1 GBP = 91.20 INR                       

BREAKING NEWS

കരുണാകരന്റെ കാലത്തെ പാവം പയ്യന്‍ ആന്റോ, പിച്ച ബഷീര്‍ കഥാപാത്രങ്ങള്‍ പിണറായിയുടെ കാലത്തു പുനര്‍ജ്ജനിക്കുന്നത് ലണ്ടനില്‍ നിന്നും; ഇടുക്കിയിലെയും തൃപ്പൂണിത്തുറയിലെയും പദ്ധതികള്‍ പൊളിഞ്ഞപ്പോള്‍ ശ്രദ്ധ മാലിന്യത്തില്‍; വിവാദ നായകനു ലണ്ടനിലെ പാര്‍ട്ടി പരിപാടികളില്‍ അപ്രഖ്യാപിത ഊരുവിലക്ക്

Britishmalayali
പ്രത്യേക ലേഖകന്‍

ലണ്ടന്‍: വി എസ് അച്യുതാന്ദന്‍ എന്ന അതികായനെ മൂലയ്ക്കിരുത്തി പിണറായി വിജയന്‍ മുഖ്യമന്ത്രിക്കസേരയില്‍ എത്തിയപ്പോള്‍ നടത്തിയ രണ്ടു പ്രഖ്യാപങ്ങള്‍ ഏറെ കൈയടിയോടെയാണ് കേരളം വരവേറ്റത്. ഓരോ ഫയലിലും ഓരോ ജീവിതമെന്നു പറഞ്ഞ മുഖ്യമന്ത്രി തന്റെ കാലത്തു അവതാരങ്ങള്‍ ഉണ്ടാകില്ലെന്നും തറപ്പിച്ചു വ്യക്തമാക്കിയിരുന്നു. രണ്ടു കാര്യത്തിലും പറഞ്ഞ വാക്ക് വിഴുങ്ങേണ്ട ഗതികേടാണ് പിണറായി വിജയന്. ഫയലുകള്‍ കൂമ്പാരമായി മനുഷ്യ ജീവിതങ്ങള്‍ മാറാല പിടിച്ചു സെക്രട്ടറിയേറ്റില്‍ കുമിഞ്ഞു കൂടിയതോടെ ഈ സര്‍ക്കാരിനും ഇക്കാര്യത്തില്‍ ഒരു മാറ്റവും ഉണ്ടാക്കാനായില്ല എന്ന ധാരണയാണ് സൃഷ്ടിക്കപ്പെട്ടിരിക്കുന്നത്.

അവതാരങ്ങളുടെ കാര്യത്തില്‍ ഏറെക്കുറെ വിജയിക്കാന്‍ തയാറായ മുഖ്യമന്ത്രിയുടെ വാക്കിന് പുല്ലുവില നല്‍കി പുത്തന്‍ അവതാരങ്ങള്‍ സൃഷ്ടിക്കപ്പെടുന്നു എന്ന സൂചനയാണ് കഴിഞ്ഞ ദിവസങ്ങളില്‍ പുറത്തുവന്ന മാധ്യമ വാര്‍ത്തകള്‍ സൂചിപ്പിക്കുന്നത്. മുഖ്യ മന്ത്രിയെടുത്ത കടുത്ത നിലപാട് മൂലം പാര്‍ട്ടി നേതാക്കളുടെ മക്കള്‍ കോടീശ്വരന്മാരുമായി ചേര്‍ന്നുള്ള ബിസിനസ് കച്ചവടത്തിന് സര്‍ക്കാരിനെയും പാര്‍ട്ടിയെയും മറയാക്കാനുള്ള നീക്കമാണ് അവതാര പ്രയോഗത്തിലൂടെ പിണറായി വിജയന്‍ തടഞ്ഞത്.

എന്നാല്‍ ചില മന്ത്രിമാരുടെ സ്വകാര്യ ദൗര്‍ബല്യങ്ങള്‍ തിരിച്ചറിഞ്ഞ അവതാരങ്ങള്‍ ലണ്ടനില്‍ നിന്ന് പോലും കേരളത്തില്‍ പറന്നിറങ്ങിയിരിക്കുന്നു എന്നാണ് കഴിഞ്ഞ ദിവസങ്ങളില്‍ പ്രാധാന്യത്തോടെ പുറത്തുവന്ന മാധ്യമ റിപ്പോര്‍ട്ടുകള്‍ സൂചിപ്പിക്കുന്നത്. കഴിഞ്ഞ ഉമ്മന്‍ചാണ്ടി സര്‍ക്കാരിന്റെ കാലത്തു ലണ്ടനില്‍ നിന്ന് വിവിധ പദ്ധതികള്‍ കേരളത്തില്‍ എത്തിച്ചു പണം പിടുങ്ങാന്‍ തയ്യാറായ ലോബിയുടെ നിഴലുകളാണ് പിണറായി സര്‍ക്കാര്‍ അധികാരത്തില്‍ എത്തിയപ്പോള്‍ പാര്‍ട്ടി പ്രവര്‍ത്തകരുടെ ലേബലില്‍ സര്‍ക്കാര്‍ സംവിധാനത്തില്‍ പിടി മുറുക്കാന്‍ ശ്രമിക്കുന്നത്.
ഇത് തിരിച്ചറിഞ്ഞ ലണ്ടനിലെ ഇടതുപക്ഷ ബന്ധമുള്ള മലയാളികള്‍ കൃത്യ സമയത്തു ഇടപെടല്‍ നടത്തുന്നത് മൂലമാണ് പലപ്പോഴും അവതാരങ്ങള്‍ക്ക് ഉദ്ദേശ്യലക്ഷ്യം നേടാനാവാതെ പോകുന്നതും. ഈ അവതാരങ്ങള്‍ പാര്‍ട്ടി ഫോറങ്ങളുടെ രൂപീകരണത്തില്‍ മുന്നില്‍ നിന്നിരുന്നെങ്കിലും മന്ത്രിമാരെ ഹൈജാക്ക് ചെയ്തു തുടങ്ങിയതോടെ ഇപ്പോള്‍ യുകെയിലും ശബ്ദം നഷ്ടമായ അവസ്ഥയിലാണ്.

മാത്രമല്ല, പാര്‍ട്ടി ഫോറങ്ങളില്‍ ഇത്തരം അവതാരങ്ങള്‍ക്കു അപ്രഖ്യാപിത ഊരുവിലക്കും നിലവിലുണ്ട്. കഴിഞ്ഞ ആഴ്ചകളില്‍ നടന്ന ഇടതുപക്ഷ ആഭിമുഖ്യമുള്ള പരിപാടികളില്‍ അകന്നു നിന്ന അവതാരങ്ങള്‍ ഇക്കഴിഞ്ഞ മെയ്മാസത്തില്‍ പിണറായി വിജയന്‍ ലണ്ടന്‍ സന്ദര്‍ശനത്തില്‍ നിറഞ്ഞു നില്‍ക്കാന്‍ ശ്രമിച്ചിരുന്നെങ്കിലും കൃത്യമായ സൂചന ലഭിച്ചതോടെ മുഖ്യമന്ത്രി അകറ്റി നിര്‍ത്തുക ആയിരുന്നു. ഒടുവില്‍ പ്രവാസി ചിട്ടി യൂറോപ്പ് ലോഞ്ചിങ് വേദിയില്‍ പാസ് എടുത്ത പൊതുജനങ്ങള്‍ക്ക് പ്രവേശനം അനുവദിച്ച ഹോട്ടല്‍ ഹാളിലാണ് അവതാരങ്ങള്‍ക്കും പ്രത്യക്ഷപ്പെടാന്‍ അവസരം ലഭിച്ചത്.

ഈ അവതാരങ്ങള്‍ കൂട്ട് പിടിച്ചു കേരള സര്‍ക്കാരിന്റെ മുന്നില്‍ ഹാജരാക്കുന്ന ബിസിനസ് സംരംഭകര്‍ എന്ന് അവകാശപ്പെടുന്നവരെ കുറിച്ച് വര്‍ഷങ്ങളായി ലണ്ടനില്‍ താമസിക്കുന്ന പാര്‍ട്ടി പ്രവര്‍ത്തകര്‍ക്ക് പോലും പരിചയമില്ലെന്നതാണ് വസ്തുത. ഇതോടെ പാര്‍ട്ടി പ്രവര്‍ത്തകര്‍ എന്ന പേരില്‍ ഇടതുപക്ഷ സര്‍ക്കാരിന്റെ നേട്ടം എടുക്കുകയാണ് അവതാരങ്ങളുടെ ലക്ഷ്യം എന്നും ഉറപ്പായി. ഇടതു സര്‍ക്കാരിന്റെ കാലാവധി തീരാന്‍ 20 മാസങ്ങള്‍ മാത്രം ബാക്കി നില്‍ക്കെ അവതാരങ്ങള്‍ കൂടുതല്‍ ശക്തിയോടെ പ്രത്യക്ഷപ്പെടും എന്ന സൂചനയും ലഭ്യമാണ്.

ലിവര്‍പൂളിലെ പാലാക്കാരന്‍ മലയാളിയുമായി കൂട്ടുപിടിച്ചു ഇടുക്കി ജില്ലയില്‍ ഏക്കര്‍ കണക്കിന് സ്ഥലം വാങ്ങി മാലിന്യ നിര്‍മ്മാര്‍ജ്ജന പദ്ധതിക്ക് ലക്ഷ്യം വച്ച് പറന്നിറങ്ങിയ അവതാരത്തിനു മുന്നില്‍ വിലങ്ങു തടിയായതു ഗാഡ്ഗില്‍ റിപ്പോര്‍ട്ട് പ്രസിദ്ധപ്പെടുത്തിയതിനെ തുടര്‍ന്നുള്ള കോലാഹലമാണ്. തുടര്‍ന്ന് ട്രാവല്‍ മാര്‍ട്ടില്‍ പങ്കെടുക്കാന്‍ എത്തിയ ടൂറിസം മന്ത്രിയെ ചാക്കിട്ടു ലണ്ടനില്‍ കേരള ടൂറിസത്തിന്റെ പണം ഉപയോഗിച്ച് മറ്റൊരു പദ്ധതി ആവഷ്‌ക്കരിച്ചെങ്കിലും ലണ്ടനിലെ പാര്‍ട്ടി പ്രവര്‍ത്തകര്‍ തന്നെ അതിനു തട ഇടുക ആയിരുന്നു.

തുടര്‍ന്നു വെയ്ല്‍സ് ആസ്ഥാനമായ ബ്രിട്ടീഷ് കമ്പനിയെ കൂട്ടുപിടിച്ചു എറണാകുളത്തു വിവിധ പഞ്ചായത്തുകളുടെയും നഗര സഭകളുടെയും മാലിന്യ നിര്‍മ്മാര്‍ജ്ജന പദ്ധതിയില്‍ അവതാരം പ്രത്യക്ഷപ്പെട്ടു. ഈ പദ്ധതി യാഥാര്‍ഥ്യമാക്കാന്‍ തടസമായി മഹാപ്രളയം വന്നതോടെ അവതാരത്തിന്റെ മറ്റൊരു അവതാരലക്ഷ്യം കൂടി തകര്‍ന്നടിയുക ആയിരുന്നു. വ്യവസായ മന്ത്രി ആയിരുന്ന കുഞ്ഞാലിക്കുട്ടിയുടെ കാലത്തു ജിമ്മിന്റെയും എമര്‍ജിങ് കേരളയുടെയും പേരില്‍ കുപ്രസിദ്ധമായ കമ്മീഷന്‍ ബിസിനസ്സില്‍ ആയിരുന്നു ഇടതു കുപ്പായമിട്ട അവതാരത്തിന്റെയും നോട്ടം.

ഈ പ്രോജക്ടില്‍ ബ്രിട്ടീഷ് കമ്പനിയില്‍ നിന്ന് അവതാരത്തിനു കമ്മീഷന്‍ ലഭിച്ചതായാണ് സൂചന. ഇത്തരം പദ്ധതികള്‍ക്ക് സര്‍ക്കാരിന്റെ മുന്നില്‍ എത്തിച്ചാല്‍ പോലും കമ്മീഷന്‍ നല്‍കുന്ന രീതിയാണ് പാശ്ചാത്യ നാടുകളിലെ കമ്പനികള്‍ക്കുള്ളത്. തുടര്‍ന്നുള്ള ലോബിയിങ്ങും മറ്റും കമ്പനിയുടെ ചുമതലയാണ്. ഇടനിലക്കാരനു കമ്മീഷന്‍ കൈപ്പറ്റി പിന്മാറ്റമാകാം. പാര്‍ട്ടി പ്രവര്‍ത്തനം വക്തിപരമായ നേട്ടത്തിന് ഉപയോഗിക്കുന്നതില്‍ തെറ്റില്ലെന്ന നിലപാട് എടുക്കുന്ന അവതാരം കമ്മീഷന്‍ വ്യവസ്ഥയില്‍ സ്റ്റേജ് ഷോകളും യുകെയില്‍ എത്തിക്കുന്നുണ്ട്.

തുടര്‍ന്നാണ് പാര്‍ട്ടിയിലും സര്‍ക്കാരിലും നിര്‍ണായക സ്വാധീനമുള്ള ഒരു മന്ത്രിയുടെ വീക്നെസ് അവതാരത്തിനു ബോധ്യമാകുന്നത്. ഇത് ബുദ്ധിപൂര്‍വം അവതാരം ഉപയോഗപ്പെടുത്തിയതായാണ് പാര്‍ട്ടിയുടെ പ്രധാന പ്രവര്‍ത്തകര്‍ നല്‍കുന്ന സൂചന. ഇക്കാര്യം പാര്‍ട്ടി വേദിയിലൂടെ മുഖ്യമന്ത്രിയുടെ ഓഫീസിനെയും അറിയിച്ചതായാണ് സൂചന. ഇതോടെയാണ് പാര്‍ട്ടിയുടെ സംസ്ഥാന ഘടകത്തില്‍ പോലും കെ കരുണാകരന്‍ മുഖ്യമന്ത്രി ആയിരുന്ന കാലത്തേ പാവം പയ്യന്‍ ആന്റോയുടെയും പിച്ച ബഷീറിന്റെയും കഥകള്‍ വീണ്ടും ചര്‍ച്ചയായത്. ഇതോടെ ലണ്ടന്‍ അവതാരങ്ങള്‍ക്കു തിരുവനന്തപുരത്തു കഷ്ടകാലം തുടങ്ങി.

പാര്‍ട്ടി പത്രത്തില്‍ ഉന്നതന്‍ ആയിരുന്ന വ്യക്തിയുടെ സഹായം അവതാരം തേടാന്‍ ശ്രമിച്ചെങ്കിലും പത്രപ്രവര്‍ത്തകന് മുഖ്യമന്ത്രിയുടെ ശകാരം കേള്‍ക്കാന്‍ മാത്രമാണ് യോഗം ഉണ്ടായത്. ഈ അപ്രീതി ഇതുവരെയും മാറ്റിയെടുക്കാന്‍ മുതിര്‍ന്ന മാധ്യമ പ്രവര്‍ത്തകന് സാധിച്ചിട്ടില്ല. ഇതോടെ അവതാരത്തിനു മുന്നില്‍ ആ വഴിയും അടഞ്ഞു. തുടര്‍ന്നാണ് ദുര്‍ബലനായ മുതിര്‍ന്ന മന്ത്രിയുടെ സഹായം തേടി പുതിയ പദ്ധതികളുമായി അവതാരം വീണ്ടും പ്രത്യക്ഷപ്പെടാന്‍ ഇടയായത്. മന്ത്രിയാകട്ടെ അവതാരത്തെ ഒഴിവാക്കാന്‍ കഴിയാത്ത ഊരാക്കുടുക്കില്‍ ആണെന്ന് ലണ്ടനിലെ പാര്‍ട്ടി പ്രവര്‍ത്തകര്‍ നല്‍കുന്ന സൂചന.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category