1 GBP = 93.10 INR                       

BREAKING NEWS

കാമുകിക്കൊപ്പം പോകാന്‍ അച്ഛന്‍ കൊലപ്പെടുത്തിയത് അമ്മയെ; പിതാവ് അറസ്റ്റിലായതോടെ ബന്ധുക്കളും കയ്യൊഴിഞ്ഞത് ഈ ആറാം ക്ലാസുകാരനെ; പിതാവിന്റെ കാമവെറിയില്‍ ഈ ലോകത്ത് തനിച്ചായ ബാലന്‍ ഇപ്പോള്‍ ചൈല്‍ഡ് വെല്‍ഫെയര്‍ കമ്മിറ്റിയുടെ സംരക്ഷണ കേന്ദ്രത്തില്‍

Britishmalayali
kz´wteJI³

കൊച്ചി: കാമുകിയോടൊപ്പം സുഖമായി ജീവിക്കാന്‍ ഭാര്യയെ കൊലപ്പെടുത്തിയതോടെ അനാഥനായത് ഒരു ആറാംക്ലാസുകാരന്‍. അമ്മ കൊല്ലപ്പെടുകയും അച്ഛന്‍ അറസ്റ്റിലാകുകയും ചെയ്തതോടെ ബന്ധുക്കളും കയ്യൊഴിഞ്ഞ കുട്ടി ഇപ്പോള്‍ ചൈല്‍ഡ് വെല്‍ഫെയര്‍ കമ്മിറ്റിയുടെ സംരക്ഷണ കേന്ദ്രത്തിലാണ്. ഉദയംപേരൂരില്‍ കൊല്ലപ്പെട്ട വിദ്യയുടെയും കൊലനടത്തിയ പ്രേംകുമാറിന്റെയും മകനാണ് ആരുമില്ലാതെ ഈ ലോകത്ത് ഏകനായി തീര്‍ന്നത്. വിദ്യയുടെ മരണത്തിനും പ്രേംകുമാറിന്റെ ജയില്‍ വാസത്തിനുമപ്പുറം ഈ കൊലയുടെ യഥാര്‍ത്ഥ ഇര അവരുടെ ഇളയ മകനാണ്. ഒറ്റ നിമിഷംകൊണ്ട് അച്ഛനും അമ്മയും സഹോദരിയും അവനില്ലാതായിരിക്കുകയാണ്.

കാമുകി സുനിത ബേബിക്കൊപ്പം ജീവിക്കാനാണ് വിദ്യയെ ഭര്‍ത്താവ് പ്രോംകുമാര്‍ കൊലപ്പെടുത്തിയത്. എന്നാല്‍ അമ്മ കൊല്ലപ്പെടുകയും അച്ഛന്‍ അറസ്റ്റിലാകുകയും ചെയ്തതോടെ പ്രേംകുമാറിന്റെയും വിദ്യയുടെയും ഇളയ മകനെയാണ് ബന്ധുക്കള്‍ കയ്യൊഴിഞ്ഞത്. മൂത്തമകളെ ഏറ്റെടുത്തെങ്കിലും കുടുംബപ്രശ്‌നങ്ങള്‍ മൂലം മകനെ ഏറ്റെടുക്കാന്‍ തയ്യാറായില്ല. ജോലിക്കായി വിദേശത്തേക്ക് പോകുകയാണെന്നും അതിനാല്‍ പഠിക്കാന്‍ സംരക്ഷണകേന്ദ്രത്തിലാക്കാമെന്നും മകനെ വിശ്വസിപ്പിച്ച് ഇവിടേക്ക് പോകുംവഴിയായിരുന്നു മകന്റെ കണ്‍മുന്നില്‍വെച്ച് പ്രേംകുമാര്‍ പൊലീസ് പിടിയിലാകുന്നത്.

കൊലപാതകം പുറത്തറിയുന്നതിന് മുന്‍പ് തന്നെ പ്രേംകുമാര്‍ മക്കളെ തിരുവനന്തപുരത്തേക്ക് മാറ്റിയിരുന്നു. പ്രേംകുമാറിന്റെ സ്വഭാവത്തില്‍ പേടിതോന്നിയ 9 ാം ക്‌ളാസുകാരി സ്‌കൂള്‍ കൗണ്‍സിലറോട് പരാതി പറഞ്ഞതോടെ കുട്ടികള്‍ ചൈല്‍ഡ് വെല്‍ഫയര്‍ കമ്മിറ്റിയുടെ മുന്നിലെത്തി. കമ്മിറ്റി പ്രേംകുമാറിന്റെ ബന്ധുക്കളെ വിളിച്ചുവരുത്തിയപ്പോള്‍ അവര്‍ മകളെ മാത്രം ഏറ്റെടുത്തു.

ബന്ധുക്കള്‍ കയ്യൊഴിഞ്ഞ മകനെ സി.ഡബ്‌ളിയു.സിയെ ഏല്‍പ്പിച്ച് വിദേശത്തേക്ക് കടക്കാനായിരുന്നു പ്രേംകുമാറിന്റെ നീക്കം. വിദേശത്ത് ജോലിക്ക് പോയി ഉടന്‍ വരാമെന്ന് മകനെ പറഞ്ഞ് വിശ്വസിപ്പിച്ച് സംരക്ഷണകേന്ദ്രത്തിലാക്കാന്‍ വരുന്ന വഴിക്കാണ് പൊലീസ് പിടിക്കുന്നത്. കണ്‍മുന്നിലുള്ള അച്ഛന്റെ അറസ്റ്റ് ആറാം ക്‌ളാസുകാരന് ഇരട്ടി ആഘാതമായി. ഏറ്റെടുക്കാന്‍ തയാറാണോയെന്ന് ബന്ധുക്കളോട് ഒരിക്കല്‍കൂടി അന്വേഷിക്കും. ഇല്ലങ്കില്‍ ഇനി ആ കുട്ടി അനാഥനാണ്.

Readers Comments

ChnsS sImSp¡pó A`n{]mb§Ä {_n«ojv aebmfnbptSXñ. tkmjyð s\ähÀ¡v hgn NÀ¨bnð ]s¦Sp¡póhÀ AÇoetam aX \nµtbm A]IoÀ¯nIctam \nbahncp²tam Bb A`n{]mb§Ä t]mÌv sN¿póXv ssk_À \nba{]Imcw in£mÀlamWv- þ FUnäÀ

Click here to type in malayalam

More News in this category