1 GBP = 91.20 INR                       

BREAKING NEWS

ആട്ടവും പാട്ടും ഇടതടവില്ലാതെ വേദിയിലെത്തിയ മണിക്കൂറുകള്‍; വര്‍ണാഭമായ ആഘോഷങ്ങളുമായി മാഞ്ചസ്റ്റര്‍ മലയാളി കള്‍ച്ചറല്‍ അസോസിയേഷനും ഓണം ഗംഭീരമാക്കി

Britishmalayali
ഹരികുമാര്‍ പി.കെ.

മാഞ്ചസ്റ്റര്‍: യുകെയിലെ പ്രമുഖ മലയാളി അസോസിയേഷനുകളിലൊന്നായ മാഞ്ചസ്റ്റര്‍ മലയാളി കള്‍ച്ചറല്‍ അസോസിയേഷന്റെ ഓണാഘോഷവും പതിനഞ്ചാം വാര്‍ഷികാഘോഷങ്ങളുടെ സമാപനവും വിവിധ പരിപാടികളോടെ സമുചിതമായി ആഘോഷിച്ചു. മാഞ്ചസ്റ്റര്‍ വിഥിന്‍ഷോ ഫോറം സെന്ററില്‍ രാവിലെ 11ന് പൂക്കളമിട്ട് ആരംഭിച്ച പരിപാടികള്‍ യുക്മ ദേശീയ ഉപാദ്ധ്യക്ഷന്‍ അഡ്വ.എബി സെബാസ്റ്റ്യന്‍ ഉദ്ഘാടനം ചെയ്തു.

എം.എം.സി.എ പ്രസിഡന്റ് അലക്‌സ് വര്‍ഗ്ഗീസ് അദ്ധ്യക്ഷത വഹിച്ചു. ബിജു. പി. മാണി സ്വാഗതം ആശംസിച്ച ചടങ്ങില്‍ മുന്‍ യുക്മ പ്രസിഡന്റ് മാമ്മന്‍ ഫിലിപ്പ്, മുന്‍ എം.എം.സി.എ പ്രസിഡന്റുമാരായ റെജി മഠത്തിലേട്ട്, കെ.കെ. ഉതുപ്പ്, ജോബി മാത്യു എന്നിവര്‍ ആശംസകള്‍ അര്‍പ്പിച്ച് സംസാരിച്ചു. കഴിഞ്ഞ രണ്ട് വര്‍ഷക്കാലയളവിലെ പ്രവര്‍ത്തന റിപ്പോര്‍ട്ട് സെക്രട്ടറി ജനീഷ് കുരുവിളയും, വരവ് ചിലവു കണക്കുകള്‍ ട്രഷറര്‍ സാബു ചാക്കോയും അവതരിപ്പിച്ചു, പൊതുയോഗത്തിന്റെ അംഗീകാരം വാങ്ങി.  

യുകെയില്‍ നിന്നും യുഎസിലേക്ക് കുടിയേറുന്ന മുന്‍ എം.എം.സി.എ പ്രസിഡന്റ് റെജി മഠത്തിലേട്ടിനെയും കുടുംബത്തിനെയും അവര്‍ എം.എം.സി.എയ്ക്ക് നല്‍കിയ  സംഭാവനകളുടെ പേരില്‍ എം.എം.സി.എ കുടുംബാംഗങ്ങള്‍ ആദരിച്ചു.

രാവിലെ കുട്ടികളുടെയും മുതിര്‍ന്നവരുടേയും ഇന്‍ഡോര്‍ മത്സരങ്ങള്‍ നടന്നിരുന്നു. തുടര്‍ന്ന് പരമ്പരാഗത രീതിയില്‍ നടന്ന വിഭവ സമൃദ്ധമായ ഓണസദ്യയില്‍ ഏകദേശം മുന്നൂറ്റി അന്‍പതോളം പേര്‍ പങ്കുചേര്‍ന്നു. ടീം എം.എം.സി.എ കമ്മിറ്റിയംഗങ്ങളുടെ നേതൃത്വത്തിലുള്ള വാളണ്ടിയര്‍മാരായിരുന്നു സദ്യയ്ക്ക് നേതൃത്വം നല്‍കിയത്. 

തുടര്‍ന്ന് നടന്ന കലാപരിപാടികള്‍ക്ക് അനേഖാ അലക്‌സ്, ആഷ്‌ലി ജോസ് തുടങ്ങിയവര്‍ അവതാരകരായി തിളങ്ങി. കള്‍ച്ചറല്‍ കോഡിനേറ്റര്‍ ലിസി എബ്രഹാമിന്റെ നേതൃത്വത്തില്‍ കുട്ടികളുടെയും മുതിര്‍ന്നവരുടെയും ആട്ടവും പാട്ടുമായി വിവിധ കലാപരിപാടികള്‍ ഇടതടവില്ലാതെ വേദിയില്‍ നിറഞ്ഞാടി. തിരുവാതിരയും, എം.എം.സി.എ ഡാന്‍സ് സ്‌കൂളിലേയും മറ്റ് കുട്ടികളുടെയും മുതിര്‍ന്നവരുടേയും പരിപാടികള്‍ക്കൊടുവില്‍ വിഫോര്‍യു മ്യൂസിക് ബാന്റിലെ ഷിബു, ഷാജു ഉതുപ്പ്, അനൂപ് തുടങ്ങിയവര്‍ നേതൃത്വം കൊടുത്ത ഗാനമേളയ്ക്ക് ശേഷം രാത്രി ഒന്‍പതു മണിയോടെ പരിപാടികള്‍ അവസാനിച്ചു.
എം.എം.സി.എയുടെ ഓണാഘോഷ പരിപാടികള്‍ക്ക് ടീം എം.എം.സി.എ കമ്മിറ്റിയംഗങ്ങളായ ഹരികുമാര്‍ പി.കെ., ആഷന്‍ പോള്‍, മോനച്ചന്‍ ആന്റണി, റോയ് ജോര്‍ജ്, ജോബി മാത്യു, ജോബി രാജു എന്നിവര്‍ നേതൃത്വം നല്‍കി. എം.എം.സി.എയുടെ ഓണാഘോഷ പരിപാടികള്‍ വിജയമാക്കുവാന്‍ സഹായിച്ച എല്ലാവര്‍ക്കും ടീം എം.എം.സി.എയ്ക്ക് വേണ്ടി സെക്രട്ടറി ജനീഷ് കുരുവിള നന്ദി രേഖപ്പെടുത്തി.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category