1 GBP = 92.20 INR                       

BREAKING NEWS

12 രാജ്യാന്തര കമ്പനികള്‍ ചൈന വിട്ട് ഇന്ത്യയിലേക്കു വരാന്‍ താല്‍പര്യം പ്രകടിപ്പിച്ചതായി കേന്ദ്ര ധനമന്ത്രി നിര്‍മലാ സീതാരാമന്‍; സമ്പദ്വ്യവസ്ഥ താഴേക്ക് പോയ സാഹചര്യത്തില്‍ സെപ്റ്റംബറില്‍ കേന്ദ്ര സര്‍ക്കാര്‍ കോര്‍പറേറ്റ് നികുതി 10 ശതമാനം കുറച്ചിരുന്നു; ചൈനയില്‍ നിന്ന് പുറത്തു കടക്കാന്‍ താല്‍പര്യമുള്ള കമ്പനികളെ ബന്ധപ്പെടുന്നതിനായി പ്രത്യേക സംഘത്തെ നിയോഗിക്കും

Britishmalayali
kz´wteJI³

മുംബൈ: കോര്‍പറേറ്റ് നികുതി 15 ശതമാനമായി കുറച്ചതിനു പിന്നാലെ 12 രാജ്യാന്തര കമ്പനികള്‍ ചൈന വിട്ട് ഇന്ത്യയിലേക്കു വരാന്‍ താല്‍പര്യം പ്രകടിപ്പിച്ചതായി കേന്ദ്ര ധനമന്ത്രി നിര്‍മലാ സീതാരാമന്‍. രാജ്യത്തിന്റെ സമ്പദ്വ്യവസ്ഥ താഴേക്ക് പോയ സാഹചര്യത്തില്‍ സെപ്റ്റംബറില്‍ കേന്ദ്ര സര്‍ക്കാര്‍ കോര്‍പറേറ്റ് നികുതി 10 ശതമാനം കുറച്ചിരുന്നു. കഴിഞ്ഞ 28 വര്‍ഷത്തിനിടയ്ക്ക് ആദ്യമായാണ് ഇത്രയധികം കുറവ് വരുത്തുന്നത്.

നിലവിലുള്ള കമ്പനികള്‍ക്കുള്ള നികുതി 22ല്‍ നിന്നു 30 ശതമാനവും 2019 ഒക്ടോബര്‍ 1ന് ശേഷം രൂപീകരിക്കുന്ന കമ്പനികള്‍ക്കും 2023 മാര്‍ച്ച് ഒന്നിനുള്ളില്‍ പ്രവര്‍ത്തനം ആരംഭിക്കുന്ന കമ്പനികള്‍ക്കും 25ല്‍ നിന്ന് 15 ശതമാനവുമായിട്ടാണ് കോര്‍പറേറ്റ് നികുതി കുറച്ചത്. ചൈനയില്‍ നിന്ന് പുറത്തു കടക്കാന്‍ താല്‍പര്യമുള്ള കമ്പനികളെ ബന്ധപ്പെടുന്നതിനായി പ്രത്യേക സംഘത്തെ നിയോഗിക്കും.

നിരവധി കമ്പനികള്‍ ചൈനയില്‍ നിന്ന് ഇന്ത്യയിലേക്കു വരാന്‍ താല്‍പര്യം അറിയിച്ചിട്ടുണ്ട്. ഇതില്‍ 12 കമ്പനികളുമായി നടത്തിയ ചര്‍ച്ചയില്‍ അവരുടെ പ്രവര്‍ത്തനങ്ങള്‍ സുഗമമാക്കാനായി ഇന്ത്യന്‍ സര്‍ക്കാരില്‍ നിന്ന് എന്തൊക്കെ പ്രതീക്ഷിക്കുന്നെന്ന് അറിയാന്‍ കഴിഞ്ഞു. അതിനനുസരിച്ച് ഇന്ത്യയിലെ സാഹചര്യം മാറ്റിയെടുക്കാനാകുമെന്നും ധനമന്ത്രി അറിയിച്ചു.

അതിനിടെ, 2024 ഓടെ ഇന്ത്യ 5 ട്രില്യന്‍ ഡോളറിന്റെ സാമ്പത്തിക ശേഷി ഇന്ത്യയ്ക്കുണ്ടാകുമെന്നും ലോകത്തിലെ ഏറ്റവും വലിയ അഞ്ച് സാമ്പത്തിക ശക്തികളില്‍ ഒന്നായി ഇന്ത്യ മാറുമെന്നും ആഭ്യന്തര മന്ത്രി അമിത് ഷാ പറഞ്ഞു. കഴിഞ്ഞ അഞ്ച് വര്‍ഷം സാമ്പത്തിക രംഗം നിര്‍വീര്യമായിരുന്നെങ്കില്‍ അടുത്ത അഞ്ച് വര്‍ഷം നിരവധി നവീകരണ പ്രവര്‍ത്തനങ്ങളിലൂടെ ലോകത്തിലെ ഏറ്റവും ശക്തമായ സാമ്പത്തിക രാഷ്ട്രമായി വളരും. 2024 ഓടെ വ്യവസായ സൗഹൃദ രാഷ്ട്രങ്ങളുടെ പട്ടികയില്‍ ഇന്ത്യ മുപ്പതാം സ്ഥാനത്തെത്തുമെന്നും ദേശീയ മാധ്യമം നടത്തിയ പരിപാടിയില്‍ സംസാരിക്കവെ അമിത് ഷാ പറഞ്ഞു.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category