ഇതുവരെ ശേഖരിച്ച തുക ഇന്ന് കൈമാറും; ഇന്ന് അര്‍ദ്ധരാത്രിയില്‍ ചാക്കോച്ചന്‍ അപ്പീല്‍ അവസാനിക്കുമ്പോള്‍ 10,000 തികയ്ക്കാനാവുമെന്ന ആത്മവിശ്വാസം ശക്തം

യുകെയിലെ മലയാളികള്‍ വേദനിക്കേണ്ടതില്ല. അവര്‍ക്കൊരു പ്രതിസന്ധി ഉണ്ടായാല്‍ എല്ലാവരും ഒരുമിച്ച് നില്ക്കും. അല്ലെങ്കില്‍ നോക്കൂ... ചാക്കോച്ചന്റെ മൃതദേഹം നാട്ടിലെത്തിക്കാന്‍ മൂന്ന് ദിവസം കൊണ്ട് 9000 പൗണ്ട് ശേഖരിക്കാന്‍ ആവുമോ? ഇന്നലെ അര്‍ദ്ധരാത്രി വരെ ലഭിച്ചത് 8760 പൗണ്ടാണ്. ഈ തുക ഇന്ന് ചാക്കോച്ചന്റെ ബ്രിഡ്ലിംഗ്ടണിലെ വീട്ടിലെത്തി ഭാര്യ ദീപക്ക് ബ്രിട്ടീഷ് മലയാളി ചാരിറ്റി ഫൗണ്ടേഷന്‍ സെക്രട്ടറി ജോര്‍ജ് എടത്വ കൈമാറും. ഇന്ന് അര്‍ദ്ധരാത്രി അപ്പീല്‍ അവസാനിക്കുമ്പോള്‍ 10,000 പൗണ്ട് എന്ന ലക്ഷ്യം അനായാസമായി മറികടക്കാന്‍ ആവുമെന്ന പ്രതീക്ഷയാണ് എങ്ങുമുള്ളത്. ആകെ ചിലവ് 7000 പൗണ്ട് വരും. 3000 പൗണ്ട് അനുബന്ധ ചിലവുകള്‍ക്കും കുട്ടികളുടെ പഠനത്തിനും ഉപയോഗിക്കാന്‍ വേണ്ടിയാണ് ഉപയോഗിക്കുക. ചാക്കോച്ചന്റെ ആഗ്രഹം പൂര്‍ത്തീകരണം നിങ്ങളിലൂടെ സാധ്യമാക്കാന്‍ ഇവിടെ ക്ലിക്ക് ചെയ്യുക ഇന്ന് നടക്കുന്ന പൊതുദര്‍ശനത്തിനും ശ്രുശ്രൂഷകള്‍ക്കും ശേഷം നാട്ടിലെ ഇടവക പള്ളിയില്‍ സംസ്‌കാര ചടങ്ങുകള്‍ നടത്തുവാനാണ് തീരുമാനിച്ചിരിക്കുന്നത്. ഇക്കഴിഞ്ഞ വ്യാഴാഴ്ചയാണ് ഹള്ളിനു സമീപത്തെ ബ്രിട്‌ലിങ്ടണില്‍ താമസിച്ചു വരികയായിരുന്ന ചാക്കോച്ചന്‍ മരണത്തിനു കീഴടങ്ങുന്നത്. കഴിഞ്ഞ മൂന്നു വര്‍ഷമായി ശരീരത്തിലെ ഞരമ്പുകളെ ബാധിക്കുന്ന മോട്ടോര്‍ ന്യൂറോണ്‍ എന്ന രോഗത്തിന് ചികിത്സയിലായിരുന്നു ചാക്കോച്ചന്‍. 47 വയസ് മാത്രമായിരുന്നു പ്രായം. അബോധാവസ്ഥയിലായ ചാക്കോച്ചനെ ആംബുലന്‍സ് ടീം സി.പി.ആര്‍ (കൃത്രിമ ശ്വാസം) നല്‍കി ജീവിതത്തിലേയ്ക്ക് തിരിച്ചു കൊണ്ടുവരുവാന്‍ ശ്രമിച്ചുവെങ്കിലും ആ ശ്രമം വിജയിച്ചില്ല. മരണ സമയത്ത് ഭാര്യയും കുഞ്ഞുങ്ങളും തന്റെ അമ്മയും ഭാര്യയുടെ മാതാപിതാക്കളും സമീപത്തു തന്നെയുണ്ടായിരുന്നു.  യുകെയിലെ മാറിയ വിസാ നിയമങ്ങളും എന്‍എംസിയുടെ നൂലാമാലകളും നിമിത്തം ഏകദേശം ഒമ്പതു വര്‍ഷമായി യുകെയിലേക്ക് കുടിയേറിയ ദീപയ്ക്ക് രജിസ്റ്റേര്‍ഡ് നേഴ്‌സായി ജോലി ചെയ്യുവാന്‍ കഴിഞ്ഞിരുന്നില്ല. കഴിഞ്ഞ ഒരു വര്‍ഷമായി ചാക്കോച്ചന്റെ രോഗം മൂര്‍ച്ഛിച്ച് കിടപ്പിലായതിനാല്‍ 24 മണിക്കൂറും പരിചരണവും കുഞ്ഞു കുട്ടികളെ നോക്കേണ്ടതും ആവശ്യമായി വന്നതിനാല്‍ ദീപയ്ക്ക് ജോലി ചെയ്യുവാനും സാധിച്ചിരുന്നില്ല.അതിനാല്‍ തന്നെ, ചാക്കോച്ചന്റെ കുടുംബത്തെ സഹായിക്കേണ്ടത് നമ്മുടെയെല്ലാം ഉത്തരവാദിത്വമാണ്. ചാക്കോച്ചന്റെ കുടുംബത്തിനായി സഹായം നല്‍കുവാന്‍ സാധിക്കുന്നവരെല്ലാം വിര്‍ജിന്‍ മണി അക്കൗണ്ട് വഴി സഹായം നല്‍കണമെന്നാണ് ഞങ്ങള്‍ അഭ്യര്‍ത്ഥിക്കുന്നത്. അങ്ങനെയാകുമ്പോള്‍ നല്‍കുന്ന ഓരോ പൗണ്ടിനും 25 ശതമാനം ഗിഫ്റ്റ് എയ്ഡ് തുക കൂടി ചേര്‍ത്ത് ഒരു പൗണ്ട്, ഒന്നേകാല്‍ പൗണ്ടായി നല്‍കുവാന്‍ സാധിക്കും. പണം ഇടുമ്പോള്‍ ഗിഫ്റ്റ് എയ്ഡിന് സമ്മതിച്ചു എന്ന ടിക്ക് ബോക്‌സില്‍ ടിക്ക് ചെയ്യാന്‍ മറക്കരുത്. ചാക്കോച്ചന്റെ ആഗ്രഹം പൂര്‍ത്തീകരണം നിങ്ങളിലൂടെ സാധ്യമാക്കാന്‍ ഇവിടെ ക്ലിക്ക് ചെയ്യുക ദുരിതങ്ങളും കഷ്ടപ്പാടുകളും മുടങ്ങാതെ എത്തിയ ചാക്കോച്ചന്റെ കുടുംബത്തിനായി ബ്രിട്ടീഷ് മലയാളി ചാരിറ്റി ഫൗണ്ടേഷന്‍ വായനക്കാരില്‍ നിന്നും മുന്ന് ദിവസം കൊണ്ട് സമാഹരിച്ചത് 8760 പൗണ്ടാണ്. വിര്‍ജിന്‍ മണി അക്കൗണ്ട് വഴി ഗിഫ്റ്റ് എയ്ഡ് അടക്കം 7800.25പൗണ്ടാണ് ലഭിച്ചത്. ബാങ്ക് അക്കൗണ്ടിലേക്ക് ഇതുവരെ 960 പൗണ്ടുമാണ് നല്‍കിയിരിക്കുന്നത്. ഇങ്ങനെയാണ് തുക 8760 ആയി ഉയര്‍ന്നത്.   മേലൂര്‍ ചാലക്കുടി സ്വദേശിയായ ചാക്കോച്ചന്‍ ബ്രിഡ്‌ലിംഗ്ടണില്‍ കുടുംബ സമേതം താമസിച്ചു വരികയായിരുന്നു. ദീപ ആണ് ഭാര്യ. പ്രൈമറി ക്‌ളാസുകളില്‍ പഠിക്കുന്ന രണ്ട് പെണ്‍കുട്ടികളും അടങ്ങുന്നതാണ് കുടുംബം. ഒന്‍പത് വര്‍ഷങ്ങള്‍ക്ക് മുന്‍പ് ആദ്യമായി യുകെയില്‍ എത്തിയപ്പോള്‍ സ്റ്റോക്ക് ഓണ്‍ ട്രെന്റിലും പിന്നീട് ദീപക്ക് വര്‍ക്ക് പെര്‍മിറ്റ് നേടി ഡെവണിലും താമസിച്ചിരുന്നു. ഏകദേശം മൂന്നു വര്‍ഷം മുമ്പാണ് ബ്രിഡ്ലിംഗ്ടണിലേക്ക് എത്തിയത്. ബാങ്ക് അക്കൗണ്ട് വിവരങ്ങള്‍ ചുവടെ: Name: British Malayali Chartiy Foundation Account number: 72314320 Sort Code: 40 47 08 Reference: Chackochan Appeal IBAN Number: GB70MIDL40470872314320 ചാക്കോച്ചന്റെ ആഗ്രഹം പൂര്‍ത്തീകരണം നിങ്ങളിലൂടെ സാധ്യമാക്കാന്‍ ഇവിടെ ക്ലിക്ക് ചെയ്യുക ഇന്നലെ ബാങ്ക് അക്കൗണ്ടിലേക്ക് ലഭിച്ച തുകയുടെ സ്റ്റേറ്റ്മെന്റ് ചുവടെ:

പത്ത് വര്‍ഷം യുകെയില്‍ ജീവിച്ചിട്ടും ജോലിയോ പിആറോ ഇല്ലാത്ത എത്ര പേരെ നമ്മള്‍ കണ്ട് മുട്ടിയിട്ടുണ്ടാകും? എല്ലാ സ്വപ്‌നങ്ങളും നശിച്ച് പോയ ചാക്കോച്ചന്റെ അന്ത്യാഭിലാഷം എങ്കിലും സാധിച്ച് കൊടുക്കണ്ടെ? പെണ്‍മക്കളുടെ ചോദ്യത്തിന് മുമ്പില്‍ നിസ്സഹായയായി നില്ക്കുന്ന ദീപയുടെ കണ്ണുനീര്‍ നമുക്ക് തുടക്കാം

പത്ത് വര്‍ഷമായി യുകെയില്‍ ജീവിച്ചിട്ടും പിആര്‍ ലഭിക്കാത്ത ഒരാളെ നിങ്ങള്‍ കണ്ട് മുട്ടിയിട്ടുണ്ടോ? കള്ളവണ്ടി കയറി എത്തിയവരെക്കുറിച്ചും അഭയാര്‍ത്ഥി വിസയ്ക്ക് ശ്രമിക്കുന്നവരെ കുറിച്ചുമല്ല പറയുന്നത്. സ്റ്റുഡന്റ് വിസക്കാര്‍ ആണെങ്കില്‍ അവര്‍ക്ക് പത്ത് വര്‍ഷം നില്കാന്‍ കഴിയുകയുമില്ല. വിസയൊക്കെ ശരിയാണെങ്കിലും സമയദോഷം കൊണ്ട് പിആര്‍ വരെ എത്താതിരിക്കുകയും ജോലി ചെയ്യാന്‍ കഴിയാതെ പോകുകയും ചെയ്ത ഹതഭാഗ്യ കുടുംബമായിരുന്നു ചാക്കോച്ചന്റേത്. അനാരോഗ്യം കൂടി കൂട്ടിന് വന്നതോടെ സഹധര്‍മ്മിണിക്കും ജോലി മുടങ്ങി. ഒടുവില്‍ പതിയെ പതിയെ നടന്നെത്തി മരണം കൂട്ടികൊണ്ട് പോയപ്പോള്‍ ബാക്കിയാവുന്നത് അനിശ്ചിതത്വങ്ങളും സങ്കടങ്ങളും മാത്രമാണ്. ചാക്കോച്ചന്റെ ആഗ്രഹം പൂര്‍ത്തീകരണം നിങ്ങളിലൂടെ സാധ്യമാക്കാന്‍ ഇവിടെ ക്ലിക്ക് ചെയ്യുക ചാക്കോച്ചന്‍ ജീവിച്ചിരുന്നപ്പോള്‍ സ്വപ്നങ്ങളൊക്കെ വെറും സ്വപ്‌നങ്ങളായി മാത്രം അവശേഷിച്ചു. നാട്ടിലെ സമ്പാദ്യത്തിന്റെ വേരറുത്ത് യുകെയിലേക്ക് കുടിയേറുമ്പോള്‍ മനസ് നിറയെ സ്വപ്‌നങ്ങള്‍ ആയിരുന്നു. തനിക്കും ഭാര്യക്കും മികച്ച ജോലി പെണ്‍മക്കള്‍ക്ക് മികച്ച വിദ്യാഭ്യാസം. അങ്ങനെ അങ്ങനെ ഒരുപാട് സ്വപ്‌നങ്ങള്‍.. നമ്മള്‍ എല്ലാവരെയും പോലെ തന്നെ ചാക്കോച്ചനും ദീപയും സ്വപ്‌നം കണ്ടു. യുകെയിലെത്തി ഏറെ വൈകാതെ രോഗം വില്ലനായെത്തിയപ്പോള്‍ എല്ലാ സ്വപ്‌നങ്ങളും അരികിലെക്ക് മാറ്റി വച്ച് യാതനകളുടെ മഹാപര്‍വ്വം താണ്ടി തന്നെ ആയിരുന്നു നടപ്പ്. ചാക്കോച്ചനെ ശ്രുശ്രൂഷിക്കാന്‍ ദീപകൂടി വേണ്ടി വന്നതോടെ വരുമാന മാര്‍ഗം അടഞ്ഞു. ഒടുവില്‍ പെട്ടെന്ന് ആ ദിപം അണഞ്ഞപ്പോള്‍ എങ്കിലും ഒരു മോഹം എങ്കിലും സഫലമാക്കാനുള്ള നെട്ടോട്ടത്തിലാണ് അവര്‍. അതുകൊണ്ടാണ് ബ്രിട്ടീഷ് മലയാളി ചാരിറ്റി ഫൗണ്ടേഷന് ചാക്കോച്ചന് വേണ്ടി ഫണ്ട് ശേഖരിക്കാന്‍ രംഗത്തിറങ്ങിയത്. 7000 പൗണ്ടാണ് അവര്‍ക്ക് ആവശ്യം.എന്നാല്‍ 10000 പൗണ്ട് എങ്കിലും ശേഖരിച്ച് അവരുടെ കണ്ണുനീരിന് താത്കാലികമായെങ്കിലും ശമനം ഉണ്ടാക്കി കൊടുക്കാന്‍ ആണ് ഞങ്ങള്‍ ശ്രമിക്കുന്നത്. ഞങ്ങളുടെ ആഹ്വാനം ഏറ്റെടുത്ത് ചാക്കോച്ചന് വേണ്ടി ആദ്യ ദിവസം വായനക്കാര്‍ 3644 പൗണ്ട് നല്കിയപ്പോള്‍ രണ്ടാം ദിവസം 2165 പൗണ്ട് കൂടി എത്തിച്ച് ഇതുവരെ 5809 പൗണ്ടായി മാറിയിട്ടുണ്ട്. നമുക്ക് ഒരുമിച്ച ചേര്‍ന്ന് പരിശ്രമിച്ചാല്‍ ഒന്നോ രണ്ടോ ദിവസം കൊണ്ട് ഇത് 10000 പണ്ട് ആക്കി ഉയര്‍ത്താം. ശ്രമിക്കില്ലേ പ്രിയപ്പെട്ടവരെ... ചാക്കോച്ചന്റെ അന്ത്യാഭിലാഷം എങ്കിലും സാധിച്ച് സന്തോഷം പകരാന്‍ നമുക്ക് ശ്രമിച്ച് കൂടെ? ചാക്കോച്ചന്റെ ആഗ്രഹം പൂര്‍ത്തീകരണം നിങ്ങളിലൂടെ സാധ്യമാക്കാന്‍ ഇവിടെ ക്ലിക്ക് ചെയ്യുക പലതവണ ആവര്‍ത്തിച്ച കാര്യം ഒരിക്കല്‍ കൂടി പറയട്ടെ. നിങ്ങളുടെ സ്‌നേഹവും മനസുമാണ് വേണ്ടത്. ഒരുപാട് പണം ഒന്നും തരണ്ട. ഒരു പത്ത് പൗണ്ട് വീതം പരാമവധി പേര്‍ നലകട്ടെ. നിങ്ങള്‍ പത്ത് പൗണ്ട് നല്കിയാല്‍ ഞങ്ങള്‍ അത് 12.5 പൗണ്ടായി ദീപക്ക് നലകും. അത് ഞങ്ങളുടെ ഉറപ്പാണ്. കഴിഞ്ഞ ആറ് വര്‍ഷമായി വായനക്കാര്‍ക്ക് നല്കി പാലിച്ച് പോന്ന ഉറപ്പ്. ബ്രിട്ടീഷ് സര്‍ക്കാര്‍ നല്കുന്ന ഗിഫ്റ്റ് എയ്ഡാണിത് എന്ന് മറക്കേണ്ട. അതുകൊണ്ട് ഞങ്ങള്‍ ഇതിനൊപ്പം കൊടുക്കുന്ന വിര്‍ജിന്‍ മണി ലിങ്ക് വഴി പണം തരണം. എങ്കിലേ ഗിഫ്റ്റ് എയ്ഡ് ലഭിക്കൂ. എങ്കിലെ പൂര്‍ണമായും സുതാര്യമാകൂ.. ആര്‍ക്ക് വേണമെങ്കിലും ലിങ്കില്‍ ക്ലിക്ക് ചെയ്ത് ഇതുവരെയുള്ള തുകയറിയാം. നിങ്ങള്‍ നല്കിയ തുക മുഴുവന്‍ കൊടു്‌ത്തോ എന്ന് നോക്കാം. കാരണം ഞങ്ങള്‍ ചെലവിനുള്ള കാശ് പോലും വായനക്കാരുടെ കരുണയില്‍ നിന്നും പങ്ക് പറ്റാറില്ല. ചാക്കോച്ചന്റെ ആഗ്രഹം പൂര്‍ത്തീകരണം നിങ്ങളിലൂടെ സാധ്യമാക്കാന്‍ ഇവിടെ ക്ലിക്ക് ചെയ്യുക ചാക്കോച്ചന്റെ കുടുംബത്തെ സഹായിക്കാന്‍ ഇതുവരെ ലഭിച്ചത് 5809 പൗണ്ട് ദുരിതങ്ങളും കഷ്ടപ്പാടുകളും മുടങ്ങാതെ എത്തിയ ചാക്കോച്ചന്റെ കുടുംബത്തിനായി ബ്രിട്ടീഷ് മലയാളി ചാരിറ്റി ഫൗണ്ടേഷന്‍ വായനക്കാരില്‍ നിന്നും രണ്ട് ദിവസം കൊണ്ട് സമാഹരിച്ചത് 5809 പൗണ്ടാണ്. വിര്‍ജിന്‍ മണി അക്കൗണ്ട് വഴി ഗിഫ്റ്റ് എയ്ഡ് അടക്കം 5244 പൗണ്ടാണ് ലഭിച്ചത്. ബാങ്ക് അക്കൗണ്ടിലേക്ക് ഇതുവരെ 565 പൗണ്ടുമാണ് നല്‍കിയിരിക്കുന്നത്. ഇങ്ങനെയാണ്5809 പൗണ്ട് സമാഹരിച്ചത്. ചാക്കോച്ചന്റെ പൊതുദര്‍ശനം നാളെ ബ്രിഡ്‌ലിങ്ടണില്‍ കഴിഞ്ഞ വ്യാഴാഴ്ച്ച മരണം വിളിച്ച ചാക്കോച്ചന് നാളെ യുകെ മലയാളി സമൂഹം അന്ത്യാഞ്ജലി അര്‍പ്പിക്കും. ബുധനാഴ്ച്ച ഒവര്‍ ലേഡി ആന്റ് സെയ്ന്റ് പീറ്റേഴ്‌സ് ചര്‍ച്ചില്‍ വൈകുന്നേരം 5 മണിയോടെ മൃതദേഹം എത്തിക്കും. തുടര്‍ന്ന് ശ്രുശ്രൂഷകള്‍ നടക്കും.ചാക്കോച്ചന് അന്ത്യോമപചാരം അര്‍പ്പിക്കാന്‍ എത്തുന്നവര്‍ക്ക് വിപുലമായ കാര്‍ പാര്‍ക്കിങ് സൗകര്യം ഒരുക്കിയിട്ടുണ്ട്. ട്രയിനില്‍ എത്തുന്നവര്‍ക്ക് ബ്രിഡ്‌ലിങ്ടണ്‍ റെയില്‍വേ സ്റ്റേഷനില്‍ നിന്നും 5 മിനിറ്റ് ദൂരം നടന്നെത്താവുന്ന ദൂരത്തിലാണ് സംസ്‌കാര ശ്രുശ്രൂഷകള്‍ ഒരുക്കിയിട്ടുള്ളത്. കൂടുതല്‍ വിവരങ്ങള്‍ക്കായി ജോബിന്‍:- 07838064300 നമ്പരില്‍ ബന്ധപ്പെടാവുന്നതാണ്. അഡ്രസ്: OUR LADY AND SAINT PETERS CHURCH, Victoria road, Bridlington YO15 പാര്‍ക്കിങിന്: North street, Bridlington, YO15 2DY. 0.1 mile , 2. Moor field road car park  Moor field road, Bridlington, YO16 4LE Field House Surgery, Bridlington, YO15 2AT Free roadside parking available in this area. കഴിഞ്ഞ വ്യാഴാഴ്ച്ചയാണ് ചാക്കോച്ചനെ മരണം വിളിച്ചത്.കഴിഞ്ഞ മൂന്നു വര്‍ഷമായിമോട്ടോര്‍ ന്യൂറോണ്‍ഡിസീസ് എന്ന അപൂര്‍വ രോഗത്തിന് ചികിത്സയില്‍ ആയിരുന്നു ചാക്കോച്ചന്‍. വീട്ടില്‍ ഒരുക്കിയ പ്രത്യേക ആം ചെയറില്‍ ഓക്സിജന്‍ സിലിണ്ടറിന്റെ സഹായത്തോടെ ആയിരുന്നു ചാക്കോച്ചന്റെ ജീവിതം കഴിഞ്ഞ രണ്ട് വര്‍ഷത്തോളമായി മുന്‍പോട്ട് പോയികൊണ്ടിരുന്നത്.മേലൂര്‍ ചാലക്കുടി സ്വദേശിയായ ചാക്കോച്ചന്‍ ബ്രിഡ്ലിംഗ്ടണില്‍ കുടുംബ സമേതം താമസിച്ചു വരികയായിരുന്നു. ദീപ ആണ് ഭാര്യ. പ്രൈമറി ക്ളാസുകളില്‍ പഠിക്കുന്ന രണ്ട് പെണ്‍കുട്ടികളും അടങ്ങുന്നതാണ് കുടുംബം. ഒന്‍പത് വര്‍ഷങ്ങള്‍ക്ക് മുന്‍പ് ആദ്യമായി യുകെയില്‍ എത്തിയപ്പോള്‍ സ്റ്റോക്ക് ഓണ്‍ ട്രെന്റിലും പിന്നീട് ദീപക്ക് വര്‍ക്ക് പെര്‍മിറ്റ് നേടി ഡെവണിലും താമസിച്ചിരുന്നു. ഏകദേശം മൂന്നു വര്‍ഷം മുമ്പാണ് ബ്രിഡ്‌ലിംഗ്ടണിലേക്ക് എത്തിയത്. ബാങ്ക് അക്കൗണ്ട് വിവരങ്ങള്‍ ചുവടെ: Name: British Malayali Chartiy Foundation Account number: 72314320 Sort Code: 40 47 08 Reference: Chackochan Appeal IBAN Number: GB70MIDL40470872314320 ചാക്കോച്ചന്റെ ആഗ്രഹം പൂര്‍ത്തീകരണം നിങ്ങളിലൂടെ സാധ്യമാക്കാന്‍ ഇവിടെ ക്ലിക്ക് ചെയ്യുക ഇന്നലെ ബാങ്ക് അക്കൗണ്ടിലേക്ക് ലഭിച്ച തുകയുടെ സ്‌റ്റേറ്റ്‌മെന്റ് ചുവടെ:

അച്ഛന്‍ മരിച്ചതിന്റെ കൃത്യം 25-ാം വാര്‍ഷിക ദിനത്തില്‍ ചാക്കോച്ചനും യാത്രയായി; ദീപയുടെ കണ്ണുനീര്‍ കണ്ട് ഒരു ദിവസം കൊണ്ട് ആവശ്യമുള്ളതിന്റെ പകുതിയോളം നല്‍കി യുകെ മലയാളികള്‍; കൈകോര്‍ക്കാം ഒരിക്കല്‍ കൂടി

25 വര്‍ഷങ്ങള്‍ക്കു മുമ്പ് ഒരു ഫെബ്രുവരി ഏഴിനാണ് തൃശ്ശൂര്‍ ജില്ലയിലെ ചാലക്കുടിയ്ക്കടുത്ത് മേലൂര്‍ വടക്കന്‍ വീട്ടില്‍ ഐപ്പുണ്ണി എന്ന ചാക്കോച്ചന്റെ പിതാവ് നിര്യാതനായത്. കാല്‍ നൂറ്റാണ്ടിനിപ്പുറം കൃത്യം പിതാവിന്റെ ചരമ വാര്‍ഷിക ദിനത്തില്‍ ആണ് ചാക്കോച്ചനും മരണത്തിനു കീഴടങ്ങിയത്. പിതാവിന്റെ ഇരുപത്തഞ്ചാം മരണവാര്‍ഷിക ദിവസമെന്നുള്ള കാര്യവും പിതാവിന്റെ ഓര്‍മ്മകളും മരണ ദിവസം രാവിലെ ചാക്കോച്ചന്‍ പങ്കുവച്ചതായി ചാക്കോച്ചന്റെ അമ്മ ഓര്‍ക്കുന്നു. അന്നു രാവിലെ മുതല്‍ തന്നെ അസ്വസ്ഥത അനുഭവപ്പെട്ടുവെങ്കിലും മരണത്തില്‍ കലാശിക്കുമെന്ന് കരുതിയിരുന്നില്ല. ഒറ്റ ദിവസം കൊണ്ട് നിങ്ങള്‍ നല്‍കിയത് ആവശ്യമുള്ളതിന്റെ പകുതിയോളം ദുരിതങ്ങളും കഷ്ടപ്പാടുകളും മുടങ്ങാതെ എത്തിയ  ചാക്കോച്ചന്റെ കുടുംബത്തിനായി ബ്രിട്ടീഷ് മലയാളി ചാരിറ്റി ഫൗണ്ടേഷന്‍ വായനക്കാരില്‍ നിന്നും ഇന്നലെ ഒറ്റ ദിവസം കൊണ്ട് സമാഹരിച്ചത് 3644 പൗണ്ടാണ്. വിര്‍ജിന്‍ മണി അക്കൗണ്ട് വഴി ഗിഫ്റ്റ് എയ്ഡ് അടക്കം 3444 പൗണ്ടാണ് ലഭിച്ചത്. 78 പേരാണ് വിര്‍ജിന്‍ മണി വഴി സഹായം നല്‍കിയത്. ബാങ്ക് അക്കൗണ്ടിലേക്ക് 8 പേര്‍ ചേര്‍ന്ന് 200 പൗണ്ടുമാണ് നല്‍കിയിരിക്കുന്നത്. ഇങ്ങനെയാണ് 3644 പൗണ്ട് സമാഹരിച്ചത്. ചാക്കോച്ചന്‍ മൃതദേഹം നാട്ടില്‍ സംസ്‌കരിക്കുവാനാണ് തീരുമാനിച്ചിരിക്കുന്നത്. അതായിരുന്നു ചാക്കോച്ചന്റെയും ആഗ്രഹം. അതിനാല്‍ തന്നെ, ചാക്കോച്ചന്റെ ഭാര്യയ്ക്കും രണ്ടു പെണ്‍കുഞ്ഞുങ്ങള്‍ക്കും മാതാപിതാക്കള്‍ക്കും നാട്ടിലേക്ക് പോകുവാനായുള്ള 7000 പൗണ്ടിനാണ് ഈ ധനസഹായ രൂപീകരണം നടക്കുന്നത്.   ചാക്കോച്ചന്റെ ആഗ്രഹം പൂര്‍ത്തീകരണം നിങ്ങളിലൂടെ സാധ്യമാക്കാന്‍ ഇവിടെ ക്ലിക്ക് ചെയ്യുക ഇക്കഴിഞ്ഞ വ്യാഴാഴ്ചയാണ് ഹള്ളിനു സമീപത്തെ ബ്രിട്ലിങ്ടണില്‍ താമസിച്ചു വരികയായിരുന്ന ചാക്കോച്ചന്‍ മരണത്തിനു കീഴടങ്ങുന്നത്. കഴിഞ്ഞ മൂന്നു വര്‍ഷമായി ശരീരത്തിലെ ഞരമ്പുകളെ ബാധിക്കുന്ന മോട്ടോര്‍ ന്യൂറോണ്‍ എന്ന രോഗത്തിന് ചികിത്സയിലായിരുന്നു ചാക്കോച്ചന്‍. 47 വയസ് മാത്രമായിരുന്നു പ്രായം. പിതാവിന്റെ 25-ാം ചരമ വാര്‍ഷിക ദിനമായ വ്യാഴാഴ്ച രാവിലെ അമ്മയുമായി പിതാവിന്റെ ഓര്‍മ്മകള്‍ പങ്കുവച്ചിരുന്നു. പിന്നീടാണ് അസ്വസ്ഥതകള്‍ പ്രകടിപ്പിച്ചു തുടങ്ങിയത്. അബോധാവസ്ഥയിലായ ചാക്കോച്ചനെ ആംബുലന്‍സ് ടീം സി.പി.ആര്‍ (കൃത്രിമ ശ്വാസം) നല്‍കി ജീവിതത്തിലേയ്ക്ക് തിരിച്ചു കൊണ്ടുവരുവാന്‍ ശ്രമിച്ചുവെങ്കിലും ആ ശ്രമം വിജയിച്ചില്ല. മരണ സമയത്ത് ഭാര്യയും കുഞ്ഞുങ്ങളും തന്റെ അമ്മയും ഭാര്യയുടെ മാതാപിതാക്കളും സമീപത്തു തന്നെയുണ്ടായിരുന്നു.  മരണത്തിന് രണ്ടു ദിവസം മുമ്പ് ചൊവ്വാഴ്ച ഈ കുടുംബത്തിന് തുടക്കം മുതല്‍ തന്നെ താങ്ങും തണലുമായി നില്‍ക്കുന്ന ഫാ. ആന്റണി ഇവരുടെ വീട്ടിലെത്തി പ്രത്യേകം പ്രാര്‍ത്ഥനകള്‍ നടത്തുകയും ചെയ്തിരുന്നു. മുന്‍പ് കൃത്യമായി പള്ളിയില്‍ പോവുകയും പ്രാര്‍ത്ഥിക്കുകയും ചെയ്തിരുന്ന ചാക്കോച്ചന് ഈ പ്രാര്‍ത്ഥന വളരെയേറെ ആശ്വാസം നല്‍കിയിരുന്നു. ഈ വരുന്ന ബുധനാഴ്ചയാണ് പൊതുദര്‍ശനവും പ്രാര്‍ത്ഥനാ ചടങ്ങുകളും നടക്കുക. ബുധനാഴ്ച വൈകിട്ട് 4.30 മുതലാണ് ബ്രിട്ലിങ്ടണ്‍ ഔര്‍ ലേഡി ആന്‍ഡ് സെന്റ് പീറ്റേഴ്സ് പള്ളിയില്‍ പൊതുദര്‍ശനം ഉണ്ടാകുക. അഞ്ചുമണിക്ക് സംസ്‌കാരത്തോടനുബന്ധിച്ചുള്ള കുര്‍ബ്ബാനയും ഉണ്ടാകും. ഈ മാസം 18ന് നാട്ടിലെ ഇടവക പള്ളിയില്‍ സംസ്‌കാര ചടങ്ങുകള്‍ നടത്തുവാനുമാനാണ് ഇപ്പോള്‍ തീരുമാനിച്ചിരിക്കുന്നത്. പക്ഷേ, നടപടി ക്രമങ്ങള്‍ പൂര്‍ത്തിയാക്കി ഫ്യുണറല്‍ ഡയറക്റ്ററേഴ്‌സില്‍ നിന്നും മൃതദേഹം കൈപ്പറ്റുന്നതനുസരിച്ച് ഇതില്‍ മാറ്റം വരാന്‍ സാധ്യതയുണ്ട്. പരേതന്റെ മൃതദേഹം നാട്ടില്‍ എത്തിക്കുന്നതിനും ദീപയ്ക്കും കുഞ്ഞുങ്ങള്‍ക്കും മാതാപിതാക്കള്‍ക്കും നാട്ടിലേയ്ക്ക് യാത്ര ചെയ്യുന്നതിനും ഏകദേശം 7000 പൗണ്ട് ചിലവാകുമെന്ന് പ്രതീക്ഷിക്കുന്നു. യുകെയിലെ മാറിയ വിസാ നിയമങ്ങളും എന്‍എംസിയുടെ നൂലാമാലകളും നിമിത്തം ഏകദേശം ഒമ്പതു വര്‍ഷമായി യുകെയിലേക്ക് കുടിയേറിയ ദീപയ്ക്ക് രജിസ്റ്റേര്‍ഡ് നേഴ്സായി ജോലി ചെയ്യുവാന്‍ കഴിഞ്ഞിരുന്നില്ല. കഴിഞ്ഞ ഒരു വര്‍ഷമായി ചാക്കോച്ചന്റെ രോഗം മൂര്‍ച്ഛിച്ച് കിടപ്പിലായതിനാല്‍ 24 മണിക്കൂറും പരിചരണവും കുഞ്ഞു കുട്ടികളെ നോക്കേണ്ടതും ആവശ്യമായി വന്നതിനാല്‍ ദീപയ്ക്ക് ജോലി ചെയ്യുവാനും സാധിച്ചിരുന്നില്ല. ബ്രിട്‌ലിങ്ടനിലെ ഒരു നഴ്സിംഗ് ഹോമില്‍ ജോലി ചെയ്തിരുന്നുവെങ്കിലും വിസാ കാലാവധി തീര്‍ന്നതു കൊണ്ട് അവിടെ തുടരാന്‍ സാധിച്ചിരുന്നില്ല. റിക്രൂട്ട് ഏജന്റ് മാരുടെ ചതിയില്‍ പെട്ട് യുകെയിലെ ജോലി മാറ്റത്തിനും മറ്റുമായി വലിയൊരു തുക ഈ കാലയളവിനുള്ളില്‍ ചിലവാക്കേണ്ടതായും വന്നു. ചാക്കോച്ചന്റെ അസുഖവും കുടുംബത്തിന്റെ ദയനീയാവസ്ഥയും പരിഗണിച്ച് ഹോം ഓഫീസ് ഇക്കഴിഞ്ഞയിടെയാണ് ഇവരുടെ വിസ ഡിസംബര്‍ 2020 വരെ പുതുക്കി നല്‍കിയത്. ചാക്കോച്ചന്റെ അസുഖവും വിസാ- ജോലിപ്രശ്നങ്ങള്‍ കൊണ്ടും കഴിഞ്ഞ കുറെ വര്‍ഷങ്ങളായി ഈ കുടുംബം വളരെ വിഷമഘട്ടങ്ങളില്‍ കൂടി കടന്നു പോകുകയായിരുന്നു. ഗിഫ്റ്റ് എയ്ഡ് ടിക്ക് ചെയ്യാന്‍ മറക്കല്ലേ... അതിനാല്‍ തന്നെ, ചാക്കോച്ചന്റെ കുടുംബത്തെ സഹായിക്കേണ്ടത് നമ്മുടെയെല്ലാം ഉത്തരവാദിത്വമാണ്. ചാക്കോച്ചന്റെ കുടുംബത്തിനായി സഹായം നല്‍കുവാന്‍ സാധിക്കുന്നവരെല്ലാം വിര്‍ജിന്‍ മണി അക്കൗണ്ട് വഴി സഹായം നല്‍കണമെന്നാണ് ഞങ്ങള്‍ അഭ്യര്‍ത്ഥിക്കുന്നത്. അങ്ങനെയാകുമ്പോള്‍ നല്‍കുന്ന ഓരോ പൗണ്ടിനും 25 ശതമാനം ഗിഫ്റ്റ് എയ്ഡ് തുക കൂടി ചേര്‍ത്ത് ഒരു പൗണ്ട്, ഒന്നേകാല്‍ പൗണ്ടായി നല്‍കുവാന്‍ സാധിക്കും. പണം ഇടുമ്പോള്‍ ഗിഫ്റ്റ് എയ്ഡിന് സമ്മതിച്ചു എന്ന ടിക്ക് ബോക്സില്‍ ടിക്ക് ചെയ്യാന്‍ മറക്കരുത്.   ചാക്കോച്ചന്റെ ആഗ്രഹം പൂര്‍ത്തീകരണം നിങ്ങളിലൂടെ സാധ്യമാക്കാന്‍ ഇവിടെ ക്ലിക്ക് ചെയ്യുക വിര്‍ജിന്‍ മണി നല്‍കാന്‍ സാധ്യമല്ലാതെ മറ്റേതെങ്കിലും കാരണം ഉണ്ടെങ്കില്‍ ചാരിറ്റി ഫൗണ്ടേഷന്റെ അക്കൗണ്ടിലേയ്ക്ക് ഇടുക. നിങ്ങളുടെ ഓരോ പൗണ്ടിനും കണക്കുണ്ടാവുകയും അതിന് അത് പരസ്യമാക്കുകയും ചെയ്യുന്നതാണ്. ഒരു പൗണ്ടിന്റെ കാര്യത്തില്‍ പോലും സുതാര്യത കൈവിടുകയില്ല എന്നു മറക്കരുത്. നൂറു ശതമാനം വിശ്വാസത്തോടെ നിങ്ങള്‍ക്ക് ഫണ്ട് നല്‍കാം. ഓരോ പണത്തിന്റെയും ബാങ്ക് സ്റ്റേറ്റ്‌മെന്റുകള്‍ അടക്കം കണക്കുകള്‍ അപ്പോള്‍ പ്രസിദ്ധീകരിക്കുന്നതാണ്. ചാരിറ്റി ഫൗണ്ടേഷന്റെ വെബ്‌സൈറ്റിലും അതു പരിശോധിച്ചു ഉറപ്പു വരുത്താം. ബാങ്ക് അക്കൗണ്ട് വിവരങ്ങള്‍ ചുവടെ: Name: British Malayali Chartiy Foundation Account number: 72314320 Sort Code: 40 47 08 Reference: Chackochan Appeal IBAN Number: GB70MIDL40470872314320 ഇന്നലെ ബാങ്ക് അക്കൗണ്ടിലേക്ക് ലഭിച്ച തുകയുടെ സ്‌റ്റേറ്റ്‌മെന്റ് ചുവടെ:  

യുകെ മലയാളികളുടെ കരുണയ്ക്ക് കയ്യടിച്ച് ഹൈക്കോടതി ജഡ്ജി; ഭൂമിയിലെ സ്വര്‍ഗത്തില്‍ കണ്ണുനീരുമായെത്തി ക്രി സ്മസ് ന്യൂ ഇയര്‍ അപ്പീല്‍ ഏറ്റുവാങ്ങി ഏഴു രോഗികള്‍

യുകെയിലെ മലയാളികളുടെ കരുണയ്ക്ക് ഇക്കുറി കയ്യടിച്ചത് കേരളാ ഹൈക്കോടതി ജഡ്ജി ജസ്റ്റിസ് മുഹമ്മദ് മുസ്തക്. ബ്രിട്ടീഷ് മലയാളി ചാരിറ്റി ഫൗണ്ടേഷന്‍ നടത്തിയ ക്രിസ്മസ് ന്യൂ ഇയര്‍ അപ്പീലില്‍ സഹായങ്ങള്‍ വിതരണം ചെയ്തുകൊണ്ടാണ് ഹൈക്കോടതി ജഡ്ജി യുകെയിലെ മലയാളികളുടെ കരുണയെ പ്രശംസിച്ചത്. സത്യമല്ല, തെളിവുകളാണ് കോടതിക്ക് പരിഗണിക്കേണ്ടി വരുന്നതെന്നു പറഞ്ഞു സത്യത്തിനു വേണ്ടി നിലനില്‍ക്കാന്‍ ആഹ്വാനം ചെയ്താണ് ജസ്റ്റിസ് മുസ്തക് പ്രസംഗം അവസാനിപ്പിച്ചത്. ഭൂമിയിലെ സ്വര്‍ഗം എന്നറിയപ്പെടുന്ന പത്തനാപുരം ഗാന്ധി ഭവനില്‍ നടന്ന നിയമബോധന ചടങ്ങിനിടയില്‍ ആയിരുന്നു ഏഴു രോഗികള്‍ ഫണ്ട് ഏറ്റുവാങ്ങിയത്. ബ്രിട്ടീഷ് മലയാളി ഫൗണ്ടേഷന്‍ ഏഴ് നിര്‍ദ്ധന രോഗികള്‍ക്ക് 8250 പൗണ്ടാണ് ഇന്നലെ ഗാന്ധിഭവനിലെ ചടങ്ങില്‍ വച്ച് വിതരണം ചെയ്തത്. സഹായം അഭ്യര്‍ത്ഥിച്ച ആറുപേര്‍ക്ക് 1250 പൗണ്ട് വീതവും ഒരാള്‍ക്ക് 750 പൗണ്ടുമാണ് നല്‍കിയത്. കോട്ടയം ഓണംത്തുരുത്ത് സ്വദേശി മനോജ് ജോസഫ്, കണ്ണൂര്‍ ചെമ്പേരി സ്വദേശി ജോര്‍ജ്ജ് തോമസ്, എറണാകുളം അങ്കമാലി സ്വദേശിനി നീതു സുജിത്ത്, വയനാട് സ്വദേശി എല്‍ദോ, ആലപ്പുഴ കലവൂരിലെ ബാലിക ശ്രീരഞ്ജിനി എന്‍എസ്, കോട്ടയം കീഴൂര്‍ സ്വദേശി ഔസേഫ് ലൂക്കാ എന്നിവര്‍ക്കാണ് 1250 പൗണ്ട് നല്‍കിയത്. ഇടുക്കി കട്ടപ്പന സ്വദേശിനി ജെസ്സിക്ക് 750 പൗണ്ട് നല്‍കി. ഗാന്ധിഭവന്‍ ഇന്റര്‍നാഷണല്‍ ട്രസ്റ്റ് ലീഗല്‍ എയ്ഡ് ക്ലിനിക്കിന്റെ നേതൃത്വത്തില്‍ നടന്ന അദാലത്തും നിയമ ബോധന സെമിനാറിലുമാണ് സഹായ വിതരണം നടത്തിയത്. രാവിലെ ഒന്‍പതു മണിക്കാണ് പരിപാടി ആരംഭിച്ചത്. ജീവിതം സന്തോഷിക്കുവാന്‍ വേണ്ടിമാത്രമാണെന്നു കരുതുന്ന ഒരു സൈബര്‍ തലമുറയാണ് വളര്‍ന്നുവരുന്നത്. സാമൂഹ്യ സ്പന്ദനങ്ങളറിയാത്ത തലമുറ. പരസ്പര സ്നേഹവും സഹകരണവും കുറയുന്ന ഈ സാഹചര്യത്തില്‍ ഗാന്ധിയന്‍ തത്വങ്ങള്‍ക്ക് പ്രസക്തിയേറുന്നു. എന്നു നമ്മള്‍ ഗാന്ധിജിയുടെ ആശയങ്ങള്‍ നിരാകരിച്ചു തുടങ്ങിയോ അന്നുമുതല്‍ സാമൂഹ്യ ജീവിതത്തില്‍ താളംതെറ്റലുകള്‍ തുടങ്ങി. ഇന്ത്യയെ ഒന്നിച്ചു നിര്‍ത്തുന്ന ആശയങ്ങളാണ് ഗാന്ധിജിയുടേതെന്ന് ഹൈക്കോടതി ജഡ്ജി ജസ്റ്റിസ് എ. മുഹമ്മദ് മുസ്താഖ് കൂട്ടിച്ചേര്‍ത്തു. പത്തനാപുരം താലൂക്ക് ലീഗല്‍ സര്‍വ്വീസസ് കമ്മറ്റി ചെയര്‍മാനും ജില്ലാ ജഡ്ജിയുമായ എ.കെ. ഗോപകുമാര്‍ അദ്ധ്യക്ഷത വഹിച്ചു. ഗാന്ധിഭവന്‍ സെക്രട്ടറി ഡോ. പുനലൂര്‍ സോമരാജന്‍ സ്വാഗതമാശംസിച്ച ചടങ്ങില്‍ സംസ്ഥാന വനിതാ കമ്മീഷന്‍ അംഗം ഷാഹിദാ കമാല്‍ വിശിഷ്ടാതിഥിയായിരുന്നു. പുനലൂര്‍ മുന്‍സിഫ്  ജി. ഹരീഷ്, കൊല്ലം ജില്ലാ ലീഗല്‍ സര്‍വ്വീസസ് അതോറിറ്റി സെക്രട്ടറിയും സബ്ബ് ജഡ്ജുമായ ആര്‍. സുധാകാന്ത്, ഗാന്ധിഭവന്‍ നീതിഭവന്‍ സിഇഒ മുന്‍ എ ഡി എം എച്ച് സലിംരാജ്, പുനലൂര്‍ ബാര്‍ അസോസിയേഷന്‍ പ്രസിഡന്റ് അഡ്വ. എച്ച് രാജീവന്‍, സിഡബ്ല്യുസി അംഗം പി.എസ്.എം ബഷീര്‍, അഡ്വ. രാജീവ് രാജധാനി, അഡ്വ. ബീനാവിന്‍സന്റ്, എസ്പിസി ലീഗല്‍ കൗണ്‍സിലര്‍ അഡ്വ. എസ്. രശ്മി, ഗാന്ധിഭവന്‍ ചെയര്‍മാന്‍ അഡ്വ. എന്‍. സോമരാജന്‍, താലൂക്ക് ലീഗല്‍ സര്‍വ്വീസസ് കമ്മറ്റി സെക്രട്ടറി ഷിബു തോമസ് എന്നിവര്‍ പങ്കെടുത്തു.