1 GBP = 91.20 INR                       

BREAKING NEWS

നിങ്ങള്‍ ലോണോ ക്രെ ഡിറ്റ് കാര്‍ഡോ എടുത്തവരാണോ? എങ്കില്‍ ഇന്ന് രാത്രി 12 ന് മുമ്പ് ഉണര്‍ന്ന് പ്രവര്‍ത്തിക്കൂ... അല്ലെങ്കില്‍ നിങ്ങള്‍ക്ക് നഷ്ടപ്പെടുന്നത് ലക്ഷങ്ങളാവാം

Britishmalayali
kz´wteJI³

നിങ്ങളിലേക്ക് നിങ്ങള്‍ പോലുമറിയാതെ തെറ്റിദ്ധരിപ്പിച്ച് വിറ്റിരിക്കുന്ന പേമെന്റ് പ്രൊട്ടക്ഷന്‍ ഇന്‍ഷൂറന്‍സ് അഥവാ പിപിഐ ക്ലെയിം ചെയ്യുന്നതിനുള്ള അവസാന തിയതി ഇന്നാണെന്ന് മറക്കല്ലേ... ലക്ഷങ്ങള്‍ വെറുതെ ലഭിക്കുന്നതിനുളള ഈ അവസരം പാഴാക്കരുതെന്നാണ് ഈ മേഖലയിലെ വിദഗ്ദര്‍ മുന്നറിയിപ്പേകുന്നത്. നിങ്ങള്‍ ലോണോ ക്രെഡിറ്റ് കാര്‍ഡോ എടുത്തവരാണോ? എങ്കില്‍ ഇന്ന് രാത്രി 12 ന് മുമ്പ് ഉണര്‍ന്ന് പ്രവര്‍ത്തിക്കൂ... അല്ലെങ്കില്‍ നിങ്ങള്‍ക്ക് നഷ്ടപ്പെടുന്നത് ലക്ഷങ്ങളാവാം. ഇതു വരെ പിപിഐ ക്ലെയിം ചെയ്തിട്ടില്ലെങ്കില്‍ നിങ്ങള്‍ ഇപ്പോള്‍ തന്നെ അനുവര്‍ത്തിക്കേണ്ടുന്ന കാര്യങ്ങളാണ് ഇവിടെ പരാമര്‍ശിച്ചിരിക്കുന്നത്. 

ഇന്ന് രാത്രി 11.59 വരെ മാത്രമേ പിപിഐ ക്ലെയിം നിര്‍വഹിക്കാനാവുകയുള്ളൂ. നിരവധി കുടുംബങ്ങളാണ് തങ്ങളുടെ ബാങ്കുകളില്‍ നിന്നും അല്ലെങ്കില്‍ ക്രെഡിറ്റ് പ്രൊവൈഡര്‍മാരില്‍ നിന്നും പിപിഐ വകയില്‍ ഇത്രയും മാസങ്ങള്‍ക്കിടെ ബില്യണ്‍ കണക്കിന് പൗണ്ടാണ് ക്ലെയിം ചെയ്തെടുത്തിരിക്കുന്നത്.പോളിസി ഉടമക്ക് അസുഖം പിടിപെടുകയോ ജോലിയില്ലാതാവുകയോ ചെയ്താല്‍ ക്രെഡിറ്റ് കാര്‍ഡ്, ലോണ്‍ അല്ലെങ്കില്‍ മോര്‍ട്ട്ഗേജ് തുടങ്ങിയവയ്ക്ക് മുകളിലെ തിരിച്ചടവിന് സഹായിക്കുന്നതിന് പര്യാപ്തമായി രീതിയിലാണ് പിപിഐ ഡിസൈന്‍ ചെയ്തിരിക്കുന്നത്. 

ഒരു നിശ്ചിത കാലം മാത്രമെ ഇതിന്റെ സേവനം ലഭ്യമാകുകയുള്ളൂ.  എന്നാല്‍ പിപിഐ പലപ്പോഴും ഉപയോക്താക്കളെ തെറ്റിദ്ധരിപ്പിച്ചാണ് വിറ്റഴിച്ചതെന്നതാണ് പ്രശ്നങ്ങള്‍ക്ക് വഴിമരുന്നിട്ടത്. അതായത് സ്വയം തൊഴില്‍ ചെയ്യുന്നവരെയും തൊഴിലില്ലാത്തവരെയും വരെ ഇത് തെറ്റിദ്ധരിപ്പിച്ച് വാങ്ങിപ്പിച്ചുവെന്ന പരാതികള്‍ വ്യാപകമാണ്. അത്തരക്കാര്‍ക്ക് വിജയകരമായി ക്ലെയിം ചെയ്യാന്‍ അര്‍ഹതയില്ലെന്നിരിക്കെയാണ് ഈ ചതി ചെയ്തിരിക്കുന്നത്. ബാങ്കുകളും ലോണ്‍ പ്രൊവൈഡര്‍മാരും തെററായ രീതിയില്‍ മില്യണ്‍ കണക്കിന് പോളിസികളാണ് അവ ആവശ്യമില്ലാത്തവര്‍ക്ക് വിറ്റഴിച്ചിരിക്കുന്നത്. 

1990 കള്‍ക്കും 2010നും ഇടയില്‍ 64 മില്യണ്‍ പോളിസികളാണ് മൊത്തത്തില്‍ വിറ്റഴിച്ചിരിക്കുന്നത്. ഇവയെല്ലാം മിസ് സോള്‍ഡ് ചെയ്തുവെന്നല്ല പറഞ്ഞ് വരുന്നത്. എന്നാല്‍ പിപിഐ മിസ് സോള്‍ഡ് വകയില്‍ 36 ബില്യണ്‍ പൗണ്ടിന്റെ നഷ്ടപരിഹാരമാണ് നല്‍കിയിരിക്കുന്നത്. ഇത് പ്രകാരം സാധാരണ ഓരോ വ്യക്തിക്കും ലഭിച്ചിരിക്കുന്ന നഷ്ടപരിഹാരം 2000 പൗണ്ടാണ്. പിപിഐയെക്കുറിച്ച് കൂടുതല്‍ വിവരങ്ങള്‍ എഫ്സിഎ വെബ്സൈറ്റില്‍ നിന്നും ലഭിക്കും. ഇതിനായി  0800 101 8800 എന്ന നമ്പറോട് കൂടിയ ഒരു സൗജന്യ ലാന്‍ഡ് ലൈന്‍ എഫ്സിഎ കൈകാര്യം ചെയ്യുന്നുണ്ട്. ഇതിലേക്ക് വിളിച്ചും നിങ്ങള്‍ക്ക് പിപിഐ ക്ലെയിമിംഗിനെക്കുറിച്ച് കൂടുതല്‍ കാര്യങ്ങള്‍ മനസിലാക്കാന്‍ സാധിക്കുന്നതാണ്.

ഉപഭോക്താക്കളുടെ അവകാശങ്ങള്‍
2011ല്‍ വന്‍ തോതില്‍ പിപിഐ മിസ് സോള്‍ഡ് ചെയ്യപ്പെട്ടതിനെ തുടര്‍ന്നായിരുന്നു ഇത്തരത്തില്‍ പിപിഐ ക്ലെയിമുകള്‍ വര്‍ധിച്ചത്. മുമ്പ് വിറ്റഴിച്ച് ഇന്‍ഷുറന്‍സുകളെക്കുറിച്ച് റിവ്യൂ നടത്തുന്നതിനുള്ള അവകാശം ഒരു നിയമയുദ്ധത്തില്‍ ബാങ്കുകള്‍ക്ക് നഷ്ടപ്പെട്ടതിനെ തുടര്‍ന്നായിരുന്നു പിപിഐ ക്ലെയിമിംഗുകള്‍ വര്‍ധിച്ചത്. ഇത്തരത്തില്‍ മിസ് സോള്‍ഡിന് വിധേയരായിട്ടുണ്ടെങ്കില്‍ പിപിഐ ക്ലെയിം നിര്‍വഹിക്കണമെന്ന് കാംപയിനര്‍മാരും ഫിനാന്‍ഷ്യല്‍ കണ്ടക്ട് അഥോറിറ്റിയും തുടര്‍ച്ചയായി മുന്നറിയിപ്പുകളേകുന്നതിനെ തുടര്‍ന്ന് ഇത്തരത്തില്‍ ക്ലെയിം ചെയ്യാന്‍ നിരവധി പേര്‍ മുന്നോട്ട് വരുന്നത്. ഇക്കാര്യത്തില്‍ തങ്ങളുടെ അവകാശങ്ങളെക്കുറിച്ച് നിരവധി കണ്‍സ്യൂമര്‍മാര്‍ക്ക് അറിവില്ലെന്ന ഭയത്താലാണ് ഇത്തരത്തില്‍ അധികൃതര്‍ മുന്നറിയിപ്പേകിക്കൊണ്ടിരിക്കുന്നത്.

പിപിഐ ക്ലെയിം വിജയകരമായി നേടുവാനുള്ള വഴികള്‍
1. ഒരു ലോണിനായി അപേക്ഷിക്കുന്നതിനായി നിങ്ങള്‍ക്കൊരു പിപിഐ ഉണ്ടോയെന്ന് പരിശോധിക്കുക. പ്രസ്തുത ലോണ്‍ അടച്ച് കഴിഞ്ഞിട്ടുണ്ടെങ്കിലും ഇത് സംബന്ധിച്ച പരിശോധനകള്‍ നടത്തേണ്ടതാണ്. ഇതിനായി ബന്ധപ്പെട്ട രേഖകള്‍ പരിശോധിക്കുകയോ ഇതില്‍ ഭാഗഭാക്കായ കമ്പനികളുമായി ബന്ധപ്പെടുകയോ ചെയ്യേണ്ടതാണ്. 

2. സെയില്‍സ്മാന്‍ നിങ്ങളെക്കൊണ്ട് നിര്‍ബന്ധിപ്പിച്ചാണ് ഇത് വാങ്ങിപ്പിച്ചതെങ്കില്‍ ഇതിനെ മിസ് സോള്‍ഡിന്റെ ഗണത്തില്‍ ഉള്‍പ്പെടുത്താവുന്നതാണ്.  പിപിഐ എടുക്കുന്നത് നിങ്ങളുടെ ലോണിന് ഗുണകരമാകുമെന്ന് പറഞ്ഞ് തെറ്റിദ്ധരിപ്പിച്ചാിരിക്കും ചിലപ്പോള്‍ സെയില്‍സ്മാന്‍ ഇതെടുപ്പിച്ചിട്ടുണ്ടാവുക.  നിങ്ങള്‍ സ്വയം തൊഴില്‍ ചെയ്യുന്നയാളോ നിലവില്‍ രോഗമുള്ളയാളോ ആണെങ്കില്‍  ഇത് പ്രകാരം ക്ലെയിം ചെയ്യാനാവില്ലെന്നിരിക്കെ അയാള്‍ നിങ്ങളെ ചതിയില്‍ പെടുത്തിയതാണെന്നുറപ്പാണ്. ഇതു സംബന്ധിച്ച രേഖകളെല്ലാം ക്ലെയിമിന് പുറപ്പെടുന്നതിന് മുമ്പ് സൂക്ഷ്മമായും വിശദമായും പരിശോധിച്ച് ഉറപ്പാക്കുകയെന്നാണ് രണ്ടാമത്തെ സ്റ്റെപ്പിലൂടെ ഉദ്ദേശിക്കുന്നത്.

3. ക്ലെയിംസ് ഹാന്‍ഡ്ലര്‍മാരെ പ്രതിരോധിക്കുകയാണ് അടുത്ത പടിയായി ചെയ്യേണ്ടത്. അവര്‍ നഷ്ടപരിഹാരത്തിന്റെ 30 ശതമാനത്തോളം എടുക്കാന്‍ സാധ്യതയുണ്ടെന്നതിനാലാണിത്.

4. ഡിഐവൈ പരാതികള്‍ അനായാസം സമര്‍പ്പിക്കാവുന്നതാണ്. അതായത് എല്ലാ ക്ലെയിമുകളും ടോണിയുടെത് പോലെ സങ്കീര്‍ണമാകണമെന്നില്ല. അത്തരത്തില്‍ വലിയ സംഖ്യ നഷ്ടപരിഹാരം ലഭിക്കുമെന്നുറപ്പുമില്ല. ഈ വകയില്‍ ശരാശരി ലഭിക്കാവുന്ന നഷ്ടപരിഹാരം 1800 പൗണ്ടാണ്. financialombudsman.org.uk. യില്‍ നിന്നും ഫിനാന്‍ഷ്യല്‍ ഓംബുഡ്സ്മാന്‍ സര്‍വീസില്‍ നിന്നുമുള്ള ക്ലെയിം ഫോം ലഭിക്കുന്നതാണ്. അതിലാണ് ക്ലെയിമിനായി അപേക്ഷ സമര്‍പ്പിക്കേണ്ടത്. ഇതിനായി കൂടുതല്‍ മാര്‍ഗനിര്‍ദേശങ്ങള്‍ക്കായി 0800 023 4567 എന്ന നമ്പറില്‍ വിളിക്കാവുന്നതാണ്.

5. പിപിഐ ക്ലെയിമുമായി ബന്ധപ്പെട്ട് നിങ്ങളുടെ ലെന്‍ഡര്‍ക്ക് പരാതി സമര്‍പ്പിക്കണം. പോളിസിയെ സംബന്ധിച്ച കൂടുതല്‍ വിവരങ്ങള്‍ അയക്കേണ്ടതാണ്. ഇത് തെറ്റിദ്ധരിപ്പിച്ചാണ് തനിക്ക് വിറ്റതെന്ന് എന്തുകൊണ്ടാണ് വിശ്വസിക്കുന്നതെന്നതിനെ സംബന്ധിച്ച വിവരങ്ങളും വിശദീകരിക്കേണ്ടതാണ്. thisismoney.co.uk/ppi. എന്ന  വെബ്സൈറ്റില്‍ നിന്നും ഇതു സംബന്ധിച്ച ടെംപ്ലേറ്റ് ലെറ്ററുകള്‍ ലഭിക്കുന്നതാണ്. 

6. ഇതു സംബന്ധിച്ച ലെന്‍ഡര്‍മാര്‍ എട്ടാഴ്ചക്കകം പ്രതികരിക്കുന്നതാണ്. ഇത്തരത്തില്‍ പ്രതികരിച്ചിട്ടില്ലെങ്കിലോ പ്രതികരണത്തില്‍ തൃപ്തിയില്ലെങ്കിലോ നിങ്ങള്‍ക്ക് ഫിനാന്‍ഷ്യല്‍ ഓംബുഡ്സ്മാന്‍ സര്‍വീസില്‍ പരാതി സമര്‍പ്പിക്കാവുന്നതാണ്.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category