണ്ട്. ഏതു നോതാവിനും അത് ഇഷ്ടം പോലെ ഉപയോഗിക്കാം. ഞങ്ങളുടെ ചില നേതാക്കള്‍ക്കും എല്ലാ യൂണിറ്റിലും ഉപയോഗിക്കാന്‍ ഞങ്ങള്‍ ഓരോ ക്രിസ്റ്റോ വാങ്ങിയിട്ടുണ്ട്.

അതോക്കെ അല്ലേ രമ്യ കണ്ടു പഠിക്കേണ്ടത്. അല്ലാതെ നീയിങ്ങനെ സ്വന്തം വഴി തേടിയാല്‍ ഞങ്ങള്‍ എന്തു ചെയ്യും. മിടുക്കിയാണ് ശൈലജ ടീച്ചര്‍ ഞങ്ങളുടെ സഖാത്തി. 28000രൂപ മുടക്കിയാണ് കണ്ണട വാങ്ങിയത്. അതിനെക്കാള്‍ മിടുക്കനാണ് ഞങ്ങളുടെ സ്പീക്കര്‍ 55000 രൂപ മുടക്കിയാണ് കണ്ണാടി വാങ്ങിയത്. ഞങ്ങടെ മുഖ്യമന്ത്രിക്ക് ഞങ്ങള്‍ വാരിക്കോരി നല്‍കും.

മുഖ്യമന്ത്രി വീട്ടില്‍ നിന്നിറങ്ങി എവിടെയോക്കെ പോയോലും ഞങ്ങള്‍ അവിടെയോക്കെ പൊലീസിനെ നിര്‍ത്തും. അതിനി ലണ്ടനില്‍ പോയപ്പോള്‍ ഭാര്യയ്ക്കും ടിക്കറ്റു കൊടുത്തു മകള്‍ക്കും ടിക്കറ്റും കൊടുത്തു. മാത്രമല്ല ലണ്ടന്‍ തെരുവിലൂടെ അമേരിക്കയുടെ സിഐഎയുടെ ചാരന്മാര്‍ ഞങ്ങളുടെ മുഖ്യമന്ത്രിയെ എന്തെങ്കിലും ചെയ്താല്‍ എന്നു കരുതി 10,20ലക്ഷം മുടക്കി ഒരു സ്വകാര്യ സുരക്ഷാ സംവിധാനം ഏര്‍പ്പെടുത്തി. എന്നിട്ട് നീ വേടിക്കുന്നത് എന്താണ് ഒരു മഹേന്ദ്രയുടെ 14ലക്ഷം രൂപയുടെ ഒരു കാര്‍. ഞങ്ങള്‍ സഖാക്കള്‍ ഭരിക്കുന്ന നാട്ടില്‍ അത് പറ്റില്ല.

കണ്ടോ ഒടുവില്‍ ഞങ്ങള്‍ പറഞ്ഞത് ശരിയാണെന്ന് നിങ്ങളുടെ വലിയ നേതാവ് തന്നെ പറഞ്ഞിരിക്കുന്നു.ആര് മുല്ലപ്പള്ളി രാമചന്ദ്രന്‍. സ്വന്തം ചേട്ടനെപ്പോലെല്ലെ അദ്ദേഹം പറഞ്ഞത്. എന്റെ അനിയത്തിക്കുട്ടിക്ക് ഒന്നും സംഭവിക്കാതിരിക്കാന്‍ വേണ്ടി ഞാനെരു മാതൃകയായെന്ന്. ഞങ്ങളുടെ മുല്ലപ്പള്ളി ഏട്ടന്‍ കൈയില്‍ നിന്ന് കാശെടുത്ത് ഇതുവരെ എന്തെങ്കിലും വാങ്ങിയത് അറിയാവോ? ഇതുവരെ പിരിവു നടത്തിയത് അറിയാമോ?

പല തവണ ലോക് സഭയിലക്ക് പോയി പല തവണ നിയമസഭയിലെത്തി. കേന്ദ്രമന്ത്രിവരെ ആയി. അപ്പോഴോക്കെ ആരാ സഹായിച്ചത് ആ മാതൃക നിനക്ക് പിന്തുടര്‍ന്നുകൂടെ. അതു കൊണ്ടാണ് സഖാക്കള്‍ പറഞ്ഞത് മുല്ലപ്പള്ളി ഏട്ടനും കേട്ടത്. മുല്ലപ്പള്ളി ഏട്ടന്‍ പറഞ്ഞതോടെ എല്ലാം തീര്‍ന്നില്ല കൊച്ചെ. ഞങ്ങള്‍ തലമൂത്ത കാരണവന്മാര്‍ എല്ലാവരും ഇവിടെയില്ലെ അതുപോലെയക്കെ അങ്ങ് ചെയ്താല്‍ മതി. കാശ് വേണമെങ്കില്‍ പറഞ്ഞാല്‍ കൊണ്ടു തരാന്‍ ആളുണ്ടല്ലോ. അങ്ങനെ രശീതുകൊടുത്ത് ഭരിക്കേണ്ട. അതുകൊണ്ട് അഭ്യാസമൊക്കെ നിര്‍ത്തി എല്ലാ എംപിമാരും ചെയ്യുന്നതുപോലെ ചെയ്യുക. അതാണ് ആരോഗ്യത്തിനും ആയുസിനും ഭാവിക്കും നല്ലത്.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category