1 GBP = 97.00 INR                       

BREAKING NEWS

15 ഗായക സംഘങ്ങളുടെ സംഗീത പോരാട്ടം; ബര്‍മിങാമില്‍ നാളെ ഉയര്‍ന്നു കേള്‍ക്കുക കരോള്‍ ഗാനങ്ങള്‍; ജോയ് ടു ദി വേള്‍ഡ് കരോള്‍ സന്ധ്യയ്ക്ക് ടീമുകള്‍ ഒരുങ്ങി

Britishmalayali
ജോഷി സിറിയക്

ബിര്‍മിംഗ്ഹാം: യുകെ മലയാളികള്‍ക്കായി നടത്തിവരുന്ന ഓള്‍ യുകെ ക്രിസ്മസ് കരോള്‍ മത്സരത്തിന്റെ മൂന്നാം സീസണ്‍ നാളെ ശനിയാഴ്ച ബിര്‍മിംഗ്ഹാമില്‍ വച്ചു നടക്കും. യുകെ ക്രോസ് കള്‍ച്ചര്‍ മിനിസ്ട്രിസ് ഡയറക്ടര്‍ ഡോ. ജോ കുര്യന്‍, ഗ്രേറ്റ് ബ്രിട്ടണ്‍ സീറോ മലബാര്‍ രൂപത മീഡിയ കമ്മീഷന്‍ ചെയര്‍മാന്‍ ഫാ. ടോമി എടാട്ട്, ബ്രിസ്റ്റോള്‍ ബ്രാഡ്ലി സ്റ്റോക്ക് ടൌണ്‍ മേയര്‍ ടോം ആദിത്യ എന്നിവര്‍ വിശിഷ്ടാഥികളായിരിക്കും.

ബിര്‍മിംഗ്ഹാം ബാര്‍ട്‌ലി ഗ്രീന്‍ കിംഗ് എഡ്വേഡ് സിക്‌സ് ഫൈവ് വെയ്സ് ഗ്രാമര്‍ സ്‌കൂളില്‍ ഉച്ചയ്ക്ക് ഒരു മണി മുതല്‍ സംഘടിപ്പിക്കുന്ന കരോള്‍ ഗാന മത്സരത്തില്‍ യുകെയുടെ വിവിധ ഭാഗങ്ങളില്‍ നിന്നായി പതിനഞ്ചു ഗായകസംഘങ്ങള്‍ മത്സരിക്കും. കരോള്‍ ഗാന മത്സരങ്ങള്‍ക്ക് നിറം പകരാന്‍  ലണ്ടനിലെ പ്രമുഖ സംഗീത ബാന്‍ഡായ ലണ്ടന്‍ അസാഫിയന്‍സ് അവതരിപ്പിക്കുന്ന ലൈവ് മ്യൂസിക്കല്‍ ഷോയും നടക്കും. 

നീണ്ട പരിശീലനത്തിനു ശേഷം എത്തുന്ന ഗായകസംഘങ്ങള്‍ അത്യന്തം വാശിയോടെ മത്സരത്തെ സമീപിക്കുമ്പോള്‍ വിജയികളാകുന്നര്‍ക്ക് ഒന്നാം സമ്മാനമായി 1000  പൗണ്ടും, ട്രോഫിയും ലഭിക്കും. രണ്ടാം സമ്മാനമായി 500 പൗണ്ടും ട്രോഫിയും, മൂന്നാം സമ്മാനമായി 250 പൗണ്ടും ട്രോഫിയും ലഭിക്കും. നാലും അഞ്ചും സ്ഥാനങ്ങളിലെത്തുന്ന ക്വയര്‍ ഗ്രൂപ്പിന് ട്രോഫികള്‍ സമ്മാനിക്കും.

ജോയ് ടു ദി വേള്‍ഡ് ഈ വര്‍ഷം കൂടുതല്‍ സൗകര്യങ്ങളോടു കൂടിയ ബിര്‍മിംഗ്ഹാം കിംഗ് എഡ്വേഡ് ഗ്രാമര്‍ സ്‌കൂളിലാണ് സംഘടിപ്പിക്കുന്നത്. വിശാലമായ ഓഡിറ്റോറിയവും അനുബന്ധ സൗകര്യങ്ങളും പാര്‍ക്കിംഗ് സൗകര്യങ്ങളുമുള്ള ഈ വേദി ആയിരത്തിലധികം പേരെ ഉള്‍ക്കൊള്ളും. കുട്ടികള്‍ക്കും മുതിര്‍ന്നവര്‍ക്കുമായി  അന്നേദിവസം ഉച്ച മുതല്‍ തുറന്നു പ്രവര്‍ത്തിക്കുന്ന രുചികരമായ ഭക്ഷണ കൗണ്ടറുകള്‍, കേക്ക് സ്റ്റാളുകള്‍ എന്നിവ ക്രമീകരിച്ചിട്ടുണ്ട്.  

ജാതിമത ഭേദമന്യേ യുകെയിലെ മലയാളി സമൂഹം ഒന്നടങ്കം പങ്കെടുക്കുന്ന ഈ  സംഗീതസായാഹ്നത്തിലേക്ക് ഏവരെയും ക്ഷണിക്കുന്നതായി ജോയ് ടു ദി വേള്‍ഡ്  പ്രോഗ്രാം കോ-ഓര്‍ഡിനേറ്റര്‍ ജോഷി സിറിയക്  അറിയിച്ചു.
പ്രോഗ്രാം നടക്കുന്ന വേദിയുടെ വിലാസം
King Edward VI Five Ways School, Scotland Ln, Birmingham B32 4BT

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category